Senbi, 25 aqpan 2012 7:44
BUU Sırııadaǵy daǵdarysty retteýge Uıymnyń burynǵy bas hatshysy Kofı Annandy jiberdi. Ol BUU men Arab memleketteri lıgasynyń arnaıy ókili retinde Sırııa basshylyǵy men oppozısııasy arasyndaǵy janjaldy beıbit sheshýge qol jetkizýi tıis.
Senbi, 25 aqpan 2012 7:44
BUU Sırııadaǵy daǵdarysty retteýge Uıymnyń burynǵy bas hatshysy Kofı Annandy jiberdi. Ol BUU men Arab memleketteri lıgasynyń arnaıy ókili retinde Sırııa basshylyǵy men oppozısııasy arasyndaǵy janjaldy beıbit sheshýge qol jetkizýi tıis.
BUU-nyń burynǵy bas hatshysy Sırııa halqynyń demokratııalyq talaptaryna jaýap berip, problemany sheshýge qol jetkize alady dep kútilip otyr. Ol úshin K.Annan Sırııa úkimetimen el oppozısııalyq kúshteriniń barlyq máseleleri boıynsha saıası únqatysýyna jol taba bilýi kerek. Sóıtip, burynǵy bas hatshyǵa úlken jaýapkershilik júktelgen.
Obama Karzaıdyń aldynda keshirim ótindi
Buǵan deıin Aýǵanstandaǵy NATO bitimgershileriniń quramynda júrgen AQSh áskerıleriniń ıslam qundylyqtaryn qorlaǵany úshin osyndaǵy AQSh áskerıleriniń qolbasshysy Aýǵanstan prezıdenti men halqynan keshirim ótingenin habarlaǵan bolatynbyz.
Endi quran kóshirmelerin órtep, basqa da ıslam dinine qatysty dúnıelikterdi órtegen jeńil, ústirt oılaıtyn soldattar úshin Aýǵanstan prezıdenti men halqynan AQSh prezıdenti Barak Obamanyń ózi keshirim suraýǵa májbúr boldy. B.Obama bolǵan oqıǵaǵa ókinetinin jetkize kelip, soldattardyń atalǵan qadamǵa ádeıi barmaǵanyn atap ótken jáne isti tergeýge ýáde bergen.
Adamzatqa qarsy qylmys sanaıdy
BUU-nyń Adam quqyqtary jónindegi keńesiniń komıssııasy Sırııa prezıdenti Bashar Asadtyń rejimin adamzatqa qarsy qylmys jasaýda dep aıyptady. Komıssııanyń qolynda mundaı qylmystarǵa qatysy bar adamdardyń qupııa tizimi de bar kórinedi.
Osy aqparatty taratqan The Daily Telegraph agenttiginiń aqparaty boıynsha, bul jerde áńgime turǵyn úılerdi artıllerııadan atqylaý, aýrýhanalarda jaraly oppozısııashylardy qınaý men áıelderge jáne balalarǵa oq atý týraly bolyp otyr. Al komıssııanyń qylmystarǵa naqty kimderdi kinálaıtyny aıtylmaıdy.
Kópshiligi jeńis Pýtındiki deıdi
Reseılikterdiń 80 paıyzy prezıdenttik saılaýda «Birtutas Reseıden» kandıdat Vladımır Pýtın jeńiske jetedi dep sanaıdy. 17-20 aqpan aralyǵynda 130 eldi mekende júrgizilgen saýaldamaǵa 1600 adam tartylypty. Olardyń 66 paıyzy óz daýystaryn Pýtınge beretindikterin málimdegen.
Reseı kommýnısteriniń serkesi Gennadıı Zıýganovqa suralǵandardyń 15 paıyzy daýys bermek kórinedi. Lıberal-demokrattardyń kósemi Vladımır Jırınovskıı saılaýshylardyń shamamen 8 paıyz daýysyna ǵana úmit arta alady eken. Al Mıhaıl Prohorovqa beriletin daýys – 6, «Ádiletti Reseı» serkesi Sergeı Mıronovqa 5 paıyzdan aspaıtyn sekildi.
