Seısenbi, 20 qarasha 2012 7:10
Izraıl ýltımatým jarııalady
Izraıl HAMAS-qa 36 saǵattyq ýltımatým qoıdy, ol ótkennen keıin, eger Gaza sektorynda oq atý tyıylmasa, Izraıl áskerı operasııany keńeıte túspek.
Izraıldiń qarjy mınıstri Iýval Shtaınıstiń sózine silteme jasaı otyryp, Russia Today osyndaı habar taratqan. Biz jolaıryqta turmyz. Bizdi ne ahýaldyń tynyshtalýy nemese operasııalardy kúsheıtý isi kútip tur. Sonymen birge, máseleni tolyqtaı áskerı turǵyda sheshý de qarastyrylýda, dep málimdegen Shtaınıs. Izraıldiń Egıpet basshylyǵyn ýltımatýmdy jetkizý úshin deldal retinde paıdalanǵany da atap kórsetilgen. Palestınalyqtar óz tarapynan Gaza sektoryna blokadany alýdy jáne adamdardy maqsatty túrde óltirýdi toqtatýdy talap etýde.
Izraıl ýltımatým jarııalady
Izraıl HAMAS-qa 36 saǵattyq ýltımatým qoıdy, ol ótkennen keıin, eger Gaza sektorynda oq atý tyıylmasa, Izraıl áskerı operasııany keńeıte túspek.
Izraıldiń qarjy mınıstri Iýval Shtaınıstiń sózine silteme jasaı otyryp, Russia Today osyndaı habar taratqan. Biz jolaıryqta turmyz. Bizdi ne ahýaldyń tynyshtalýy nemese operasııalardy kúsheıtý isi kútip tur. Sonymen birge, máseleni tolyqtaı áskerı turǵyda sheshý de qarastyrylýda, dep málimdegen Shtaınıs. Izraıldiń Egıpet basshylyǵyn ýltımatýmdy jetkizý úshin deldal retinde paıdalanǵany da atap kórsetilgen. Palestınalyqtar óz tarapynan Gaza sektoryna blokadany alýdy jáne adamdardy maqsatty túrde óltirýdi toqtatýdy talap etýde.
Obamanyń Bırmaǵa sapary
AQSh prezıdenti Barak Obama ótken jyly eýropalyq basqynshylardyń talaı ret tonaýyna túsken Shvedagon pagodasynda boldy.
Aq úı basshysy Bırmaǵa saparmen kelgen bolatyn. Bul Amerıka prezıdentiniń bul elge tarıhtaǵy tuńǵysh sapary. Obama el prezıdenti Teın Seınmen, sondaı-aq demokratııa úshin qozǵalystyń kóshbasshysy Aýn San Sý Chjımen kezdesip, Rangýn ýnıversıtetinde sóz sóıledi. Prezıdent Obamanyń sapary prezıdent Teın Seın bastaǵan saıası reformalarǵa kórsetilgen qoldaý retinde baǵalanýda. Sonymen birge Obama Bırmaǵa 170 mln. dollar kóleminde ekonomıkalyq kómek baǵdarlamasy týraly habarlaıdy dep kútilýde.
Katolıkter narazylyǵyn týdyrdy
FEMEN femınıstik qozǵalysyna múshe qyzdar uıymdastyrǵan aksııa fransýz katolıkteriniń ashý-yzasyn keltirdi.
Daý-janjalymen belgili uıym ókilderi Parıjdiń ortalyǵynda geılermen yntymaqtastyǵyn kórsetý turǵysynda kıimderin sheship tastaǵan. Osy sátte onda dástúrli nekege qoldaý kórsetken mıtıng ótip jatqan bolatyn. Ultshyldar ishinen shyqqan dinı fanattar femınıstik qozǵalysqa múshe qyzdarǵa shabýyl jasap, olardy soqqyǵa jyqqan. Qyzdardy aýyr zardaptardan ýaqytynda kómekke kelgen polıseıler ǵana arashalap alǵan kórinedi. Aıta ketý kerek, atalǵan qozǵalystyń lıderi Anna Gýsol Reseıge kelýge tyıym salynǵan adamdardyń tiziminde tur.
