Juma, 28 qyrkúıek 2012 6:56
Reseı prezıdenti Vladımır Pýtınniń Qyrǵyz Respýblıkasyna sapary eki jaqqa da sátti bolǵandaı. Biraz kelisimge qol qoıyldy. Soǵan oraı qyrǵyz aǵaıyndardyń qaltasyna biraz qarjy túsip, orystar óz áskerine jaı taýyp, kóńilderi jaılandy. Eki jaq ta rıza.
Juma, 28 qyrkúıek 2012 6:56
Reseı prezıdenti Vladımır Pýtınniń Qyrǵyz Respýblıkasyna sapary eki jaqqa da sátti bolǵandaı. Biraz kelisimge qol qoıyldy. Soǵan oraı qyrǵyz aǵaıyndardyń qaltasyna biraz qarjy túsip, orystar óz áskerine jaı taýyp, kóńilderi jaılandy. Eki jaq ta rıza.
Til tabysqan jaqsy. Ásirese, kórshińde tynyshtyq bolǵanǵa ne jetsin. Buǵan deıin Máskeý men Bishkektiń arasy birde tatý, birde qatý bolyp kelgeni de belgili. Keshegi Bakıevtiń kezinde sol qarym-qatynas aıtarlyqtaı saýdaǵa túsip, biraz qarjyǵa ýáde jasalyp, aıaǵy qurdymǵa ketkendeı bolǵan. Sonan soń eki eldiń arasynda arazdyq da júrdi. Tipti qyrǵyzdyń jańa prezıdenti Almazbek Atambaevtyń Máskeýge saparyn da onsha sátti deýge kele qoımas edi. Endi Reseı basshysynyń qyrǵyz eline saparynyń nátıjesi salmaqty kórinedi.Sirá, eki jaq ta ótkennen shyndap qorytyndy jasasa kerek. Biri eńkeıgende, ekinshisiniń shalqaıýynan paıda joqtyǵyn myqtap uqqandaı. Búgingi kelisimderde eki jaqtyń múddesi aıqyn. Buryn Bishkek jaǵy kóbine áskerińdi osynda qaldyrǵyń kelse, aldymen mol qarjy tóle dep, Máskeýge birjaqty shart qoıǵandaı bolýshy edi. Endi sol áskerdiń Qyrǵyzstandaǵy turaqtylyq úshin kerek ekeni eskerilip otyr. Bas kótere bastaǵan ekstremızm, lańkestik te osyndaǵy orys áskerleriniń qoly uzyndyǵyn oılamaı tura almaıdy.Sóıtip, orystardyń birikken áskerı bazasy bul elde 15 jylǵa deıin saqtalmaq, qajet bolsa, odan ári taǵy da bes jyl qosylady. Orystar birden 49 jylǵa keliseıik degen eken, qyrǵyzdar arǵy jaǵyn ómir kórsetedi depti. Eki el arasyndaǵy kelisimderge baılanysty ótken baspasóz konferensııasynda V.Pýtın kezinde Qyrǵyzstanda ózderiniń áskerı forpostyn jasaý jóninde qyrǵyzdardyń ótinishi bolǵanyn málimdedi. Sóıtip, bul baza eki jaqqa da kerek eken.Sonymen birge, Reseı jaǵy ózderiniń strategııalyq múddesine qyzmet etetin bul bazasy úshin Qyrǵyz Respýblıkasyna qarjylaı ótem tóleıdi. Tólegende, bul eldiń moınyna salmaq bolyp turǵan 489 mıllıon dollar qaryzdy keshirmek. Aldymen 189 mıllıonyn birden keshirip, sonan soń birtindep jylma-jyl keshire bermek. Taǵy da buryn AQSh-tyń áskerı bazasy bolǵan «Manas» áýejaıyn azamattyq áýejaıǵa aınaldyrýǵa belsene qatyspaqqa ýáde berdi. Budan Máskeý eki ese utpaq. AQSh-ty yǵystyrǵany ne turady!Aıryqsha áńgime týdyrǵan jaı – Reseıdiń Qambar Ata-1 GES-in jáne Joǵarǵy Naryn GES-ter kaskadyn salý jónindegi jobaǵa bastamashylyq kórsetip, ony júzege asyrýǵa Qazaqstan men О́zbekstandy shaqyrýy boldy. Pýtın birge salaıyq, birge paıdalanaıyq, dedi. Ol bul joba keshegi keńes zamanynda jasalǵanyn jáne onyń tek paıdasy bolmasa, eshkimge zııany joqtyǵyn eske saldy.Osy jerde Pýtın men Atambaevtyń ýájine toqtala ketken jón bolar. Olar jańa salynatyn GES-ter sýdy tıimdi paıdalanýǵa múmkindik beredi deıdi. О́ıtkeni, Qambar Ata-1 GES-i qysta tolyq qýatynda jumys istep, elektr qýatyn mol óndirýmen qatar, kóp mólsherde sý jiberip, ony Toqtaǵul qoımasyna jınaqtap, jazda tómendegi elderge bosata alady. Anyq solaı júzege asar bolsa, bul arman ıdeıa ǵoı. Kóńilge myqtap-aq qonady. Endi bul ıdeıa sol Qazaqstan men О́zbekstan basshylarymen bas qosylǵan kezde nege aıtylmaıdy? Máseleni birlesip shesheıik dep olar talaı ret usynys ta jasady emes pe? Tipti Islam Karımov kijinip te sóıledi.Sirá, el basshylaryna aǵynan jarylyp uǵynysýy, bir-birin tyńdaı bilýi jetispeı jatady-aý. Sodan da aǵaıyn birde qatý, birde tatý. Al árkez tatý bolǵanǵa ne jetsin.
Mamadııar JAQYP, «Egemen Qazaqstan».