Urlyq anyqtalýda

Beısenbi, 7 maýsym 2012 7:21

Astana qalasy boıynsha Qar­jy polısııasy departamenti Aýyl sharýashylyǵy mınıstrliginiń Sý resýrstary komıteti laýazymdy tulǵalarynyń «Aýyz sý» sa­lalyq memlekettik baǵdarlamasy aıasynda bólingen 1,5 mlrd.teńge bıýdjet qarajatyn urlaý deregi barlyǵyn anyqtady, dep habarlady Qarjy polısııasynyń baspasóz qyzmeti.

Beısenbi, 7 maýsym 2012 7:21

Astana qalasy boıynsha Qar­jy polısııasy departamenti Aýyl sharýashylyǵy mınıstrliginiń Sý resýrstary komıteti laýazymdy tulǵalarynyń «Aýyz sý» sa­lalyq memlekettik baǵdarlamasy aıasynda bólingen 1,5 mlrd.teńge bıýdjet qarajatyn urlaý deregi barlyǵyn anyqtady, dep habarlady Qarjy polısııasynyń baspasóz qyzmeti.

Prezıdent Jarlyǵymen erekshe strategııalyq mańyzy bar dep tanylǵan respýblıkanyń 7 oblysynda (Shyǵys Qazaqstan oblysy, Batys Qazaqstan oblysy, Qa­raǵandy, Aqtóbe, Jambyl, Qos­tanaı jáne Almaty oblystary) ornalasqan 36 sý júıelerin tekserý barysynda munda «Aýyz sý» memlekettik baǵdarlamasy boıynsha bólingen 1,5 mlrd.teńgeni urlaý deregi anyqtal­ǵan­dyqtan 2012 jylǵy 31 mamyrda Aýyl sharýashylyǵy mınıstrli­giniń Sý resýrstary komıtetiniń laýazymdy tulǵalary men ózge de adamdaryna qatysty qylmystyq is qozǵaldy.

Osyndaı kópqyrly tekserýlerden jyl saıyn 25 jyldan astam ýaqyt paıdalanylǵan jú­ıe­ler men qurylǵylar ótýi tıis. Olardyń beriktiligi, turaqtyly­ǵy men paıdalaný jaramdyly­ǵyna qarap jaǵdaıy anyqtalady. Atalǵan nysandardy tekserý qyzmetterine memlekettik satyp alýdyń konkýrstaryn ótkizgende Sý resýrstary komıtetiniń laýazymdy tulǵalary «Memlekettik satyp alýlar týraly» Qazaqstan Respýblıkasynyń zańynyń normalaryn óreskel buzýmen júrgizgendigi anyqtaldy.

Barlyq 36 nysan boıynsha atqarylǵan jumystardyń jal­ǵan aktileri jasalyp, olarǵa qol qoıylǵan. Bul aktilerdiń nátı­je­sinde «AKKE Astana» JShS-ne 1,5 mlrd.teńge bıýdjet qara­ja­ty aýdarylǵan. Kásip­­oryn basshysy aqshalaı qara­jat­ty ıem­­de­nip óz qajetti­lik­te­rine jumsaǵan.

Bıýdjet qarajatyn urlaýdyń osy deregine qatysy bar degen Sý resýrstary komıtetiniń laýazymdy adamdary sany anyqta­lýda.

Atalǵan derek memleketke iri kólemde zalal keltirgen júıeli sıpattaǵy sybaılas jemqorlyq qylmys bolǵandyqtan jáne aý­qymy boıynsha eldiń teń jartysyn derlik qamtyǵandyqtan, ony tergeý isi Agenttik basshyly­ǵy­nyń erekshe baqylaýyna alyndy.

О́zge aqparat tergeý múddesine baılanysty jarııalanbaıdy.