Sharaına

Seısenbi, 27 naýryz 2012 7:19

AHMADINEJAD NATO-NY AIYPTADY

Dýshanbede ótip jatqan Aýǵanstan boıynsha ekonomıkalyq qyzmettestik jónindegi óńirlik konferensııada Iran prezıdenti Mahmýd Ahmadınejad Aýǵanstandaǵy barlyq baqytsyzdyqtarǵa NATO men AQSh kináli dep málimdegen.

Seısenbi, 27 naýryz 2012 7:19

AHMADINEJAD NATO-NY AIYPTADY

Dýshanbede ótip jatqan Aýǵanstan boıynsha ekonomıkalyq qyzmettestik jónindegi óńirlik konferensııada Iran prezıdenti Mahmýd Ahmadınejad Aýǵanstandaǵy barlyq baqytsyzdyqtarǵa NATO men AQSh kináli dep málimdegen.

Aýǵan halqy únemi óz úılerinde otyryp shabýyldarǵa ushyraýda. Pákstandaǵy, Palestına men birqatar afrıkalyq elderdegi jaǵdaı da dál osyndaı. Búkil problema terrorızmge qarsy kúres jeleýimen Aýǵanstanǵa engen NATO-nyń saıasatynda, ol endi dál osyndaı uranmen Reseı men Qytaıdy da qorshaýǵa alýda. NATO men AQSh, olardyń álemge óz sharttaryn qoıatyn ýaqyty ótkendikten, óz saıasattaryn ózgertýi tıis, dep atap kórsetken ol.

ATOM ENERGIIаSYNAN BAS TARTÝ QADAMY

Japonııa atom energııasynan to­lyq bas tartýǵa qaraı taǵy bir qadam jasaı otyryp, kezekti atom elektr stansasyn japty.

Dúısenbi kúni tańerteńgilik Tokyo Electric Power Co kompanııasy Kasıvadzakı-Karıva atom elektr stansasynda jumys istep turǵan sońǵy energoblokqa josparly jumystar júrgizý úshin onyń jumysyn toqtatty. Osylaısha, Japonııada búginde 54 ıadrolyq reaktorynyń bireýi ǵana jumys istep tur. Hokkaıdo aralyndaǵy ol reaktor­dyń jumysy ústimizdegi jyldyń mamyr aıynda toqta­tylatyn bolady.

QAZA TAPQANDARǴA О́TEMAQY TО́LENDI

Amerıka Qurama Shtattary amerıkalyq serjant Robert Beılstiń qolynan qaza tapqan árbir aýǵandyq úshin 50 myń dollar ótemaqy tóledi.

Qurban bolǵandardyń otbasylaryna bul aqsha 24 naýryzda Qandaǵar provınsııasy gýbernatorynyń rezıden­sııa­synda tabys etilgen. Aýǵandyqtarǵa qarjy AQSh pre­zıdenti Barak Obamadan kelip tústi, dep habarlaǵan. Ja­ralanǵandar bolsa, árqaısysy 11 myń dollardan aqsha alǵan kórinedi.

BIRIGÝ MARShY О́TTI

Kıshınevte Moldovanyń Rýmynııamen birigýin jaqtaıtyn radıkaldyq kúshter aksııasy – Birigý marshy ótti.

Marsh 24 naýryzda atap ótiletin Bessarabııanyń Rýmynııamen birigýiniń 94 jyldyǵyna oraılastyrylyp otyr. Quramynda Rýmynııadan shyqqan «Noua Drepta» fashıstik legıonynyń júzdegen jastary bar Rýmynııaǵa qosylýdy jaqtaýshy ýnıonıster qala kóshelerimen saltanatty túrde júrip ótken. Olarǵa Moldova memlekettiligin saqtap qalýdy jaqtaýshylar qarsy shyqqan. Marsh kezinde azdaǵan qaqtyǵystar da oryn alǵan kórinedi.

OPPOZISIONER JEŃISKE JETTI

Senegaldyń 85 jastaǵy qazirgi prezıdenti Abdýlaı Vad prezıdent saılaýynyń ekinshi týrynda óziniń jeńiliske ushyraǵanyn moıyndady.

Ol 50 jastaǵy burynǵy premer, «Alıans za respýblıký» partııasynyń negizin qalaýshy jáne tóraǵasy Makı Salǵa telefon soǵyp, ony jeńisimen quttyqtaǵan. Ekinshi týrdyń naqty nátıjeleri ázirge belgisiz. Birinshi týrda saılaýshylardyń 34,8 paıyzy Vadty, 26,6 paıyzy Saldy qoldap, daýys bergen edi. Prezıdent saılaýynyń resmı qorytyndylary 27-28 naýryzda belgili bolady.

ChILIDE JER SILKINISI BOLDY

Chılıdiń ortalyq aýdandarynda óte kúshti jer silkinisi boldy.

Sýnamı qaýpine baılanysty qutqarýshylar turǵyn­dar­dy jaǵalaýdaǵy aýdandardan syrtqary jerlerge kóshirýdi júzege asyrǵan. Abyroı bolǵanda, tabıǵı apat eleýli zardaptar ákele qoımaǵan kórinedi. 7,1 balldy quraǵan jer silkinisiniń kindigi Talk qalasynan soltústik-batysqa qaraı 27 shaqyrym qashyqtyqta 35 shaqyrym tereńdikte bol­ǵan. Silkinisti sezingen el astanasy Santıago turǵyn­dary óz úılerin tastap ketýge májbúr bolǵan. Degenmen, sýnamı qaýpi joq ekeni  habarlanyp, halyq tynysh­tandyrylǵan.

KOFI ANNANǴA QOLDAÝ KО́RSETPEK

Reseı men AQSh BUU-nyń arnaýly elshisi Kofı Annannyń dıplomatııalyq mıssııasyna ózderiniń kómektesýge ázir ekendikterin bildirgen.

Bul týraly keshe Seýlde ótip jatqan ıadrolyq qaýipsizdik jónindegi sammıt sheńberinde prezıdentter Barak Obama men Dmıtrıı Medvedev málimdegen. Sol sııaqty Reseı men AQSh basshylary KHDR-dyń «Ynha-3» zymyranyn ushyrýdan bas tartýyna qol jetkizbek nıette. Zymyrandy ushyra otyryp, Soltústik Koreıa BUU qararyn buzady. Ondaıǵa jol berýge bolmaıdy. Soltústik Koreıa durys tańdaý jasaýy tıis, dep málimdegen AQSh pre­zıdenti.

ULTTYQ KIIM KIIýGE MINDETTI

Jalalabad (Qyrǵyzstannyń oblys ortalyǵy) basshylyǵy memle­ket­tik qyzmetshilerdi juma kúnderi jumysqa ulttyq kıim kıip kelýge mindettegen.

Kginform portalynyń qala ákim­shi­ligi baspasóz qyzmetine silteme jasaı otyryp keltirgen málimeti boıynsha, Jalalabad meri Baqyt Adylov tıisti qaýlyǵa 2011 jyldyń jeltoq­sanynda qol qoıǵan eken. О́tken juma kúni, ıaǵnı 23 naýryzda merııa qyzmetkerleri qalanyń memlekettik meke­me­lerinde reıd ótkizgen. Degenmen, qaýlyny burma­la­ǵan­dar, ıaǵnı ulttyq kıimnen bas tartýshylar tabyl­maǵan kórinedi.

Internet materıaldary negizinde ázirlendi.