Juma, 27 qańtar 2012 7:13
Jańaózen qalasynda bolǵan jappaı tártipsizdik saldarynan azamattardyń qaıtys bolǵany, jaraqat alyp zardap shekkenderi janymyzǵa qatty batady. Nebir zamanda ómir súrip, túrli jaǵdaılardyń kýási bolǵan ardagerlerdiń bári de osylaı – deıdi.Buzaqylyqtyń saldarynan biraz adam qıyn jaǵdaıǵa tap boldy. Nebir ásem ǵımarattar qırady. Jazyǵy joq jeke azamattardyń dúnıe-múlikteri talan-tarajǵa tústi. Osylardy oılaǵanda qatty qınalamyz. Osyndaı sátte Elbasymyz Nursultan Nazarbaevtyń ózi Aqtaýǵa kelip, Jańaózendegi jaǵdaıdy óz kózimen kórdi.
Juma, 27 qańtar 2012 7:13
Jańaózen qalasynda bolǵan jappaı tártipsizdik saldarynan azamattardyń qaıtys bolǵany, jaraqat alyp zardap shekkenderi janymyzǵa qatty batady. Nebir zamanda ómir súrip, túrli jaǵdaılardyń kýási bolǵan ardagerlerdiń bári de osylaı – deıdi.Buzaqylyqtyń saldarynan biraz adam qıyn jaǵdaıǵa tap boldy. Nebir ásem ǵımarattar qırady. Jazyǵy joq jeke azamattardyń dúnıe-múlikteri talan-tarajǵa tústi. Osylardy oılaǵanda qatty qınalamyz. Osyndaı sátte Elbasymyz Nursultan Nazarbaevtyń ózi Aqtaýǵa kelip, Jańaózendegi jaǵdaıdy óz kózimen kórdi. Halyqpen kezdesip, kóńil aıtyp, sol jerde tıisti oryndarǵa jedel túrde tapsyrmalar berýi kóńilimizden shyqty. Sol sátte Ishki ister mınıstri bastaǵan jedel tergeý toby qurylyp, iske kiristi. Keshe elimizdiń Bas Prokýrory sol oqıǵaǵa baılanysty málimdeme jasady. Onda sol kúngi tártipsizdikti uıymdastyrýshylar jáne oǵan belsene qatysýshylardyń ústinen qylmystyq is qozǵalyp, olardyń jaýapkershilikke tartylǵandyqtary aıtyldy. Iаǵnı, kináli adamdar Zań boıynsha jazaǵa tartylady. Ata Zańymyz barshaǵa birdeı ekeni belgili. Zań ár ýaqytta da eldiń tynyshtyǵy, azamattardyń qaýipsizdigi men ómirin qorǵaý úshin qoldanylady. Bizdiń ádil Zańymyz aq-qarany aıyryp, halqymyzdyń keleshektegi tynysh ómirine ıgi yqpal etse eken dep armandaımyz.
Jastarymyz aldaǵy ýaqytta jeke toptardyń jeteginde ketpeı, arandatýǵa barmaı ár isin aqylmen tarazyǵa salyp, oı eleginen ótkizip otyrsa elge de, ózderine de paıdaly bolatyndyǵyn aıtqym keledi. «Aqqa – qudaı jaq» demekshi jazyqsyzdar aqtalar, al endi kináli adamdar tek qana ádil zań arqyly tıisti jazasyn alatyn shyǵar degen oıdamyn. Sonda ǵana el tynysh, azamattarymyz aman bolatynyna kúmán joq. Bizdiń arman-tilegimiz osy.Jazdyrhan SEIDALIEV, Aqtaý qalasynyń qurmetti azamaty, eńbek ardageri.Mańǵystaý oblysy.