Sársenbi, 7 qarasha 2012 7:23
Ananyń qaı zamandada erlik isteri men atqarǵan jumystary az bolmaǵan. El basyna kún týyp, etigimen sý keshken nebir zamandarda da abzal jan qıyndyq ataýlyǵa alǵashqy bolyp moıymaı tótep bergendigin eshkim joqqa shyǵara almas. Al sol jandardyń jalǵasyndaı búgingi beıbit kezeńde erlikterin ózge qyrynan kórsetip, qaısar ana atanyp jatqan názik jandylar qatary búgin de, shúkir, az emes. Almaty – Pavlodar baǵytyndaǵy №45 jolaýshylar poıyzynyń jolserigi Gúlmıra Shakamanovany da osy qatarǵa jatqyzýǵa bolady.
Sársenbi, 7 qarasha 2012 7:23
Ananyń qaı zamandada erlik isteri men atqarǵan jumystary az bolmaǵan. El basyna kún týyp, etigimen sý keshken nebir zamandarda da abzal jan qıyndyq ataýlyǵa alǵashqy bolyp moıymaı tótep bergendigin eshkim joqqa shyǵara almas. Al sol jandardyń jalǵasyndaı búgingi beıbit kezeńde erlikterin ózge qyrynan kórsetip, qaısar ana atanyp jatqan názik jandylar qatary búgin de, shúkir, az emes. Almaty – Pavlodar baǵytyndaǵy №45 jolaýshylar poıyzynyń jolserigi Gúlmıra Shakamanovany da osy qatarǵa jatqyzýǵa bolady.
Gúlmıra osydan tórt aı buryn bolat jol ústinde erekshe oqıǵaǵa kýá bolyp, sonyń bas keıipkerine aınaldy. Tórt aı buryn dep aıtyp otyrǵanymyzdyń ózindik sebebi de joq emes. Buǵan jýyrda «QTJ» UK» AQ prezıdenti Asqar Mamınnyń blogyna Shýche qalasynan Úrjibaevtar otbasynan kelgen alǵys hat sebep bolypty. Onda bylaı delingen: «Biz bolat jolda kez-kelgen qıyn jaǵdaıda kómekke ázir turatyn kásibı mamandar jumys isteıtinine tánti boldyq. Almaty – Pavlodar jolaýshylar poıyzynyń jolserigi Gúlmıra Zarýbaıqyzy batyl da jedel áreket etýiniń arqasynda bizdiń nemeremiz Mılanany bosandyryp aldy. Oǵan degen alǵysymyz sheksiz…» dep aǵynan aqedil alǵysyn jaýdyrady erli-zaıypty Úrjibaevtar óz hatynda.Gúlmıra tabıǵatynan qarapaıym jan. Kópshilikten erekshelengendi unatpaıdy. Sol oqıǵa jaıynda da jalpaq jurtqa jar salýdy jón sanamaǵan. Bul baǵytta sapar shekken jolserikterdiń basty maqsaty ana men balanyń densaýlyǵy bolǵan. Bar tilegi jańa týǵan sábı ústinde edi. Gúlmıra Almatydan poıyzǵa otyrǵan jas jubaılardy kórip, kelinshektiń aıaǵy aýyr ekenin, aýyr bolǵanda da aıy-kúni jaqyndap qalǵanyn birden ańǵarady. Alaıda osy saparda bosana qoıar dep oılamapty. Poıyz Saryshaǵan stansasynan óte bere tolǵaǵy bastalǵan kelinshekti bólek kýpege jaıǵastyryp, bosanýyna kómektesýge baryn sala kirisken Gúlmıra jolserikterdi dáriger taýyp kelýge jumsaıdy. Tolǵaǵy maza bermeı, janushyra qınalǵan kelinshekti kórgen ol ózi de onymen birdeı qınalyp, terdiń sý bop aqqanyn baıqamaı da qalady. Kelinshekke bar aıtatyny «shyda, shyda, dáriger kelip qaldy» dep demeý bere berý boldy. Dúnıe esigin ashqan sábı kókpeńbek bolyp týǵany óz aldyna, birazǵa deıin dybyssyz jatyp jurtty bir úrpıistirip tastaǵan. Sodan ol sábıdi jasandy jolmen demaldyrýǵa tyrysyp baqty. Sol mezette sharananyń shar etip shyqqan dybysy ábden ýaıymdap, qaljyraǵan Gúlmıranyń kóńilin bosatyp jiberdi… Vagon ishi ý-shý. Jas anamen birge tolǵatqandaı bolǵan jolaýshylardyń da qýanyshtarynda shek joq. Kópshilik «bul endi sizdiń de qyzyńyz», dep jolserikti quttyqtap jatty…Gúlmıranyń ózi de úsh balanyń anasy. Eki uly stýdent bolsa, tórt jasar Darııasy qylyqty qyz bolyp ósip keledi. Gúlmıra saparǵa shyqqan kezde kishkentaıyn qatty saǵynatyndyǵyn aıtady.«Jolaýshylar tasymaly» AQ basshylyǵy qazirgi tańda Gúlmırany marapattaýdy oılastyrýda eken. Iá, adamgershilik, analyq qamqorlyǵynyń arqasynda ózine júktelgen mindetterdi abyroımen atqaryp júrgen abzal janǵa qandaı qurmet kórsetse de artyq bolmas.
Ábdirahman QYDYRBEK,«Egemen Qazaqstan».