Senbi, 4 tamyz 2012 7:40
Mıllıonnan astam turǵyny bar shahardyń tynyshtyǵyn kúni-túni qorǵaıtyn tártip saqshylarynyń ózderiniń kásibı mindetine degen joǵary jaýapkershiligi qanshama aýyr qylmystyń jolyn kesti deseńizshi?!
Senbi, 4 tamyz 2012 7:40
Mıllıonnan astam turǵyny bar shahardyń tynyshtyǵyn kúni-túni qorǵaıtyn tártip saqshylarynyń ózderiniń kásibı mindetine degen joǵary jaýapkershiligi qanshama aýyr qylmystyń jolyn kesti deseńizshi?!
Almaty qalasynyń Túrksib aýdanynda qoǵamdyq tártipti qorǵaýdy qamtamasyz etý qyzmetine kirisken «Boran-170» patrýldik ekıpajyna ótken senbide tańǵy toǵyzda qarýly shabýyl jasaldy. Bekmahanov kóshesinde jol shetinde turǵan kúdikti «Hıýndaı» kóligindegilerdiń qujattaryn teksermek bolǵanda, olar polıseılerge tutqıyldan oq jaýdyrǵan. Basyna tıgen oqtan aǵa leıtenant Erjan Qaıraqbaev birden kóz jumyp, onyń áriptesi leıtenant Ernaz Qojahmetov aýyr halde aýrýhanaǵa jetkizilgenimen, ony qutqarý múmkin bolmady.Almaty qalalyq IID baspasóz qyzmetiniń jetekshisi, polısııa maıory Saltanat Ázirbektiń aıtýynsha, bul oqıǵaǵa qatysy bar qarýly qylmyskerlerdi quryqtaý maqsatynda tájirıbeli qyzmetkerlerden shuǵyl túrde jedel-tergeý toby qurylǵan. Sóıtip «Quryqtaý» arnaýly jospary boıynsha alty qylmysker «Ahselkent» shaǵyn aýdanyndaǵy kóp qabatty úıdegi páterlerdiń birinde jasyrynǵandyǵy anyqtaldy. Aýyr jáne asa aýyr qylmystary úshin birneshe jylyn temir torda ótkizgender bostandyqqa shyqqan boıda bastary qaıtadan qosylyp, «eski ádetterin» qaıta jalǵastyrǵan.Ońtústik astanadaǵy birneshe iri kásiporyndarǵa qaraqshylyq shabýyl jasaǵan qylmystyq toptyń múshelerin quryqtaý Almaty qalalyq ishki ister departamentiniń bastyǵy Erlan Turǵumbaevtyń jetekshiligimen ótti. Arnaýly operasııaǵa IIM-niń «Suńqar» jáne «Arlan» toptary men jedel áreket etý otrıady qyzmetkerleri qatysty. Qaraqshylyq shabýylmen aınalysqan qylmystyq topty tutqyndaý is-sharasy bastalmas buryn bul úılerdiń 162 turǵyny qaýipsiz jerge ornalastyryldy. Sodan soń qylmyskerlerden óz erikterimen berilip, qarýlaryn tastaý talap etildi. Alaıda, bul usynysqa moıyn burmaı, qarsylyq kórsetken qaraqshylarǵa qarý qoldanylyp, alty qylmyskerdiń kózi joıyldy. Al jalǵa alynǵan bir bólmeli páterdi tintý barysynda eki «Kalashnıkov» avtomaty, bir ańshy myltyǵy, eki tapansha, bir revolver, oq dáriler tabyldy, deıdi Saltanat Ázirbek.Respýblıkadaǵy túzeý mekemeleriniń birinde qaraqshylyq shabýyl, urlyq, esirtki ótkizý jáne basqa da aýyr qylmystary úshin jazasyn ótegen qylmystyq top músheleriniń Shyǵys Qazaqstan, Jambyl jáne Almaty oblystarynyń turǵyndary ekendigi anyqtaldy. «Ahselkent» turǵyn úı keshenindegi úıdiń tórtinshi qabatynda ornalasqan bir bólmeli páterdegi qylmyskerlerdi quryqtaýǵa eki saǵatqa jýyq ýaqyt ketti. Arnaýly operasııa barysynda polısııa qyzmetkerleri men beıbit turǵyndar arasynda zardap shekkender bolǵan joq. Qazirgi kezde osy qylmys boıynsha tergeý júrgizilýde. Sóz reti kelgende aıta ketetin taǵy bir jáıt, qalada tirkeletin qylmystyń jartysynan astamyn jaqyn shetelderden, respýblıkanyń ózge aımaqtarynan kelgender men zańsyz mıgranttar jasaýda. Statıstıkalyq málimetterge qaraǵanda, Almatyǵa táýligine syrttan eki júz myńdaı avtokólik qatynaıdy eken. О́kinishke oraı, olardyń kópshiligi tirkelmeıdi.Tamyz aıynyń alǵashqy kúni qala ákimi Ahmetjan Esimovtiń qatysýymen ótken jıynda bul máselege basa nazar aýdaryldy. Ákimniń pikirinshe, quqyq qorǵaý organdary ońtústik astanaǵa keletinderge qatysty jumysty odan ári jetildirýi tıis. Anyǵyraq aıtqanda, jol polısııasy basqarmasy qalaǵa enetin kólikke baqylaýdy kúsheıtkeni jón. Sonymen qatar, mundaı mańyzdy is-sharada quqyq qorǵaý organdaryna kómek kórsetý jónindegi qoǵamdyq keńes qurý qarastyrylmaq.Máselen, qandy qol qaraqshylardyń kózi joıylǵan shaǵyn aýdanda otyzǵa jýyq páterdiń jalǵa berilgeni anyqtaldy. Alaıda, ondaǵy turǵyndar týraly málimet joq. Soǵan oraı, qala basshysy aýdan ákimderine IID men PIK-termen birlesip, jalǵa beriletin páterlerdiń qory boıynsha aqparatty júıelendirýdi tapsyrdy.Baqyt BALǴARINA,«Egemen Qazaqstan».Almaty.