Seısenbi, 3 sáýir 2012 8:00
Brıýsselde polısııa NATO-nyń shtab-páterine shabýyl jasaǵan 483 adamdy qamaýǵa aldy.
«NATO, oıyn aıaqtaldy» dep atalǵan kúsh kórsetpeý aksııasyna Eýropanyń Belgııa, Germanııa, Nıderlandy, Fransııa, Ulybrıtanııa, Fınlıandııa, Shveısarııa, Túrkııa, Italııa, Portýgalııa jáne Ispanııa sııaqty 11 elinen 800 tarta beıbitshilikti jaqtaýshy belsendiler qatysqan. Biz Chıkagoda 20-21 mamyrda ótetin NATO elderi sammıtine jınalatyn memleketter basshylaryna: zymyranǵa qarsy qorǵanysty qalamaımyz, Lıvııada nemese Aýǵanstanda NATO soldaty bolǵanyn qalamaımyz, ıadrolyq qarýlanýdy qalamaımyz degendi bildirmekpiz, dep málimdegen aksııaǵa qatysýshylar.
Seısenbi, 3 sáýir 2012 8:00
Brıýsselde polısııa NATO-nyń shtab-páterine shabýyl jasaǵan 483 adamdy qamaýǵa aldy.
«NATO, oıyn aıaqtaldy» dep atalǵan kúsh kórsetpeý aksııasyna Eýropanyń Belgııa, Germanııa, Nıderlandy, Fransııa, Ulybrıtanııa, Fınlıandııa, Shveısarııa, Túrkııa, Italııa, Portýgalııa jáne Ispanııa sııaqty 11 elinen 800 tarta beıbitshilikti jaqtaýshy belsendiler qatysqan. Biz Chıkagoda 20-21 mamyrda ótetin NATO elderi sammıtine jınalatyn memleketter basshylaryna: zymyranǵa qarsy qorǵanysty qalamaımyz, Lıvııada nemese Aýǵanstanda NATO soldaty bolǵanyn qalamaımyz, ıadrolyq qarýlanýdy qalamaımyz degendi bildirmekpiz, dep málimdegen aksııaǵa qatysýshylar.
Bombalaý zor zardaptar ákelmek
Túrik premer-mınıstri Redjep Taıyp Erdoǵan Iran aýmaǵyndaǵy ıadrolyq ónerkásip nysandaryn bombalaý búkil óńir úshin kúıretkish zardaptar ákelýi múmkin dep málimdegen.
Onyń aıtýynsha, Tel-Avıvtiń bul josparynyń túptep kelgende ózine qater tóndirýi ǵajap emes. О́ıtkeni, ol soqqynyń zardaptary amerıkalyqtardyń Iraktaǵy operasııalar kezindegi soqqylardan múlde ózgeshe bolmaq. Osylaı dep atap kórsetken Túrkııa premer-mınıstri atalǵan másele jóninde óziniń AQSh prezıdenti Barak Obamamen áńgimeleskenin de jetkizgen.
Assosıasııa óz kandıdatyn usyndy
Egıpettik «Musylman baýyrlar» assosıasııa basshysynyń birinshi orynbasary Heırat ash-Shatyrdy prezıdent saılaýyna kandıdattyqqa usyndy.
Assosıasııanyń Shýra májilisinde osyndaı sheshim qabyldanǵan. Onda keńeske múshe 108 adamnyń 56-sy ash-Shatyrdy qoldap daýys bergen kórinedi. 61 jastaǵy Heırat ash-Shatyr ózi 1974 jyldan beri múshesi bolyp tabylatyn «Musylman baýyrlar» assosıasııasynyń eń bedeldi músheleriniń biri bolyp sanalady. Ol bıznes pen saıası qyzmette de úlken jetistikterge qol jetkizgen kórinedi.
Oppozısııalyq partııanyń jeńisi
Mıanmada oppozısııa kósemi Aýn San Sý Chjı ótken saılaýda óz partııasynyń jeńiske jetkenin málimdedi.
Oppozısııadaǵy Demokratııa jolyndaǵy ulttyq lıganyń málimdeýinshe, partııa kósemi Aýn San Sý Chjı men partııanyń ózge de kandıdattary parlament pen jergilikti assambleıalarda kóptegen oryndarǵa ıe bolǵan. Eldiń eń iri qalasy Iаngonda partııanyń myńnan astam jaqtaýshylary shtab-páterdiń aldyna jınalyp, partııany jeńiske jetýimen quttyqtaǵan. Sonymen birge, áskerılermen tyǵyz baılanystaǵy bılik partııasynyń áli de bolsa parlamenttegi basymdyqty saqtap qalǵanyn da aıta ketý qajet.
