Seısenbi, 10 shilde 2012 7:29
Sanaýly kúnderden keıin Londonda jalaýy kóteriletin HHH Olımpııalyq oıyndarǵa kúlli álem jurtshylyǵynyń nazary aýatyny belgili. Qazirgi kúni oǵan qatysý joldamasy sarapqa salynyp bitti jáne onda óner kórsetetin sportshylardyń da esimderi belgili boldy. Tórt jylda bir ret álemniń eń myqty sportshylarynyń basyn qosatyn bul dúbirli dodaǵa elimizden 115 sportshy attanǵaly otyr jáne olardyń 63-i dınamolyqtar.
Seısenbi, 10 shilde 2012 7:29
Sanaýly kúnderden keıin Londonda jalaýy kóteriletin HHH Olımpııalyq oıyndarǵa kúlli álem jurtshylyǵynyń nazary aýatyny belgili. Qazirgi kúni oǵan qatysý joldamasy sarapqa salynyp bitti jáne onda óner kórsetetin sportshylardyń da esimderi belgili boldy. Tórt jylda bir ret álemniń eń myqty sportshylarynyń basyn qosatyn bul dúbirli dodaǵa elimizden 115 sportshy attanǵaly otyr jáne olardyń 63-i dınamolyqtar.
Jalpy, dınamolyq sportshylar alǵa qoıǵan maqsatty oryndap, alpystan asa joldamany utyp aldy jáne sporttyń 15 túrinen synǵa túsetin bolady. 2008 jyly Beıjińde ótken HHIH Olımpııa oıyndaryna da 63 dınamolyq qatysyp, nátıjesinde 11 sportshy júldemen oralǵan edi.
«Dınamo» dene tárbıesi sport qoǵamynyń sport basqarmasy bóliminiń basshysy Nıkolaı Knıazev bıylǵy sportshylardyń áleýeti ózge jarystarǵa qatysýshylarǵa qaraǵanda anaǵurlym joǵary ekendigin aıtady.
– Bul sport oıyndary bolǵandyqtan, oǵan aldyn ala boljam jasap, anaý altyn alady, mynaý kúmis alqa ıelenedi dep aıtý qıyn. Sporttyq oıyndar árqashanda tartysty ótetindikten, túrli jaǵdaılar oryn alýy múmkin. Iаǵnı, sportshylarǵa aıaq astynan jaraqat alyp qalý qaýpi de bar. Sondyqtan kimniń oza shabatyndyǵyn sport alańy kórsetedi, – deıdi N.Knıazev.
Sondaı-aq, bıylǵy Olımpııalyq oıyndardyń ashylý rásiminde elimizdiń baıraǵyn kóterip shyǵatyn Nurmahan Tinálıevtiń dınamolyq sportshy ekendigin maqtanyshpen aıta alamyz. Sonymen qatar, Londonda elimizdiń namysyn qorǵaıtyn Almat Kebisbaev, Darhan Baıahmetov, Gúzel Manıýrova, Juldyz Eshimova-Turtbaeva (kúresten), Ilıa Ilın, Zýlfııa Chınshanlo, Maııa Maneza, Svetlana Podobedova (aýyr atletıka), Ivan Dychko, Ádilbek Nııazymbetov, Danııar Eleýsinov, Marına Volnova (boks), Maksım Rakov, Sergeı Lım, Islam Bozbaev (dzıýdo) syndy sańlaqtarymyz dınamolyq sportshylar.
Dınamolyq sportshylar eshbir saıystan quralaqan qaıtyp kórgen joq, kerisinshe, el mereıin asqaqtatyp, bıik tuǵyrlardan kórine bilýde. Olaı bolsa, sportshylarymyz osy jolǵy Olımpııalyq oıyndarda da jaqsy óner kórsetip, úlken jetistikke qol jetkizedi degen úmittemiz.
Ádilet MUSAHAEV,
«Dınamo» DShSQ baspasóz qyzmetiniń jetekshisi.