Zańǵa baǵyný kerek

Senbi, 19 mamyr 2012 8:00

Konstıtýsııanyń 1-babynyń 1-tarmaǵynda: «Qazaqstan Res­pýb­lıkasy ózin demokratııalyq, zaıyrly, quqyqtyq jáne áleý­mettik memleket retinde ornyqtyrady, onyń eń qymbat qazy­nasy – adam jáne adamnyń ómiri, quqyqtary men bostan­dyq­tary» dep jazylǵan. Bul adam quqyǵy men bostandyǵy elimizde alǵashqy orynda turatyndyǵyn kórsetedi. Osy turǵyda res­pýblıkamyzda túrli zańdyq sharalar da ótip keledi. Solardyń biri de biregeıi ótken respýblıkalyq Zańgerler sezi desek, ar­tyq aıtqandyq emes. Osy rette biz Zań salasy men quqyq qor­ǵaý organdarynda qyzmet etip júrgen «Ishki ister organdary medıa ortalyǵy» JShS bas dırektory Almas SÁDÝBAIMEN oı bólisken edik.

Senbi, 19 mamyr 2012 8:00

Konstıtýsııanyń 1-babynyń 1-tarmaǵynda: «Qazaqstan Res­pýb­lıkasy ózin demokratııalyq, zaıyrly, quqyqtyq jáne áleý­mettik memleket retinde ornyqtyrady, onyń eń qymbat qazy­nasy – adam jáne adamnyń ómiri, quqyqtary men bostan­dyq­tary» dep jazylǵan. Bul adam quqyǵy men bostandyǵy elimizde alǵashqy orynda turatyndyǵyn kórsetedi. Osy turǵyda res­pýblıkamyzda túrli zańdyq sharalar da ótip keledi. Solardyń biri de biregeıi ótken respýblıkalyq Zańgerler sezi desek, ar­tyq aıtqandyq emes. Osy rette biz Zań salasy men quqyq qor­ǵaý organdarynda qyzmet etip júrgen «Ishki ister organdary medıa ortalyǵy» JShS bas dırektory Almas SÁDÝBAIMEN oı bólisken edik.

– Almas Kádirbekuly, res­pýb­lıkalyq Zańgerler sezi ótti. Onda túrli oı pikirler men usynystar ortaǵa salyn­dy. Bul basqosýdyń zań sa­la­synda qalam terbep júrgen jýrnalıster úshin de bereri mol. Al qazaqtildi jýrnalıstıkada quqyq salasy taqy­ry­byna qalam tartyp júr­gen­der kemshin ekeni de ja­sy­ryn emes. Demek, zańgerler sezinen ne kútemiz?– Zań – halyq úshin. Zań – halyqtyń qorǵaýshysy. Zańǵa baǵyný bar da, oǵan sený bar. Res­pýblıkalyq Zańgerler sezi de zańdy syılaý men ony qur­metteýdiń sıpatyn taǵy bir kórsetip berdi dep oılaımyn.Al bizdiń sala senimdi bekitýge, zańdy qurmetteý men ony túsinýge, kez kelgen qoǵamdyq má­seleni zań arqyly sheshýge bo­la­tyndyǵyna kóz jetkizýge ba­ǵyttalady. Sondyqtan zań sala­synyń jýrnalısteri suhbat alý­ǵa, reportaj jasaýǵa barsa da, ma­qala jazýǵa otyrsa da quqyq­tyq normatıvterge súıenýi kerek. Sebebi, sizdiń baryp otyr­ǵan adamyńyz, ıaǵnı quqyq sala­sy­nyń adamy zańdy álipbıdi jatqa bilgendeı biledi. Al óziń bilmeıtin taqyrypta ol adammen qalaı til tabysýǵa bolady? Jańa zań shyqty ma, ony oqý kerek, baptar ózgerdi me, ony túrtip qoıý kerek. Jastar kóbine jalpylama jazady. Jáne áleý­mettik taqyryptarǵa qumar. Olar­dy bir taqyrypqa negizdeý jáne júıeleý úshin kóp jumys­tar isteýge týra keledi. Aǵa tilshiler bala tilshilerge bilgenin úıretedi, basshy retinde ózimiz ke­ńes beremiz. Astana da bir kún­de salynǵan joq qoı, aqy­ryn júrip, anyq basyp, baǵyt-baǵdarymyzdy aıqyndap, oń-solymyzdy tanyp kelemiz.– Halyq quqyq qorǵaý or­gandary qyzmetkerlerine qan­­shalyqty senedi? Zań­ger­ler seziniń bul rette berer kómegi qandaı?– Quqyq qorǵaý organdary qyzmetkerleriniń ımıdjin kóte­rý, olardyń jankeshti qyzmet­te­rin, jaı ǵana otbasyndaǵy adam­dyq beınesin ashý, halyqqa tany­tý bizdiń basylymdardyń basty baǵyty bolyp tabylady. Qyl­mystyń oryn alýy BAQ-ta sensasııa bolady da, onyń qu­ryqtalýy kóbine kóleńkede qala­dy. Qara­paıym ǵana mysal, 40 gradýs aıazda jol saqshylary kúni boıy jel ótinde turyp qyzmet etedi, al biz kólikten shyǵyp, qujat kórsetýge erinip ja­tamyz. Nemese órt sóndirý­shi­lerdiń búkil eńbegin olardyń keshigip kelýimen joqqa shyǵara salamyz. Qudaı saqtasyn, bir qıyndyq bola qalǵanda shartty túrde qolymyz solardyń nómi­rin tere bastaıdy. Al munyń ózi – senim. Iаǵnı, solar ǵana qut­qaryp ıa saqtap qalatynyn bilemiz. «Bir qumalaq bir qaryn maıdy shiritetini» taǵy bar.Qazir beıbit ómirimiz ben tún uıqymyzdyń tynyshtyǵy – belgili bir dárejede quqyq qorǵaý salasy qyzmetkerleriniń arqasy emes pe?! Joǵarǵy Sottaǵy jańa reformalar da kóp uzamaı óz nátıjesin beredi dep bilemiz. Quqyǵymyzdyń qorǵalatynyn bilgendikten de biz qazir batyl sóıleımiz, batyrlyq áreket­ter­ge baramyz. Basty baılyq – erkin ómir súrý. Demokratııalyq qoǵam degenimizdiń ózi de sol – óz erkindigińdi seziný jáne ózge­niń erkindigine qol suqpaý. Zań­gerler seziniń negizgi ózegi de osyǵan saıatyn bolsa kerek.– Áńgimeńizge rahmet.Áńgimelesken  Ábdirahman QYDYRBEK,«Egemen Qazaqstan».