16 maýsymda «Semeı ormany» memlekettik tabıǵı orman rezervaty aýmaǵynda bir táýliktiń ishinde birden 14 orman órti tirkeldi. Barlyq órt oshaqtary jedel túrde oqshaýlanyp, tolyqtaı sóndirildi, dep jazady Egemen.kz.
Orman kúzeti qyzmetkerleriniń der kezinde ári uıymdasqan túrde áreket etýiniń arqasynda qyzyl jalynnyń úlken aýmaqqa taralýyna jol berilmedi.
Úsh jyldaǵy ózgeris: Orman órt sóndirýshileriniń jalaqysy eki ese ósti
Ekologııa mınıstrliginiń málimetinshe, órt sharpyǵan jalpy aýmaq nebári 0,47 gektardy quraǵan.
Aıta keteıik, 2023 jyly Abaı oblysynda bolǵan iri orman órtinen keıin orman sharýashylyǵynyń mamandary órtti sóndirý jumystarynyń nelikten qajetti deńgeıde jedel júrgizilmegenin jan-jaqty taldady. Taldaý nátıjesinde orman órtterin jedel sóndirýge arnalǵan zamanaýı ári manevrli órt sóndirý mashınasynyń maketin ázirleý týraly sheshim qabyldandy.