Attestattaý

Sársenbi, 24 qazan 2012 7:19

Bilim men biliktilik

Elbasynyń «Qazaqstan Res­pýb­lıkasy quqyq qorǵaý organ­dary qyzmetkerlerin kezekten tys attestattaý týraly» Jarlyǵyna saı ótkizilgen attestattaý barlyq quqyq qorǵaý organdary úshin úlken synaq. Bul synaqtan ótý­shilerge respýblıka zańdarynyń tizbesi, logıkalyq oılaý syndary, qyzmetkerdiń quqyq qorǵaý or­ga­ny mártebesine saı keletindigin adamgershilik-psıhologııalyq já­ne dene shynyqtyrý jaǵynan anyq­taý jáne qarý qoldana bilý barysy alǵa qoıyldy.

Sársenbi, 24 qazan 2012 7:19

Bilim men biliktilik

Elbasynyń «Qazaqstan Res­pýb­lıkasy quqyq qorǵaý organ­dary qyzmetkerlerin kezekten tys attestattaý týraly» Jarlyǵyna saı ótkizilgen attestattaý barlyq quqyq qorǵaý organdary úshin úlken synaq. Bul synaqtan ótý­shilerge respýblıka zańdarynyń tizbesi, logıkalyq oılaý syndary, qyzmetkerdiń quqyq qorǵaý or­ga­ny mártebesine saı keletindigin adamgershilik-psıhologııalyq já­ne dene shynyqtyrý jaǵynan anyq­taý jáne qarý qoldana bilý barysy alǵa qoıyldy.

