Senbi, 8 qyrkúıek 2012 7:17
Oblystyq ekonomıkalyq jáne sybaılas jemqorlyqqa qarsy kúres departamenti ótkizgen brıfıngte belgili bolǵandaı, jyl basynan beri zańsyz oıyn bıznesine qarsy turý maqsatynda 13 qylmystyq is qozǵalǵan. Solardyń biri jýyrda áshkerelengen. Atap aıtqanda, «Klýb sportıvnogo pokera» JShS-niń oıyn zalynan 3 poker ústeli, 5000 fıshka, 94 qart jáne 114,6 myń teńge qarajat tárkilengen. Baspasóz hatshysy Nurlan Jahınnyń aıtýynsha, jedel izdestirý sharalary barysynda avtovokzal aýmaǵyndaǵy zańsyz oıyn avtomattary zaly qyzmetiniń joly kesilgen. Odan 20 oıyn avtomattary, 86 myń teńge alynyp, jeke kásipkerge baılanysty qylmystyq is qozǵalǵan. «Terrıtorııa Interneta» ınteraktıvtik klýbynda ınternetke shyǵý degen jeleýmen onlaın-kazıno qyzmeti uıymdastyrylǵan. Kompıýterdiń 125 júıelik blogy men 430 myń teńge tárkilenip, kináli tulǵalar jazaǵa tartyldy.О́mir ESQALI,«Egemen Qazaqstan».Soltústik Qazaqstan oblysy.