Grýzııa talabyn oryndaýdan bas tartty
Reseı Federasııasynyń tergeý komıteti Grýzııanyń 2008 jylǵy soǵys kezinde Reseı áskerıleriniń is-qımyldaryna baılanysty aıyptaýlaryn qabyldamaı tastady. RF TK-niń resmı ókili Vladımır Markın grýzın tarabynyń málimdemeleri shyndyqqa sáıkes kelmeıdi dep málimdedi.
Markınniń aıtýynsha, kýágerler retinde suraýlar barysynda Grýzııanyń áskerı qyzmetshileri, sondaı-aq beıbit turǵyndary, onyń ishinde etnostyq grýzınder de bar, Reseı áskerıleriniń qandaı da bir quqyqqa qarsy áreketteri týraly shaǵymdar jasamaǵan. Osylaısha Reseı taraby Eýropanyń Adam quqyqtary jónindegi soty qarap jatqan iske kinálary joq ekenderin jarııa etti.
Iraktaǵy qurbandar sany 60-qa jetti
23 aqpanda jasalǵan Iraktaǵy lańkestiktiń saldarynan opat bolǵandar sany 60 adamǵa jetti. Jaralanǵandar 100-den asyp ketti. Lańkestik el astanasy Baǵdad jáne basqa da qalalarda jasalǵan bolatyn. Shabýyldar negizinen shııt aýdandarynda uıymdastyryldy.
Lańkesterdiń kóz tikken basty nysandary polısııa ýchaskeleri bolǵan. Kúni búginge deıin lańkestikke jaýapkershilikti eshqandaı top ózine alǵan joq. Jalpy, elde bıleýshi shııt kópshiligi men súnnıt azshylyǵy arasyndaǵy saıası qarsy turýshylyq sońǵy kezderi jańasha kúsh alǵandaı. Máselen, qańtardaǵy lańkestik saldarynan elde 100-den astam adam kóz jumsa, ótken jyldyń jeltoqsanynda 50 adamnan asyp túsken edi.
Qysqa qaıyryp aıtqanda:
Túrkimenstan prezıdenti Gýrbangýly Berdymuhamedovtyń taıaýdaǵy prezıdenttik saılaýda jeńiske jetkeni belgili. Búginde ol óziniń ınaýgýrasııasyna qatty daıyndalyp jatyr. Daıyndyq oǵan qatysatyn kópshilik talyp-jyǵylǵansha júrýde eken.
Armenııa prezıdenti Serj Sargsıan eldegi parlamenttik saılaýdyń kúnin belgiledi. Prezıdenttiń jarlyǵyna sáıkes, respýblıkanyń ulttyq jınalysyna saılaý ústimizdegi jyldyń 6 mamyrynda ótetin bolady.
Kaırde Mysyr prezıdenttigine kandıdattardyń biri – ıslamıst Ábdel Moneım Abdýl Fatýhqa belgisizder shabýyl jasaǵan. Basyna tıgen soqqydan onyń mıy shaıqalypty. Sondaı-aq saıasatkerdiń júrgizýshisi de zardap shekken.
Amerıkanyń túrmesinde qaza tapqan hokkeıden ýkraınalyq jattyqtyrýshy Ivan Pravılov óz-ózine qol jumsady dep tanyldy. Ol pedofılııa boıynsha aıyptalǵan bolatyn. Sot-medısınalyq sarapshy onyń kamerada asylyp qalǵanyn aıtady.
Sankt-Peterbýrgte «Ádiletti saılaý úshin» aksııasyn talqylaý atyspen aıaqtaldy. Uıymdastyrý komıteti sharany 25 aqpanda ótkizýdi josparlaǵan edi. Biraq uıymdastyrýshylar arasynda ózara janjal shyǵyp, sonyń nátıjesinde gaz tapanshalary qoldanylǵan.
Internet materıaldary negizinde ázirlendi.