Kezekten tys attestattaýdyń taǵy bir ereksheligi, munda quqyq qor­ǵaý júıesi qyzmetkerleriniń bar­lyǵy, ıaǵnı generaldan bastap praporshıkke deıin tekseristen birdeı ótti. Mundaı synnan Qar­jy polısııasy akademııasynyń qyz­­met­kerleri de qaǵys qalǵan joq.Qarjy polısııasy akademııasy qyzmetkerleriniń synaqtan qalaı ótkendigi týraly Qarjy po­lı­sııa­sy akademııasynyń bastyǵy, general-maıor Rústem Ybyraıymov aıtyp berdi. Erejege saı vedo­mst­volyq JOO qos attestattaýdan, ıaǵnı quqyq qorǵaý júıesi salasy men joǵary oqý júıesi salasynan ótedi, deıdi ol. Má­se­len, ústi­miz­degi jyldyń qańtar-aq­pan aıla­rynda Qarjy polı­sııa­sy akade­mııasy joǵary jáne JOO keıingi bilim berý baǵdarlamasyn júrgi­zýshi retinde Bilim jáne ǵylym mınıstrliginiń memlekettik attes­tattaýynan súrinbeı ótti. Endi kelesi besjyldyqta bizge «Zań», «Quqyq qorǵaý qyzmeti», «Keden isi» sekildi mamandyqtar boıynsha oqytý quqyǵy bekitildi.Ústimizdegi jyldyń osy ótken aıynda akademııa qyzmetkerlerin qaıta attestattaý barysy da sátti júrgizildi. Bir apta boıy akade­mııanyń pro­fessorlyq-oqytý­shy­lyq qura­my men ǵylymı qyzmet­kerleri psıhologııalyq turaqty­lyq pen logıkalyq oılaýǵa, qol­danystaǵy zańdardy bilýge, dene shynyqtyrý men atys qarýynan atýǵa testiler men normatıvter tapsyrdy. Sy­naq­tyń sońynda Eko­nomıkalyq qyl­mysqa jáne sybaılas jem­qor­lyqqa qarsy kú­res agenttigi tó­ra­ǵasynyń birinshi orynbasary, qar­jy polısııa­sy­nyń general-maıo­ry A.Lýkın­niń qatysýymen áń­gi­melesý ótti.Árıne, ókinishke qaraı, bul kúr­deli synaqtan akademııanyń barlyq qyzmetkerleri birdeı óte alǵan joq. О́ıtkeni, mundaı kúr­de­li talapty joǵary vedomstvolyq mekteptiń aldyna ómirdiń ózi qoıyp otyr. Qarjy polı­sııasy­nyń akademııasy bul tek elimizdiń qarjy polısııasy men keden or­gan­dary úshin kadrlar daıyn­daı­tyn ǵana oryn emes, sondaı-aq mun­da PhD magıstratýrasy men doktorantýrasy boıynsha joǵary dárejeli kadrlar ázirleıtin, ózi­niń jeke eńbekterimen qatar ǵy­ly­mı jýrnal shyǵaratyn, TMD elderiniń salyq (qarjy) organ­dary úshin bazalyq daıyndaıtyn ortalyǵy bolyp tabylady. Son­dyqtan bizdiń qyzmetkerlerge qoıy­latyn talap óte joǵary. Al munyń mańyzdylyǵy Elbasynyń Nazarbaev Ýnıversıtetinde «Qa­zaq­stan bilim qoǵamy jolynda» atty oqyǵan dárisinen de aıqyn baıqalady, deıdi R.Ybyraıymov.Akademııa búginde óziniń bilim berý qyzmetinde jańa satyǵa kó­te­rilip otyr. Respýblıka quqyq qor­ǵaý organdary úshin 2013-2014 jyl­darǵa kadrlardy daıyndaý qysqartylǵan eki jyldyq bakalavrıat baǵdarlamasy boıynsha jos­parlanýda. Qazirgi tańda tek jo­ǵa­ry bilimi barlardy qabyldaý maq­satynda akademııada qaıta qurylý jumystary júrgizilýde. Olar munda tek arnaıy mamandyq bilimi boıynsha ǵana oqytylyp, joǵary zań bilimi dıplomyn ala­dy.Demek, bir sózben aıtqanda, Qar­jy polısııasy postkeńestik keńis­tiktegi aıryqsha oqý oryn­darynyń biri bolǵan jáne solaı qala bermek. Akademııada, sonyń ishinde bilim deńgeıin kóterý ký­r­s­tarynda Tájikstan, Lıtva, Latvııa, Qyrǵyzstan, Ýkraına jáne Reseı azamattary bilim alýda.Elbasynyń «Qazaqstannyń áleý­­­mettik jańǵyrtylýy: Jal­pyǵa Ortaq Eńbek Qoǵamyna qaraı 20 qadam» atty maqalasy men «Qa­zaq­stan bilim qoǵamy jo­lyn­da» atty dárisinde ulttyq bilim berýdi jań­ǵyrtýdyń maqsaty ony halyq­ara­lyq standarttarǵa ja­qyn­datý ba­symdyǵy retinde belgilengendeı, bul másele osy atal­ǵan jo­ǵa­ry oqý ornyna da tikeleı qatysty. О́ıtkeni, akademııa uzaq merzimdi yntymaqtastyq me­mo­randýmyna qol qoıǵan tek otan­dyq ǵana emes, sonymen qatar sheteldik JOO jáne ǵylymı uıymdarmen tolyq­qandy áriptes bolyp tabylady.Endeshe, Elbasy: «Jańǵyrtý prosesiniń eń bir utymdy sheshýshi kezeńi ulttyq bilim berý júıesin tıimdi jańartý bolyp tabylady», dep aıtqandaı, Akademııa Qazaq­stannyń quqyq qorǵaý júıesiniń birden-bir jetekshi oqý oryny retinde úzdik oqytýmen, ǵylymı já­ne tárbıe prosesinde óziniń qyz­me­tin únemi jetildirip keledi. Bu­ǵan dálel ústimizdegi jyly Qarjy polısııasy akademııasynyń eki márte – joǵary oqý oryny jáne vedomstvolyq mekeme retinde – attestattaýdan bilim men biliktilik jaǵynan súrinbeı óte bilýi ujymnyń joǵary kásiptik jáne ǵylymı dárejede ekendigin kór­se­tip berdi.

