Shanshý

Sársenbi, 6 naýryz 2013 6:29

Qys. Bıyl aýa raıy qubylyp tur. Janaıym úıine jetkenshe asyǵyp keledi. Aıaldamada kisi kóp eken. Bireýi otyrsa, ekinshisi túsip, sapyrylysyp jatyr. Keshikpeı munyń kútken kóligi de jetti. Jyly da jaıly avtobýstyń jumsaq oryndyǵyna jaıǵasqannan keıin kádimgideı býyndary bosap, maýjyraı bastady. Ol óziniń qatty sharshaǵanyn endi ǵana sezindi. Tańerteńnen tize búkken joq edi. Avtobýs áli biraz júredi. Bul eki kózin tars jumyp, oı qushaǵyna ere berdi.

Sársenbi, 6 naýryz 2013 6:29

Qys. Bıyl aýa raıy qubylyp tur. Janaıym úıine jetkenshe asyǵyp keledi. Aıaldamada kisi kóp eken. Bireýi otyrsa, ekinshisi túsip, sapyrylysyp jatyr. Keshikpeı munyń kútken kóligi de jetti. Jyly da jaıly avtobýstyń jumsaq oryndyǵyna jaıǵasqannan keıin kádimgideı býyndary bosap, maýjyraı bastady. Ol óziniń qatty sharshaǵanyn endi ǵana sezindi. Tańerteńnen tize búkken joq edi. Avtobýs áli biraz júredi. Bul eki kózin tars jumyp, oı qushaǵyna ere berdi.

…Osydan týra úsh jyl buryn Janaıym men jubaıy Nurjannan baqytty jan joq edi. Endi sol sátter kórgen tústeı, eles te bermeıdi. Ol kezderi Janaıym áıel adam da jumys isteýge tıis dep oılamaıtyn. Onyń oıynsha áıeldiń basty mindeti – úıde otyryp bala tárbıeleý. Oılamaǵan jerden otbasynyń oırany shyqty. Erli-zaıyptylar birin-biri kórmesteı bolyp, eki jaqqa kete bardy. Úsh bala analaryna erdi. Qazir tórteýi osy qalada páter jaldap turyp jatyr. Nurjan sodan beri qarasyn kórsetken emes. Alıment tóletedi dep qaýiptene me eken, bulardan jasyrynyp júrgen sııaqty. Tiri jan emes pe, oǵan qarap, alaqan jaıǵaly otyrǵan Janaıym joq. Qudaıǵa shúkir, jumys isteıdi, jas kezinde aspazdyqqa oqyp edi, kádege jarady. Tek, júregi qurǵyr, sońǵy kezderi jıi mazalap júr. Shanshyp-shanshyp ketkende, shybyn janyn qoıarǵa jer tappaı qalatyny bar. Dárigerlerge kórinip edi, alaı qarap, bylaı qarap, komıssııaǵa saldy. Múgedektik beremiz, kútinýińiz kerek dedi. Shoshyndy. Biraq. Qaıda barady?!Kondýktordyń «Jastar kafesi» degen sózi onyń oıyn bólip jiberdi. Avtobýs álgindeı bolǵan joq, uzaı berdi. Ol demin alyp aldy da úıine bettedi. Osyndaı da qolyndaǵy dorbasynyń salmaǵy da sezilip qalady. Ekinshi qabatqa kóterildi. Esikti qaǵýy muń eken, ar jaqtan kenjesi Zarınanyń «Bul kim?» degen tátti daýysy estildi. Budan keıin ananyń bar sharshaǵany basylyp, boıyn tiktep aldy.Tabaldyryqtan attar-attamasta tel ósken Ámına men Zarına anasynyń qolyndaǵy dorbany alyp, as úıge qaraı júgirdi. Al, bárin túsinetin Jazıra bolsa anasynyń aıaq kıimin sheship, daıyndap qoıǵan jyly sýdy yńǵaılap, jýynyp al, sharshaǵan shyǵarsyń dep báıek bolyp jatyr.Bul tań ata jumysqa ketedi de osylaı qas qaraıǵanda bir-aq keledi. Balalaryn kúni boıy kórmeıdi. «Búgin ne bitirdińder?» deýi muń eken úsheýi úsh jaqtan jamyraı jóneldi. О́zderi sa­baqqa zerek. «Bes aldyq» deıdi. «О́ı, qulyndarym-aý, qa­nat­ta­rym-aý!». Ana emirenip, úsh qulynshaǵyn baýyryna basty.Dastarqannyń bir kúndik yrysy men yrzyǵyna rızashylyq­pen as qaıyrǵan Janaıym ornynan turyp, kenjeleri Ámına men Zarınanyń sabaǵyn oqytýǵa kirisip, qos qýanyshynyń erteń sabaqqa kıer kıimin ázirleı bergeni sol edi, kózi aıaq kıim salǵyshqa tústi. Jaqyndaı kelip, kishkentaılarynyń bátiń­keleriniń tabany tozyp qalǵanyn ańǵardy. Ol aýyr kúrsindi.Qalyń kórpeniń astynda Zarınasyn meıirlene ıiskep jatqan ananyń erteńin oılap, kópke deıin kózi ilinbedi. «Kómir taýsylyp barady, sýdyń, jaryqtyń aqshasyn tóleý kerek. Qyzdarǵa jyly kıim qajet. Shirkin, bir turaqty jumys tabylsa ǵoı…».Janaıym kózin ashqanda qasynda Jazırasy otyr eken. «Taǵy júregiń qysty ma, záremizdi aldyń ǵoı», dedi ol.Iá, júreginiń shanshyp ketetini bar. Sodan bir túrli qorqady.Tań atyp qalǵan eken. Ol tez-tez ornynan turdy da tańer­teńgi tamaqtyń qamyna kirisip ketti. Túski asty da biryńǵaılap ketpese bolmaıdy. Osy ketkennen keshke bir-aq oralady. On eki jasar Jazıra úı sharýashylyǵyna tııanaqty bolǵanymen, anasy oǵan áli erte dep as daıyndatpaıdy. Dastarqan basyna bári jınalyp, tańǵy shaılaryn ishkennen keıin anasy qyzdaryn sabaqqa shyǵaryp saldy. О́zi de jumysqa jınala bastady. Kózi taǵy da Ámınanyń eski báteńkesine túsip ketti…Ol aıaldamada kóp turǵan joq. Avtobýsqa otyrǵany sol edi, júregi qurǵyr taǵy shanshyp ketti. Dárigerge kóriný kerek sııaqty. «Joq. Qazir emes, balalar ne bolady?! Jumysqa kirgeni sol. Aýrý adamdy kim ustaıdy. Shydaý kerek. Qaıtkende de shydaý kerek…».Gúlnaz BISEN.