Sársenbi, 12 jeltoqsan 2012 7:14
Oblystyq ekonomıkalyq qylmysqa jáne sybaılas jemqorlyqqa qarsy kúres departamenti baspasóz qyzmetiniń habaryna qaraǵanda, jyl basynan beri oblysta sybaılas jemqorlyq qylmysyna qatysty 98 derek anyqtalypty. Bul ótken jyldyń sáıkes kezeńimen salystyrǵanda 15 oqıǵaǵa artyq. Qarjy polısııasynyń qyzmetkerleri qalalyq aýmaqtyq ınspeksııasynyń ınspektoryn qarbyzdy teksermeı, laboratorııalyq saraptamadan ótkizbeı karantındik tekserý aktisin bergeni úshin para alý kúdigi boıynsha ustaǵan. Júıeli túrde para alyp otyrýdy «daǵdyǵa» aınaldyrý deregi boıynsha ınspektordyń ústinen qylmystyq is qozǵaldy.
Sársenbi, 12 jeltoqsan 2012 7:14
Oblystyq ekonomıkalyq qylmysqa jáne sybaılas jemqorlyqqa qarsy kúres departamenti baspasóz qyzmetiniń habaryna qaraǵanda, jyl basynan beri oblysta sybaılas jemqorlyq qylmysyna qatysty 98 derek anyqtalypty. Bul ótken jyldyń sáıkes kezeńimen salystyrǵanda 15 oqıǵaǵa artyq. Qarjy polısııasynyń qyzmetkerleri qalalyq aýmaqtyq ınspeksııasynyń ınspektoryn qarbyzdy teksermeı, laboratorııalyq saraptamadan ótkizbeı karantındik tekserý aktisin bergeni úshin para alý kúdigi boıynsha ustaǵan. Júıeli túrde para alyp otyrýdy «daǵdyǵa» aınaldyrý deregi boıynsha ınspektordyń ústinen qylmystyq is qozǵaldy. Al oblystyq IID jol polısııasy qyzmetiniń ınspektory qysqa ýaqytta kólik júrgizýdi úıretip, kólik júrgizý kýáligin bergeni úshin 65 myń teńge somasynda para aldy dep aıyptalýda. Ekibastuzdyń merdigerlik uıymynyń dırektory 2008-2010 jyldar aralyǵynda memlekettik «Aýyz sý baǵdarlamasy» – «Pavlodar oblysynyń Shiderti kentinde sý jabdyqtaý jáne sý bólistirý júılerin qaıta qalpyna keltirý» boıynsha atqarylǵan jumystar jóninde jalǵan qujattar jasap, 106 mıllıonnan astam teńge kóleminde bıýdjet qarajatyn jymqyrǵan. Sot merdigerge qatysty bultartpaý sharasyn qoldanyp, úıqamaqqa aldy.
Farıda BYQAI,«Egemen Qazaqstan».PAVLODAR.