Aıaqtaldy

Memleket basshysynyń 2012 jylǵy 8 sáýirdegi «Qazaqstan Respýblıkasy quqyq qorǵaý organdary qyzmetkerlerin kezekten tys attestattaýdan ótkizý týraly» Jarlyǵyn júzege asyrý maqsatynda Astana qalasy boıynsha ekonomıkalyq qylmysqa jáne sybaılas jemqorlyqqa qarsy kúres departamentinde qyzmetkerlerdi kezekten tys attestattaý úderisi aıaqtaldy.

Attestattaýǵa jatatyn qyz­met­kerler Qazaqstan Res­pýb­lıka­sy­nyń zańnamasy, oılaý qabilettigin anyqtaýǵa baǵyttalǵan testileýdi jáne áskerı daıyndyq normatıvterin tapsyryp, psıholog mamandarmen suhbattasýdan ótti.Aýmaqtyq attestattaý komıs­sııa­synda suhbattasýdan ótý ba­ry­synda testileý men áskerı daıyn­dyq nátıjeleri ǵana emes, so­ny­men qatar qyzmetkerlerdiń jedel ju­mys nátıjeleri de eskerilip, qo­ry­tyndy sheshim qabyldandy.Aýmaqtyq attestattaý komıs­sııa­synyń jumysyna buqaralyq aqparat quraldarynyń ókilderi, qar­jy polısııasy organdarynyń ar­dagerleri, partııalardyń múshe­leri tartyldy. Aýmaqtyq attestattaý komıssııasynyń otyrysynda jalpy 173 qyzmetkermen suh­bat­tasý ótkizildi. Attestattaý komıs­sııasynyń joǵary talaptaryn bilgendikten 13 qyzmetker attestat­taý­dan ótýden bas tartyp, qyz­metterinen bosatý týraly baıa­nat­tarǵa qol qoıǵan. Osylaısha, Aý­maq­tyq attestattaý komıssııasy jumysynyń nátıjesi boıynsha 52 qyzmetker atqaratyn laýazymyna sáıkes kelmedi, dep habarlady Astana qalasy boıynsha ekono­mı­ka­lyq qylmysqa jáne sybaılas jem­qorlyqqa qarsy kúres departa­men­tiniń baspasóz qyzmeti.

Usynys ta, sheshim de qabyldandy

Keshe Bas Prokýror Ashat Daýylbaevtyń tóraǵalyq etýimen Bas prokýratýranyń alqa májilisi boldy. Onda mektepterdiń qurylysyn júrgizý, sondaı-aq sheteldik jumys kúshin tartý barysyndaǵy jergilikti atqarýshy organdar qyzmetindegi zańdylyqtyń saqtalý máseleleri qaraldy. Alqa jumysyna birqatar mınıstrlikter men vodomstvolardyń basshylary, Parlament depýtattary qatysty.

Bas prokýratýranyń tekserýi barysynda anyqtalǵan quqyq buzýshylyqtardyń arasynda eń kóp taralǵandary mynalar bol­dy: qurylys-montajdaý ju­mys­taryn jobalyq-smetalyq qu­jat­tamalardan tys júrgizý, qu­rylys normalary men tehno­logııalaryn buzý, qaýipsiz emes qurylys materıaldaryn, son­daı-aq metrologııa organ­da­ryn­da tekserýden ótpegen ólshem qu­raldaryn paıdalaný. Respýb­lıkada qurylysy júrip jatqan 165 jalpy bilim berý mek­tepteriniń tórtten bir bóliginiń merzimi buzylyp salynýda. Jı­nalysta atalyp kórsetilgendeı, kóbinese qalyptasyp otyrǵan jaǵdaı qurylysqa teris pı­ǵyl­dy qurylysshylardy jiberetin jáne oryndalmaǵan jumys­tar­dyń aktilerine qol qoıatyn she­neý­nikterdiń jaýapkershiliksiz qatynasynyń saldarynan bolyp otyr.Tekserý nátıjesi boıynsha 22 laýazymdy tulǵa tártiptik jaýapkershilikke tartyldy, 6 qylmystyq is qozǵaldy, 5 materıal tergeýge deıingi tekserý júr­gizý úshin qarjy polı­sııa­syna joldandy. Alqa qory­tyn­dysy boıynsha Úkimetke zańd­y­lyqty buzýshylyqtardy joıý, elimizge sheteldik jumys kúsh­terin tartý tártibin retteıtin zańnamalardy qoldanýdyń tıimdiligin arttyrý týraly usynys engizý jóninde sheshim qa­byl­dandy, dep habarlady Bas pro­ký­ratýranyń baspasóz qyzmeti.

