Beısenbi, 17 mamyr 2012 7:37
Boks
Osy kúnderi Qytaıdyń Sınhýangdao qalasynda bokstan tuńǵysh ret qyzdar arasynda Olımpııa oıyndaryna irikteý álem chempıonaty ótýde.
Oǵan bizdiń elden basqa, taǵy 76 eldiń boksshylary qatysýda. Barlyǵy Qytaıǵa 343 sportshy kelip otyr. Sonyń ishinde London Olımpıadasynyń joldamasyna talasatyn qyzdar sany – 127.
Beısenbi, 17 mamyr 2012 7:37
Boks
Osy kúnderi Qytaıdyń Sınhýangdao qalasynda bokstan tuńǵysh ret qyzdar arasynda Olımpııa oıyndaryna irikteý álem chempıonaty ótýde.
Oǵan bizdiń elden basqa, taǵy 76 eldiń boksshylary qatysýda. Barlyǵy Qytaıǵa 343 sportshy kelip otyr. Sonyń ishinde London Olımpıadasynyń joldamasyna talasatyn qyzdar sany – 127.
Bıylǵy álem chempıonaty osymen jetinshi ret ótýde. 2001 jyly bastalǵan jarystan beri qyzdar arasynan 292 boksshy júldeger atanypty. Osy ýaqytta 73 qyz altyn jáne kúmis júldeni ıelense, 146 boksshyǵa qola medal buıyrǵan.
Bizdiń el osy chempıonatqa barlyq on salmaq dárejesinde qatysýda. Bir ókinishtisi, jarys bastalysymen Jaına Shekerbaeva (51 kg.), Sánııa Sultanqyzy (57 kg.) men Móldir Bazarbaeva (69 kg.) qarsylastarynan jeńilýge májbúr boldy. Al aǵa bapker Vadım Prısıajnıýk jattyqtyratyn quramadaǵy Nazym Qyzaıbaı (48 kg.). Gúljan Ákimova (54 kg.), Saıda Hasenova (60 kg.), Fırýza Sháripova (64 kg.), Marına Volnova (75 kg.), Darıǵa Shákimova (81 kg.) men 81 kılodan joǵary salmaqtaǵy Juldyz Mamatqulovanyń jarysty jalǵastyrýǵa áli múmkindikteri bar. Sonyń ishinde qazaq tilin taza biletin Syr boıynyń qyzy Marına Volnova men Saıda Hasenova ǵana Olımpıada joldamasyna talasa alady.
Keshe 1/8 fınalda Marına Volnova men Saıda Hasenova qarsylastarynan jeńilip, joldamadan qaǵyldy. Degenmen Volnovanyń AIVA úlestiretin joldamadan úmiti bar.