Soǵys qımyldaryn toqtatýǵa shaqyrdy
BUU Bas hatshysy Pan Gı Mýn Gaza sektoryndaǵy janjaldasýshy jaqtardy ózara bitimge kelýge shaqyrdy.
Men Izraıl men Palestınany tabandy túrde oq atýdy shuǵyl toqtatý úshin Egıpettiń búkil kúsh-jigerine yqpal etýge shaqyramyn, dep atap kórsetilgen Bas hatshynyń málimdemesinde. Pan Gı Mýnnyń aıtýynsha, jaǵdaıdy odan ári ýshyqtyra berý beıbit turǵyndardyń zardap shegýin odan beter aýyrlata túspek. Sonymen birge Bas hatshy ızraıldik jáne palestınalyq lıderlermen kezdesip, olardy kúsh kórsetýdi toqtatýǵa shaqyrý úshin óziniń taıaý ýaqyttarda óńirge baratynyn da atap kórsetken.
Mektep avtobýsy poıyzben soqtyǵysty
Poıyzdyń mektep avtobýsymen soqtyǵysýy saldarynan, sońǵy málimetter boıynsha, 49 adam qaza tapqan, olardyń kópshiligi 6 jasqa deıingi balalar.
Egıpet polısııasy bulardan basqa 13 jolaýshynyń aıtarlyqtaı jaraqattar alǵanyn habarlaǵan. Oqıǵa el astanasynyń ońtústigindegi temir jol ótpesinde oryn alǵan kórinedi. Aldyn-ala boljam boıynsha, avtobýs júrgizýshisi qyzyl shamǵa nazar aýdarmastan relske shyǵyp ketip, jolaýshylar poıyzynyń astyna túsken. Egıpet temir joldarynyń basshysy men kólik mınıstri qaıǵyly oqıǵa jaýapkershiligin óz moıyndaryna alyp, birden otstavkaǵa ketken.
Nashar taýar úshin aıyppul tóleıdi
Memlekettik Dýmaǵa tutynýshyny aldaǵany, oǵan nashar taýar satqany nemese aqparat berýden bas tartqany úshin kásipkerler men kompanııalarǵa salynatyn aıyppuldy ondaǵan ese ulǵaıtýdy kózdegen zań jobasy engizilmek.
Osylaısha, ákimshilik quqyq buzýshylyq týraly kodekstiń 4-babyna tıisti túzetýler engizý qarastyrylýda. Sonyń nátıjesinde joǵaryda atalǵan burmalaýlar úshin kompanııanyń laýazymdy tulǵalaryna salynatyn aıyppul 7-10 myń rýblge deıin, jeke kásipkerlerge salynatyn aıyppul 50-70 myń rýblge deıin, al zańdy tulǵalarǵa salynatyn aıyppul 100-300 myń rýblge deıin ulǵaıtylmaq. Burmalaýlar qaıtalanǵan jaǵdaıda odan da kóp aıyppuldar engizý usynylýda.
Qala turǵyndary týdyrǵan tártipsizdik
Jol-kólik oqıǵasynyń sońy Qytaıdyń ońtústik shyǵysyndaǵy Fýszıan provınsııasynda ornalasqan Fýan qalasynda tártipsizdikter týdyrdy, dep habarlady Associated Press agenttigi.
Kýágerlerdiń aıtýynsha, senbi kúni keshkisin polısııa bir júrgizýshini toqtatyp, onyń ishimdik ishken-ishpegenin teksermek bolǵan. Avtomobılshilerdiń biri tekserýden jaltaryp, qashyp ketýge tyrysady. Osydan kelip, polıseıler ony sońynan qýady. Aqyrynda álgi mashına úsh motosıklge jáne taǵy bir mashınaǵa baryp soǵylǵan. Sonyń saldarynan 5 adam zardap shekken kórinedi. Oqıǵa ornyna jınalǵan 20 myńdaı adamnyń 2 myńdaıy polıseı fýrgondaryn aýdaryp, tártipsizdikter týyndatqan.
Internet materıaldary negizinde ázirlendi.