О́zgerister ólshemi

Bas prokýratýranyń Quqyqtyq statıstıka jáne arnaıy esepke alý jónindegi komıtetinde, ózge de quqyq qorǵaý organdary sııaqty, komıtettiń aýmaqtyq basqarmalary qyzmetkerlerin kezekten tys attestattaý aıaqtaldy.

Alǵashqy kezeńde komıtet tó­raǵasyn jáne onyń oryn­ba­sar­laryn Joǵary attestattaý komıssııasy (JAK) el Pre­mer-Mınıstriniń tóraǵa­lyǵy­men attestattaýdan ótkizdi.Ekinshi kezeńde, ıaǵnı tamyz aıynda Bas prokýratýranyń Or­talyq attestattaý komısııasynan (OAK) komıtettiń jáne onyń aýmaqtyq organdarynyń basshy­lyq quramy ótti.Bas prokýratýranyń Orta­lyq attestattaý komıssııasynyń sheshimimen komıtettiń oblys­tyq basqarmasynyń 1 bastyǵy jo­ǵary laýazymǵa usynyldy já­ne qyrkúıek aıynda Bas pro­kýratýranyń basqarýshy laýa­zy­myna taǵaıyndaldy.Sonymen qatar, OAK qory­tyndysy boıynsha 3 aýmaqtyq basqarmanyń basshysy atqara­tyn laýazymyna sáıkes kelmeıdi dep tanylyp, tómendetýge usy­nylyp, 1 basshy psıho­lo­gııa­lyq turaqtylyǵyna testileý ót­kizilgennen keıin jumystan shy­ǵý týraly baıanat berdi.Úshinshi kezeńde komıtettiń aımaqtyq attestattaý komıs­sııa­synyń sheshiminiń nátıjesi boı­yn­sha 541 qyzmetker attestat­taý­dan oıdaǵydaı ótti, onyń ishinde 18 qyzmetker kadrlyq rezervke kirgizýge nemese joǵary tur­ǵan laýazymǵa kóterýge usy­nyl­dy, 444-i atqaratyn laýa­zy­myna sáıkes, 27-si atqaratyn laýa­zy­my­na sáıkes emes dep ta­nylyp, basqa qyzmetke (laýa­zymǵa) aýys­tyrýǵa jáne 35-i atqaratyn laýazymyna sáıkes emes dep ta­ny­lyp, laýazymyn tómendetýge usynyldy.Sonymen qatar, aımaqtyq attestattaý komıssııasynyń qo­ry­tyndysy boıynsha komıtettiń aý­maqtyq basqarmasynyń 17 qyz­metkeri atqaratyn laýa­zy­my­na sáıkes kelmeıdi dep ta­nyl­dy jáne quqyq qorǵaý or­gan­darynan jumystan bosatýǵa usy­nyldy. Al 4 qyzmetkerdiń attestattaýdan ótýi keıinge qal­dyryldy, dep habarlady Bas pro­kýra­tý­ranyń baspasóz qyz­meti.

 Toptamany daıyndaǵan Aleksandr TASBOLATOV,«Egemen Qazaqstan».