Beısenbi, 22 qarasha 2012 7:16
Úsh sentner esirtkini tárkiledi
Keshe Avstralııa polıseıleri osy elge asa iri kólemde esirtki jetkizýdiń jolyn kesý operasııasyn aıaqtady. «Frans-press» agenttiginińhabarlaýynsha, tabylǵan esirtkiniń jalpy kólemi úsh sentnerden asady.
Beısenbi, 22 qarasha 2012 7:16
Úsh sentner esirtkini tárkiledi
Keshe Avstralııa polıseıleri osy elge asa iri kólemde esirtki jetkizýdiń jolyn kesý operasııasyn aıaqtady. «Frans-press» agenttiginińhabarlaýynsha, tabylǵan esirtkiniń jalpy kólemi úsh sentnerden asady.
Sıdneı polıseıleri qaladaǵy bir qoımada Qytaıdan jańadan ımporttalǵan asfalt tóseıtin máshıneni teksergen. Tekserý barysynda onyń ishinen 235 kılo metamfetamın jáne 115 kılodan astam kokaın shyqqan. Tárkilengen esirtkiniń jalpy quny qara bazarda 250 mıllıon dollardy quraıtyn kórinedi. Osyǵan qatysy bar degen kúdikpen 34 jáne 33 jastardaǵy kanadalyq pen amerıkalyq tutqyndaldy. Osydan bir apta buryn avstralııalyq polıseıler Ekvadordan Avstralııaǵa kele jatqan ıahtadan 204 kılo kokaın tapqan bolatyn.
Janartaý taǵy «oıandy»
Keshe Jańa Zelandııadaǵy Tongarıro janartaýy atqylady. Bul janartaý Soltústik aralynyń ortalyq bóliginde ornalasqan. Janartaý atqylaýynan aýaǵa shashylǵan kúldiń bıiktigi úsh myń metrge jýyqtaıdy.
«Assosheıted press» agenttiginiń aqparattaryna qaraǵanda, janartaý jergilikti ýaqyt boıynsha saǵat 13.25-te «oıanǵan». Sonyń saldarynan birqatar baǵytqa ushatyn ushaqtardyń reısi keıinge shegerildi. Osy jyldyń tamyzynda Tongarıro janartaýy taǵy da atqylaǵan edi. Onda da el ishine qatynaıtyn avıareıster kestesi buzylǵan edi. Al bul janartaý 1897 jyldan beri «uıyqtap» jatqan kórinedi.
HAMAS óz moınyna aldy
Tel-Avıvte avtobýs jaryldy, sonyń saldarynan 15 adam jaraqattandy, onyń úsheýi aýyr halde jatyr. Gaza sektoryndaǵy shetel tilshileriniń habarlaýynsha, jarylys jaýapkershiligin palestınalyq HAMAS radıkaldy qozǵalysy alǵan.
Sheteldik tilshilerdiń aqparattary boıynsha olar meshittiń munarasyna ornatylǵan daýys ulǵaıtqyshty paıdalanǵan sııaqty. Al polısııanyń málimetterine qaraǵanda, belgisiz bireý avtobýs salonyna jarylǵysh zat salynǵan paketti qaldyryp ketken. Keıin belgili bolǵanyndaı, kúdiktilerdiń bireýi tutqynǵa alyndy.
Tájik aǵaıyndar birinshi tur
Tájikstan óz azamattarynyń eńbek mıgranty retinde shetelderde jumys istep, otanyna aqsha aýdarymy jóninen álemde aldyńǵy orynǵa shyqty. Bul týraly Búkilálemdik banktiń baıandamasynda kórsetilgen.
Búkilálemdik banktiń esebinshe, 2012 jyly shetelderdegi tájik eńbek mıgranttary aýdaratyn qarjy kólemi eldiń ishki jalpy óniminiń 47 paıyzyn quraıdy. Al ekinshi orynda Lıberııa (31 paıyz), úshinshi orynda Qyrǵyzstan (29 paıyz) tur. Odan keıin Lesoto (27 paıyz), Moldova (23 paıyz), Nepal (22 paıyz) jáne Samoa (21 paıyz) keledi. Bıylǵy jyly eńbek mıgranttary óz otbasylaryna jalpy kólemi 406 mıllıard dollar jiberetin kórinedi. Banktiń esebinshe, bul ótken jylǵydan 6,5 paıyzǵa kóp.
Terrorshy darǵa asyldy
Mýmbaıda terrorlyq áreketti júzege asyrǵandardyń biri – Mohammed Kasab keshe erteńgisin túrmede darǵa asyldy. AǴR agenttiginiń habarlaýynsha, pákstandyq M.Kasab 2008 jyly Mýmbaıda terrorlyq áreket jasaýshy onshaqty adamnyń ishinen tiri qalǵan.
Olar Táji Mahal, Obereı otelderine, evreı dinı ortalyǵyna, meıramhana men temir jol vokzalyna, sondaı-aq aýrýhanaǵa shabýyldar jasap, sonyń saldarynan 166 adam ajal qushqan edi. Osyǵan baılanysty ol kináli dep tabylyp, sot ony 2010 jyly ólim jazasyna kesken.
Kúıeýin atyp óltirgeni úshin
Jergilikti sot Argentınanyń Rıo-Negro provınsııasy gýbernatorynyń jesiri Sýsana Freıdosty kúıeýin óltirgeni úshin 18 jylǵa bas bostandyǵynan aıyrý jazasyna kesti. Qylmys 2012 jyly Jańa jyldy merekeleý kezinde jasalǵan.
Sýsana Freıdos mas bolyp, kúıeýimen ózara daýlasý barysynda ony atyp tastaǵan kórinedi. Prokýrorlar oǵan ómir boıy túrmede otyrǵyzý jazasyn suraǵan. Al sot qylmys jasar kezinde onyń júıkesinde aýytqýshylyq bolǵanyn jáne mas ekenin eskergen.
Qysqa qaıyryp aıtqanda:
Reseıdiń bas prokýratýrasy osy aptanyń sońyna qaraı Memlekettik dýmaǵaOleg Mıheevti depýtattyq derbes quqyǵynan aıyrý jóninde usynys jasamaq.Ony eki bank alaıaqtyq jasady dep aıyptaýda.
Grýzııa óziniń Aýǵanstandaǵy áskerı kontıngentiniń qatarynkóbeıtti. Qorǵanys mınıstrliginiń málimeti boıynsha, qazan aıynyńishinde olar aýǵan jerine birneshe márte óz áskerlerin jibergen.
Bokstan álem chempıony Ektor Kamacho aýyr jaraqatpen gospıtalǵa tústi. Avtokólik ishinde otyrǵan oǵan belgisiz bireýler oq atqan.
Sot sheshimimen nemis shirkeýleri men shirkeý uıymdarynyń qyzmetkerlerine ereýil jasaýǵa ruqsat etildi. Bul eńbek jaǵdaıyn jaqsartýǵa baılanysty bolsa kerek.
Internet materıaldary negizinde ázirlendi.