Áskerdi merziminen buryn shyǵarmaq

Áskerdi merziminen buryn shyǵarmaq

Sársenbi, 9 mamyr 2012 7:26

Fransııanyń jańa saılanǵan prezıdenti Fransýa Olland fransýz áskerlerin Aýǵanstannan belgilengen ýaqyttan eki jyl buryn shyǵarmaq nıette.

Búginde Besinshi respýblıkanyń jańa saılanǵan prezı­denti óz kómekshilerimen birge halyqaralyq kezdesýlerge daıyndalýda. Taıaý ýaqyttary Olland Germanııa men AQSh-qa resmı saparmen barady. Onyń shtaby prezıdent saılaý aldynda bergen ýádelerin oryndaıtyn bolady  dep málimdep otyr. Máselen,  Chıkagoda ótetin NATO sammı­tinde Olland fransýz kontıngentin Aýǵanstannan osy jyldyń aıaǵyna deıin merziminen buryn shyǵarý jóninde másele kótermek.

 

Sársenbi, 9 mamyr 2012 7:26

Fransııanyń jańa saılanǵan prezıdenti Fransýa Olland fransýz áskerlerin Aýǵanstannan belgilengen ýaqyttan eki jyl buryn shyǵarmaq nıette.

Búginde Besinshi respýblıkanyń jańa saılanǵan prezı­denti óz kómekshilerimen birge halyqaralyq kezdesýlerge daıyndalýda. Taıaý ýaqyttary Olland Germanııa men AQSh-qa resmı saparmen barady. Onyń shtaby prezıdent saılaý aldynda bergen ýádelerin oryndaıtyn bolady  dep málimdep otyr. Máselen,  Chıkagoda ótetin NATO sammı­tinde Olland fransýz kontıngentin Aýǵanstannan osy jyldyń aıaǵyna deıin merziminen buryn shyǵarý jóninde másele kótermek.

PREZIDENTTEN KО́MEK KÚTEDI

Pákstanda «Ál-Kaıda» sodyrla­rynyń kepildiginde otyrǵan AQSh azamaty Ýorren Vaınshteın ózin qut­qaryp alý úshin sharalar qabyldaý jó­ninde el prezıdenti Barak Obamaǵa beıneúndeý joldaǵan.

Amerıkalyq azamat B.Obama «Ál-Kaıdanyń» talaptaryn oryndap, qysqa merzim ishinde ózin bosatyp alý jóninde qadamdarǵa barýy tıis dep málim­degen.  Atap aıtqanda, AQSh uıymnyń Aýǵanstandaǵy bazalaryna soqqy jasaý úshin ushqyshsyz ushaqtardy qol­danýdan bas tartýy kerek. Onyń syrtynda Vashıngton «Ál-Kaıdanyń» birqatar ókilderin túrmeden bosatýy qajet. Sonymen birge Aq úıdiń ókili Djeı Karnı Vashıngton «Ál-Kaıdamen» kelissózderge barmaıdy dep málimdep otyr.

BALAMALY PARLAMENT QURMAQ

Sırııada 50 jyl ishinde alǵash ret bılik partııasynan ózge kandıdattardyń qatysýymen ótken parlament  saılaýy aıaqtaldy.

Sırııa ókimeti daýys berý saılaýshylardyń joǵary belsendiligimen ótti dep málimdep otyr. Eldiń jańa konstıtýsııasyna sáıkes kandıdattar 250 depýtattyq mandat  úshin básekege tústi. Saılaýǵa 9 jańa partııadan 7195 kandıdat qatysqan kórinedi. Degenmen, oppozısııa olardyń bári de burynǵy saıası elıtamen  baılanysta, sondyqtan shynaıy táýelsiz partııalar bolyp tabylmaıdy degendi kóldeneń tosýda. Sóıte tura, oppozısııa «balamaly» parlament quratynyn da málimdegen.

JEŃIMPAZ EKINShI TÝRDA ANYQTALADY

Serbııada ótetin prezıdent saıla­ýynyń ekinshi týryna qazirgi prezıdent Borıs Tadıch pen oppozısııa kósemde­riniń biri Tomıslov Nıkolıch qatysa­tyn bolady.

