Arasha

Juma, 13 shilde 2012 7:33

Esesi ketken esepshi áli kúnge óz qyzmetine qaıta orala almaı júr

Ońtústik Qazaqstan oblysynyń Maqtaral aýdanynda «Atakent» degen aýyl bar. Shuraıly jerge qonys tepken osy bir shyraıly kentte búkil ońtústik óńirine ǵana emes, respýblıkaǵa tanymal maqta tarıhy murajaıy ornalasqan. Keshegi qıyndyq kezdiń ózinde saqtalyp qalǵan murajaı óziniń tarıhı mańyzy jóninen búgingi kúni eskiniń kózi – tábárik dúnıelerimen maqtana alady. Degenmen, osy mekemeniń basynan keıingi eki jylda daý arylmaı-aq qoıdy.

Juma, 13 shilde 2012 7:33

Esesi ketken esepshi áli kúnge óz qyzmetine qaıta orala almaı júr

Ońtústik Qazaqstan oblysynyń Maqtaral aýdanynda «Atakent» degen aýyl bar. Shuraıly jerge qonys tepken osy bir shyraıly kentte búkil ońtústik óńirine ǵana emes, respýblıkaǵa tanymal maqta tarıhy murajaıy ornalasqan. Keshegi qıyndyq kezdiń ózinde saqtalyp qalǵan murajaı óziniń tarıhı mańyzy jóninen búgingi kúni eskiniń kózi – tábárik dúnıelerimen maqtana alady. Degenmen, osy mekemeniń basynan keıingi eki jylda daý arylmaı-aq qoıdy.

«Egemenge» aryz jazǵan G.Sadyqova osy mura­jaıda 2007 jyldan beri esepshi qyzmetin atqaryp kelgen. Onyń aıtýynsha, murajaı dırektory A.Lazereva hanymnyń qyspaǵyna shydamaǵannan keıin oblystyq mádenıet basqarmasyna sol kezderi jańadan kelgen bastyq K.Aıdarbekovanyń atyna aryz jazady. Onyń aryzy negizinde mádenıet basqarmasynan komıssııa kelip, murajaıǵa tekserý júrgizedi. Nátıjesinde murajaı jumysyndaǵy biraz kemshilikter anyqtalyp, dırektor A.Lazereva qyzmetten bosatylady.

Negizinen G.Sadyqovany osy murajaıǵa esepshi­lik qyzmetke alǵan osy Lazerevanyń ózi bolatyn. Ádilettilik izdep jazǵan aryzynan keıin dırektor onyń izine shyraq alyp tústi. Túrli sebepter tap­qan Lazereva Qazaqstan Respýblıkasy Eńbek kodek­siniń 54-babynyń 6-bólimin paıdalanyp, esepshini qyzme­tinen zańsyz bosatady. G.Sadyqova sotqa aryz­danyp, qyzmetine qaıta keledi. Biraq sot sheshimin orynda­ǵysy kelmegen Lazereva ony túrli syltaýlarmen jumysqa jolatqysy kelmeıdi. Degenmen, Maqtaral aýmaqtyq sot oryndaýshyla­rynyń aralasýymen Sa­dy­qova qyzmetine qaıta ornalasady. Osy teketirestiń nátıjesinde dırektor hanym esepshige qatysty buıryqpen tanystyrmaı, jumystan qaıta shyǵarady. Osy máselege baılanysty G.Sadyqovanyń aryzyn tekserý barysynda biz Ońtústik Qazaqstan oblysy mádenıet basqarmasy­nyń bastyǵy K.Aıdarbekovaǵa jolyǵyp, máseleniń mán-jaıyn suraǵan edik.

– Men 2010 jylǵy 14 maýsymda oblystyq má­denıet basqarmasynyń bastyǵy bolyp taǵaıyn­daldym, – dedi K.Aıdarbekova. – 17 maýsym kúni «OQO maqta sharýashylyǵy tarıhı murajaıy» MKQK bas esepshisi G.Sadyqova murajaı dırektory Lazerevaǵa baılanysty aryz túsirdi. Qazaqstan Respýblıkasynyń «Jeke jáne zańdy tulǵalardyń ótinishterin qaraý tártibi týraly» zań talaptaryna sáıkes basqarmanyń buıryǵymen jumys toby qu­rylyp, G.Sadyqova men A.Lazerevanyń qatysýynda tekserý jumystary júrgizildi. Aryzda kórsetilgen zań buzýshylyqtar (esep-qısap qyzmeti, kadrlyq qyzmet, qarjy-sharýashylyq qyzmeti, keńse qyz­meti) oryn alǵany anyqtaldy. Osy kemshilikterdi qaraý úshin zań talaptaryna oraı Ońtústik Qazaq­stan oblysy boıynsha qarjylyq baqylaý ınspeksııasyna bas­qarmanyń haty  joldandy. Osy ınspeksııa murajaı­ǵa bólingen qarjynyń ıgerilýin tekserip, nátıje­sinde oblystyq bıýdjetten bólin­gen 3 687 964,0 teńge talan-tarajǵa túskenin anyqtaǵan. Alaıda, murajaı dırektory A.Lazereva qarjylyq baqylaý ınspek­sııasynyń aktisimen kelispeı, qosymsha tekserý taǵaıyndaý týraly shaǵym jazyp, qaıta tekserý júrgizilgen. Nátı­jesinde 1 114,3 myń teńge qarjy­nyń negizsiz jum­sal­ǵany anyqtalyp, ol týraly aktige ózi kelisip qol qoıǵan. Inspeksııa tarapynan bas­qar­maǵa anyqtalǵan kemshilikterge jol bergen kásiporyn basshysyna shara kórý týraly hat kelip túsken.

