Beısenbi, 29 naýryz 2012 7:56
Bizdiń elimizde zańdy attap, qandaıda bolmasyn qylmys jasaǵan jandar jazalanýǵa tıis. Biraq jasaryn jasap, sosyn aılasyn asyryp qashyp qutylyp ketip jatqan qylmyskerler júzdep sanalady. Olardy ustaıdy, qamaıdy, jazasyn tarttyrady degen tıisti organdar álsizdik tanytýda. Mine, osy oraıda keshe Bas Prokýror Ashat Daýylbaevtyń tóraǵalyq etýimen Bas prokýratýranyń keńeıtilgen alqa májilisi ótti.
Beısenbi, 29 naýryz 2012 7:56
Bizdiń elimizde zańdy attap, qandaıda bolmasyn qylmys jasaǵan jandar jazalanýǵa tıis. Biraq jasaryn jasap, sosyn aılasyn asyryp qashyp qutylyp ketip jatqan qylmyskerler júzdep sanalady. Olardy ustaıdy, qamaıdy, jazasyn tarttyrady degen tıisti organdar álsizdik tanytýda. Mine, osy oraıda keshe Bas Prokýror Ashat Daýylbaevtyń tóraǵalyq etýimen Bas prokýratýranyń keńeıtilgen alqa májilisi ótti.
Onda aıyptalýshylardy, tergeý, anyqtaý jáne sot organdarynan jasyrynyp júrgenderdi, iz-túzsiz joǵalǵandardy jáne sot sheshimin oryndaýdan jaltaryp júrgenderdi izdeý boıynsha jedel-izdestirý qyzmeti zańdylyǵynyń jaı-kúıi qaraldy. Taldaý kórsetkendeı, 2011 jyly ishki ister jáne qarjy polısııasy organdary 7311 qylmyskerdi izdegen, olardyń ishinde 1558-ine – memleketaralyq, 60-yna – halyqaralyq izdeý jarııalanǵan. Qabyldanǵan sharalardyń nátıjesinde 4640 qylmysker, olardyń ishinde 176-sy shetelden tabylǵan. Sonymen qatar, respýblıka boıynsha áli de 2266 qylmysker tabylmaı otyr.
Qarjy polısııasy organdarynda qylmyskerlerdi izdeý tıimdiligi 12 paıyzǵa tómendegen. 405 tulǵa tabylmaǵan, olardyń arasynda sybaılas jemqorlyq jáne laýazymdyq qylmystar jasaǵan 37, ekonomıkalyq qylmys jasaǵan 352 adam bar kórinedi.
Ishki ister jáne qarjy polısııasy organdarynda jedel bólimsheler jumysyna tıisti vedomstvolyq baqylaýdyń joqtyǵy joǵarydaǵy keleńsiz qalyptasqan jaǵdaıdyń negizgi sebepteriniń biri bolyp tabylady. Prokýrorlar jedel qyzmetkerlerdiń kinásinen ýaqtyly izdestirý isin qozǵamaǵan 334 faktini ishki ister organdarynan, 28 faktini qarjy polısııasy organdarynan anyqtady.
Talqylaý qorytyndysy boıynsha izdestirý tıimdiligin arttyrý maqsatynda ýákiletti organdarǵa qazirgi zamanǵy avtomattandyrylǵan aqparattyq júıelerdiń múmkindikterin, atap aıtqanda, aryzdar men habarlamalardy esepke alýdyń elektrondy kitaby men iz-túzsiz joǵalǵandar týraly izdestirý isteri boıynsha QSAjEK arnaıy esebiniń biregeılendirilgen málimetter qoryn tolyǵyraq paıdalaný usynyldy. Sonymen qatar, alqa atap kórsetkendeı, ákimshilik jaýapkershilikke tartylyp otyrǵan nemese jeke basyn kýálandyratyn, júrgizýshi kýáligin, múlik quqyǵyn tirkeý týraly qujattardy alýǵa kelgen kez kelgen adamdy arnaıy esepter boıynsha tekserý mindetti bolýy tıis. Osy maqsatta tirkeýshi organdarǵa izdestirilýshi adamdar týraly málimetter qoryna enýge quqyq berý tetikterin jasaý mindeti qoıyldy.
Sondaı-aq, májiliste qamaýǵa alynǵandardy jáne bas bostandyǵynan aıyrý oryndarynda qylmystyq jazalaryn ótep jatqandardy medısınalyq qamtamasyz etý jaǵdaıy týraly másele jan-jaqty talqylandy.
Sottalǵandar arasynda týberkýlezdi ýaqtyly tekserý men dıagnostıka jasaýǵa arnaıy apparattardyń bolmaýy keri áserin tıgizip otyr. Mysalǵa, rentgen apparattardyń jetispeýshiligi 46 paıyzdy quraıdy. Dıagnostıka jasaýdy jáne sottalǵandardy mamandandyrylǵan mekemelerge jiberýdi ýaqtyly júrgizbeý saldarynan túzeý mekemelerinde týberkýlezben aýyrý deńgeıi azamattyq sektormen salystyrǵanda 16 ese joǵary bolyp otyr.
Sondyqtan Ishki ister mınıstrligine sottalǵandardy aýrý boıynsha bosatýdan bas tartýǵa sebep bolǵan arnaıy medısınalyq komıssııalardyń negizsiz qorytyndylar berý faktilerin muqııat tekserý, sondaı-aq deni saý sottalǵandardy týberkýlezge qarsy mekemelerge negizsiz aýystyryp jiberý oqıǵalaryna túbegeıli baǵa berý tapsyryldy.
Aleksandr TASBOLATOV.