Prezıdent saılaýynyń birinshi týry­nyń qorytyn­dylary boıynsha B.Tadıch 25,33 paıyz daýys jınasa, onyń qarsylasy T.Nıkolıchke saılaýshylardyń 24,99 paıyzy qoldaý kórsetken.14,24 paıyz daýysqa ıe bolǵan Serbııa sosıalıstik partııasynyń basshysy Ivısa Dachıch úshinshi oryn alyp otyr. Demo­kratııalyq partııanyń basshysy jáne Eýropamen ıntegra­sııalanýdyń ashyq jaqtaýshysy B.Tadıchtiń basshylyǵy kezinde el Eýroodaqqa múshelikke kandıdat mártebesine qol jetkizdi. Degenmen,  onyń atyna ekonomıkalyq reformalardy júzege asyra almady degen syn da aıtylýda.

SAILAÝDY TOQTATÝDY SURAIDY

Ázerbaıjannyń BUU-daǵy turaqty ókili Agshın Mehtıev Taýly Qarabaqta josparlanǵan prezıdent saılaýyna baılanysty uıymnyń Bas hatshysy atyna hat joldady.

Buqaralyq aqparat quraldary taratqan málimetter boıynsha Armenııa bıylǵy shilde aıynda Ázerbaıjannyń jaýlap alynǵan Taýly Qarabaq óńirinde «prezıdent saılaýyn» ótkizbekshi. Osyǵan oraı halyqaralyq deńgeıde, onyń ishinde BUU Bas  Assambleıasy men Qaýipsizdik Keńesi deńgeıinde de Taýly Qarabaq óńiri men Ázerbaıjan Respýblıkasyna irgeles  jeti aýdan Armenııanyń  áskerı basqyn­shylyǵynda dep tanylǵan. Halyqaralyq qoǵamdastyq osy óńirdegi buǵan deıingi «saılaýlardy» aıyptaǵan, deı kelip, hatta  BUU-nyń atalǵan arandatýshy áreketke qarsy shyǵatynyna senim bildirilgen.

ÝKRAINA SAMMIT О́TKIZBEITIN BOLDY

Ýkraına birqatar memleketter bas­shylarynyń qatysýdan bas tartýyna baılanysty Iаltada Ortalyq Eýropa sammıtin ótkizbeıtin boldy.

Birqatar eýropalyq elderdiń basshylary «túrli sebepterge baılanysty», birinshi kezekte Ýkraınanyń eks-premeri Iýlııa Tımoshenkoǵa jaqsy kózqaras tanytylmaýyna baılanysty sammıtke kele almaıtyndaryn kúni buryn habarlaǵan.  Atap aıtqanda, Germanııa, Estonııa, Chehııa já­ne basqa da elderdiń basshylary sammıtke kelýden bas tartyp otyr. Aıta ketý kerek, Iý.Tımoshenko 2011 jyldyń qazanynda 7 jylǵa sottalǵan bolatyn. Oǵan Reseımen 2009 jyly gaz kelisimine  qol qoıǵan kezde qyzmet babyn asyra paıdalandy degen aıyp taǵylǵan edi.

ZEINETKER ShARTTY JAZAǴA KESILDI

AQSh-ta ózin-ózi óltiretin quraldar óndirýmen jáne satýmen aınalysqan Kalıfornııa shtatynyń 92 jasar turǵyny Sharlotta Haıdorn shartty túrde sottaldy.

Sot oǵan salyq tólemedi degen aıyp taǵyp, ony shartty túrde 5 jylǵa bas bostandyǵynan aıyrdy. Mundaı jum­saq jazaǵa qart áıel sot prosesi barysynda óziniń salyq tóleýden jaltarǵanyn moıyndaý arqyly tergeýmen mámi­lege kelýi arqasynda qol jetkizip otyr. Onyń  moıyndaýyna jaýap retinde prokýratýra oǵan onyń quraldarynyń kómegimen 6 adamnyń ózin-ózi óltirýine qatysy bar degen aıyp taqpaıtyn bolyp kelisti.

Internet materıaldary negizinde ázirlendi.