Mádenıet basqarmasy jumys berýshi retinde Eńbek kodeksiniń talaptaryna saı qarjy ınspek­sııasynyń jumys tobynyń aktilerinde kórsetilgen kemshilikter boıynsha 2010 jylǵy 20 qazandaǵy №236-K buıryǵymen murajaı dırektory A.Laze­revaǵa qatysty tártiptik komıssııa qyzmettik tekserý júrgizip, Eńbek kodeksiniń 54-baby 1-tarmaǵy 10, 13, 16 tarmaqshalaryna sáıkes 2010 jylǵy 15 qara­shadaǵy №247-K buıryǵymen Lazerevany jumystan bosatady. Tıisinshe A.Lazereva ózin jumystan zańsyz bosatty dep Shymkent qalasyndaǵy Ál-Farabı aýdandyq sotyna shaǵym túsirdi. Aýdandyq sot onyń aryzyn qanaǵattan­dyrýsyz qaldyrdy. Sol sııaqty Ońtústik Qazaqstan oblystyq sotynyń apellıasııalyq alqasy da aý­dandyq sottyń sheshimin zańdy dep taýyp, A.Laze­revanyń shaǵymyn qanaǵattandyrýsyz qaldyr­dy. Alaıda, 2011 jyldyń 24 maýsymynda oblystyq sottyń kassasııalyq sot alqasy «OQO maqta sharýashylyǵy tarıhı murajaıy» MKQK-nyń dırektory A.Lazerevanyń shaǵymyn tolyǵymen qanaǵat­tandyryp, Ál-Farabı aýdandyq sotynyń sheshimi men apellıasııalyq alqanyń qaýlysynyń kúshin joıdy. Ol oblystyq sottyń kassasııalyq alqasynyń 2011 jylǵy 24 maýsymdaǵy qaýlysy negizinde burynǵy qyzmetine qaıta ornalasyp, jumyssyz júrgen ýaqytyna mindettelingen qara­jatty óndirip aldy. Biraq biz kassasııalyq alqanyń qaýlysymen kelispeı, Qazaqstan Respýblıkasy Joǵarǵy Sotynyń 2003 jylǵy 19 jeltoqsandaǵy «Sottardyń eńbek daýlaryn sheshý kezinde zańnamalardy qoldanýynyń keıbir máseleleri týraly» №9 qaýlysynyń 25-tarmaǵyna sáıkes óz quqyqtarymyzdy qorǵaý maqsatynda Joǵarǵy Sottyń azamattyq ister boıynsha qadaǵalaý alqa­syna ótinish túsirdik. Joǵarǵy Sottyń azamattyq ister boıynsha qadaǵalaý alqasy 2012 jylǵy 10 qańtarda qaýly shyǵaryp, Ońtústik Qazaqstan oblys­tyq sotynyń kassasııalyq alqasynyń qaýlysyn buzyp, qaıta qaraýǵa joldady. 2012 jylǵy 22 aqpanda Ońtústik Qazaqstan oblystyq sotynyń kassasııalyq alqasy A.Lazerevaǵa qatysty sot isin qarap, «OQO maqta sharýashylyǵy tarıhı murajaıy» MKQK-nyń burynǵy dırektory A.Lazerevanyń jumysynda kóptegen qarjy-sharýashylyq zań buzýshylyqtarǵa jol bergeni dáleldenip, oblystyq mádenıet basqarmasynyń A.Lazerevany jumystan bosatý týraly sheshimi durys degen qaýly shaǵardy.

Osy bir shytyrman shyǵarmanyń sıýjetine bergisiz oqıǵanyń núktesi sot arqyly qoıyldy. Mu­rajaı dırektory men esepshi G.Sadyqovanyń ara­syndaǵy, A.Lazereva men oblystyq mádenıet bas­qarmasynyń arasyndaǵy teketires nátıjesinde A.La­zereva qyzmetinen ketti. Degenmen, ýaqytynda zańsyz jumystan shyǵarylǵan G.Sadyqovaǵa qatysty ádi­lettilik áli ornaı qoıǵan joq. О́ıtkeni, ol qyzmetine qaıta qabyldanbady. «Egemenge» aryzdaný sebebi de sol eken. Onyń óz jumysyna oralýyna basqarma bastyǵy múmkindik jasaı ma, álde zaıyrly memle­kettegideı sot sheshimi qajet pe, ony ýaqyt kórsetedi. Eń bastysy eki jylǵa sozylǵan teketirestiń qurbany bolǵan esepshige qatysty ádiletti sheshimniń qajet ekendigi…

Sharafaddın ÁMIROV,

«Egemen Qazaqstan».