Mańyzdy máseleler qaraldy

Beısenbi, 27 jeltoqsan 2012 7:21

Arandatqan arbaýymen adamdy aldap jyǵatyn julynqurttyń qaterli qadamy álemdi qymtap aldy. Ol qamyttan shyǵýdyń joly birlese áreket etý ekendigin qazir sol álem halqy túsinip otyr. Sondyqtan da  esirtkige esi ketkenderdiń eselenbesi úshin erterek el bolyp qımyldaý eńseli is. Osyǵan oraı burnaǵy kúni Shanhaı yntymaqtastyq uıymyna múshe memleketterdiń esirtkiniń zańsyz aınalymyna qarsy kúres  júrgizý boıynsha ókilettik berilgen organdar basshylary keńesiniń esirtkige qarsy suranysty tómendetý jónindegi sarapshylar tobynyń  bas qosqan otyrysy boldy.

Beısenbi, 27 jeltoqsan 2012 7:21

Arandatqan arbaýymen adamdy aldap jyǵatyn julynqurttyń qaterli qadamy álemdi qymtap aldy. Ol qamyttan shyǵýdyń joly birlese áreket etý ekendigin qazir sol álem halqy túsinip otyr. Sondyqtan da  esirtkige esi ketkenderdiń eselenbesi úshin erterek el bolyp qımyldaý eńseli is. Osyǵan oraı burnaǵy kúni Shanhaı yntymaqtastyq uıymyna múshe memleketterdiń esirtkiniń zańsyz aınalymyna qarsy kúres  júrgizý boıynsha ókilettik berilgen organdar basshylary keńesiniń esirtkige qarsy suranysty tómendetý jónindegi sarapshylar tobynyń  bas qosqan otyrysy boldy. Oǵan ShYU-ǵa múshe memleketterdiń esirtkiniń zańsyz aınalymyna qarsy kúres boıynsha quzyretti organdary sarapshylarynyń jumys toby músheleri qatysty.

Otyrys barysynda asa mańyzdy ári keń aýqymdy máseleler qaraldy. Shanhaı yntymaqtastyq uıymyna mú­she memleketterdiń 2011-2016 jyldarǵa arnalǵan  esirtkige qarsy strategııasyn iske asyrý boıynsha taraptardyń usynystary talqylandy. О́ıtkeni, Shanhaı yntymaqtastyq uıymy – óńirlik halyqaralyq uıym bolyp tabylady. Onyń quramyna 6 memleket – Qazaqstan, Qytaı, Qyrǵyzstan, Reseı, Tájikstan jáne О́zbekstan kiredi. ShYU-nyń maqsaty – ózara senimdi, dostyq pen tatýlyqty nyǵaıtý, saıa­sı, saýda-ekonomıkalyq, ǵylymı-tehnıkalyq, mádenı, energetıkalyq, eko­logııalyq jáne basqa salalarda múshe memleketter arasynda tıimdi yntymaqtastyq ornatý, óńirde beı­bitshilikti, qaýipsizdikti jáne tu­raq­tylyqty qamtamasyz etý boıynsha birlese áreket etý. Sondyqtan da atal­ǵan otyrysta esirtkige qarsy su­ranysty tómendetý, esirtkini nasıhattaý úshin qoldanylatyn múm­kindikterdi shekteý aıtylyp, buǵan qosa esirtkige qarsy kúreste  úkimettik uıymdar men qoǵamdyq birlestikterdiń áleýetin paıdalaný jóninde naqty usynystar jasaldy.Kezdesýge qatysýshylar medısı­nalyq-áleýmettik ońaltýdyń tolyq­qan­dy júıesin qalyptastyrý, ShYU-ǵa múshe memleketterde ha­lyq­tyń nashaqorlyqqa salyný deń­geıin anyqtaý arqyly esirtkige táýeldilerdi esepke alý júıesin jetildirý, ShYU-ǵa múshe memleketterde nashaqorlyqqa áleýmettik aýrý mártebesin berý jóninde naqty usynystar aıtty. Sondaı-aq ShYU-ǵa múshe memleketterdiń esirtkiniń jańa túrlerin anyqtaý mánine esirtki naryǵyna monıtorıng júrgizý jáne naqty profılaktıkalyq sharalardy qabyldaý boıynsha birlesken is-qımyldardyń úılestirý tetikteri talqylandy.Sóıtip, osynyń arqasynda qol jetkizilgen ýaǵdalastyqtar osy oty­rystyń hattamasynda kórsetildi jáne budan ári ShYU-ǵa múshe mem­leketterdiń quzyretti organdary basshylarynyń keńesinde qaralatyn boldy. Otyrysta qabyldanǵan she­shimder ShYU-ǵa múshe memleketterde esirtkige qarsy suranysty tó­mendetýdiń tıimdi keshendik júıesin qalyptastyrý maqsatynda quzyretti organdardyń esirtkiniń zańsyz aınalymyna qarsy jumysyn úılestirýdiń neǵurlym joǵary deńgeıine qol jetkizýge jáne nashaqorlyqtyń aldyn alýdy jetildirýge múmkindik beredi,  dep esepteıdi Esirtki bıznesine qarsy kúres komıtetiniń ókilderi.Aleksandr TASBOLATOV,«Egemen Qazaqstan».