Myqtyǵa baǵynbaýǵa bolmaıdy

Juma, 3 tamyz 2012 7:23

Dúbirge toly dúnıe

Mine, jarty aıdan beri Koreıa Halyq Demokratııalyq Respýblıkasynyń Bas shtaby bastyǵy Lı En Honyń ornynan alynǵany jónindegi áńgime báseńdemeı kelgen. Endi toqtaıtyn bolar. Jurt endi onyń sebebin bilip otyr. Vıse-marshal eldiń jas kósemimen til tabyspaǵan eken.

Juma, 3 tamyz 2012 7:23

Dúbirge toly dúnıe

Mine, jarty aıdan beri Koreıa Halyq Demokratııalyq Respýblıkasynyń Bas shtaby bastyǵy Lı En Honyń ornynan alynǵany jónindegi áńgime báseńdemeı kelgen. Endi toqtaıtyn bolar. Jurt endi onyń sebebin bilip otyr. Vıse-marshal eldiń jas kósemimen til tabyspaǵan eken.

Bul elde bári jumbaq. Ádette ózgeristiń bir sebebi aıtylady, keıin basqa bolyp shyǵady. Lı En Honyń ornynan alynýy, aldymen onyń densaýlyǵyna baılanysty delindi, biraq jurt oǵan sengen joq. Sodan keıin túrli-túrli boljam aıtyldy. KHDR-dyń jas kó­se­mi marshal (bul ataqty bıylǵy shildede alǵan) Kım Chen Yn óz aınalasyn eski kadrlardan tazart­paq­shy eken, áskerıler arasyndaǵy óz bedelin kótermekshi eken delin­di. Jalpy elde bılik úshin kúres­tiń jańa bir tolqyny paıda bolǵany anyqtaı kóringen.Bir erekshelik – bul elde dú­nıeniń tutqasy áskerılerdiń qo­lyn­da. Tipti ekonomıkaǵa basshy­lyq­ty da áskerıler júzege asyrady. El ekonomıkasynyń kúıze­listi jaǵdaıynyń bir sebebi sonda ekeni belgili. Bári de áskerı múddege baǵyndyrylady. Sodan da bedeli sharyqtap-aq turǵan Lı En Honyń bılikten shektetilýi múlde kútpe­gen oqıǵa edi.Jurt pikiri bir jerden shyǵyp otyrǵandaı. Rasynda da Lı En Honyń ketýi el basshysy Kım Chen Ynmen til tabyspaýynan eken. Jas kósem el jaǵdaıyn eskergen bo­lar, ekonomıkalyq reforma ja­saýǵa bet burǵanda, Bas shtab bas­tyǵynyń qar­­sylyǵyna ushy­raıdy. Oǵan basty sebep, ekono­mı­kaǵa reforma jasaý úshin ony áskerı­ler­den ajyratýǵa týra ke­ledi. Al oǵan Lı En Ho kónbe­genge uqsaıdy. Kúsh­ti kóndi­rý­ge tıis, áıtpese kúshti bolmaıdy. Tipti burynǵy Bas shtab basty­ǵy­nyń yqpalyn­da­ǵylar qarýly qar­sylyq kórsetpek bolǵan degen de sóz bar. Áńgimeniń túıini onyń bılik tobynan ket­ke­ninde ǵana. Endi barlyq bılik, eń aldymen áskerı kúshter Kım Chen Ynnyń qolynda. Sonyń aıtqany bolady. Bul jerde jurtty qyzyq­ty­ratyny – ekono­mı­kalyq reforma. Onsyz eldiń budan ári ómir súrýi dúdámal. Sarap­shy­lardyń aıtýynsha, mundaı reforma júr­gi­zýdi Koreı kósemine qytaılar aıtyp otyrǵan kórinedi. О́ıtkeni, áb­den shekten shyqqan Koreı halqy kórshi elge lap berýi múmkin. Qan­sha qýat­ty degenmen, ony QHR jaǵ­daıy kótermeıdi. Shyn solaı bolyp, KHDR-de ekonomıkalyq refor­ma jú­zege asar bolsa, ol eldegi jaǵ­daıǵa úlken ózgeris ákeleri anyq.Lı En Honyń ketýinen keıin bıliktegi kúshterdiń jańasha irik­teleri zańdy. Kım Chen Ynnyń mańaıy kúsheıdi. Al sol kúsheı­gen top eldiń múddesin oılap, qajetti reformalardy júzege asyrar bolsa, onyń ıgiligin halyq kórer edi, degen úmit te qylań beredi.KHDR – álem nazaryndaǵy el. Qansha jasyryn jasal­ǵan­men, ondaǵy ózgeris málim bolyp jatady. Osy eldegi jaǵdaı túzelse, kórshilerine de tynysh. Jurt sony tileıdi. Tipti eldiń jas kóseminiń qasynan bir sulý­dyń kórinýin de álemdik aqparat quraldary japyrlaı jarııalap, aqyrynda onyń el basshysynyń jary ekenin bilgen soń, jaqsy­lyqqa joryǵan. Jalpy jurt bul elden jaqsylyq kútedi.

Mamadııar JAQYP, «Egemen Qazaqstan».