Antıkapıtalıster aksııasy ótti
Frankfýrtte kapıtalısterge qarsy uıymdastyrylǵan jappaı ereýilder sońy tártipsizdiktermen aıaqtaldy.
Oǵan polısııamen bolǵan qaqtyǵystar jappaı búldirýler men qıratýlarǵa ulasyp ketýi sebepker boldy. Ereýilshiler Eýropa ortalyq bankiniń ǵımaratyna boıaýlar jaǵyp, polısııa avtomobılderin qıratqan. Qaqtyǵystar saldarynan kóptegen adamdar dene jaraqattaryn alǵan, olardyń 15-i polısııa qyzmetkerleri. Sonymen birge, 465 ereýilshiniń qamaýǵa alynǵanyn da aıta ketý qajet.
Týaregter shabýylǵa shyqty
Malıde ereýilshi-týaregter áskerı hýntanyń baqylaýynda turǵan eldiń soltústik-shyǵysyndaǵy iri qala – Tımbýktýdy basyp aldy.
Kýágerlerdiń aıtýlaryna qaraǵanda, týaregter áýejaıdy, ákimshilik ǵımarattar men áskerı lagerdi basyp alǵan. Ereýilshiler qalada júrgende qoldaryna Azavadty azat etý jónindegi ulttyq qozǵalys týyn ustap júrgen. Buǵan deıin týaregter eldiń soltústigindegi strategııalyq eki mańyzdy qala – Kıdal men Gaony basyp alǵan bolatyn. Tóńkeris nátıjesinde bılikke ıe bolǵan áskerı hýnta konstıtýsııanyń kúshin toqtatý týraly óz sheshiminen bas tartyp otyr.
Breıvık mıllıoner bolyp shyqty
Norvegııalyq terrorshy Anders Breıvıkke qarsy jańa aıyptaýlardyń paıda bolýy múmkin.
Tergeý barysynda anyqtalǵanyndaı, osydan 10 jyl buryn jasandy attestattar satýmen aınalysa júrip ol naǵyz astyrtyn mıllıonerge aınalǵan kórinedi. Breıvık óziniń ózge elderdegi qupııa esep-shottarynda 4 mıllıon kronǵa jýyq aqsha jınaǵan. Bul shamamen 700 myń dollardy quraıdy. Oslo men Ýtoııa aralynda terrorlyq akt jasaýǵa daıyndyq sharalaryna da osy aqsha paıdalanylǵan degen kúdik bar. Las aqshany zańdastyrýda terrorshyǵa onyń anasy kómektesken kórinedi.
Hashemı katardy panalady
Keıbir málimetterge qaraǵanda, Iraktyń bılikten qashyp júrgen vıse-prezıdenti Tarık Hashemı Katarǵa kelgen kórinedi.
Hashemıdiń hatshylyǵynyń, sondaı-aq Katardyń resmı jańalyqtar agenttiginiń málimetteri boıynsha, ol bul elge kelmes buryn birneshe aı Iraktaǵy kúrdter turatyn óńirde jasyrynǵan. Ol atalǵan óńirge ótken jyldyń sońynda ony tutqyndaýǵa order berilgennen keıin kelgen kórinedi. Iraktaǵy neǵurlym yqpaldy súnnıttik saıasatker bolyp sanalatyn Hashemıge «ajal eskadronyn» uıymdastyrdy degen aıyp taǵylyp otyr.
Izdestirý jumystary aıaqtaldy
Qutqarýshylar Túmen qalasynda apatqa ushyraǵan ATR-72 ushaǵy qulaǵan jerdegi izdestirý jumystaryn aıaqtady.
Áýe apaty saldarynan 31 adam, onyń ishinde búkil ekıpaj músheleri qaza tapty. 12 adam aýyr jaǵdaıda aýrýhanalarǵa jetkizilgen. Apat faktisi boıynsha Reseı qylmystyq kodeksiniń 263-babyna sáıkes qylmystyq is qozǵalǵan. Ushýdaǵy, jerdegi qyzmetterdiń qateligi men tehnıkalyq aqaý oqıǵanyń oryn alýynyń basty sebepteri retinde qarastyrylyp otyr. Tergeýshiler búginde oqıǵany kózben kórgen adamdardy izdestirýde.
Internet materıaldary boıynsha ázirlendi.