Sonymen qosa «Azamattarǵa arnalǵan úkimet» memlekettik korporasııasynyń Mańǵystaý oblysy boıynsha fılıaly áleýmettik baǵyt boıynsha zeınetaqy men járdemaqynyń 42 túrin qamtyp, tólemder júrgizip otyr. Aı saıyn respýblıkalyq bıýdjet esebinen 5 mlrd teńgeden astam tólemder júrgizilip keledi. 2019 jyldyń 1 qańtarynan bastap áleýmettik tólemder boıynsha jyl saıynǵy ósim júrgizildi. «Zeınetaqy tólemi 7%, bazalyq zeınetaqy men járdemaqy kólemi 5%-ǵa arttyryldy. Osylaısha, Mańǵystaý oblysy boıynsha 176501 myńǵa tólemniń mólsheri ósti», –deıdi mamandar.
Aıta ketsek, memlekettik korporasııa QR Tuńǵysh Prezıdentiniń «Ult jospary – 100 naqty qadam» baǵdarlamasynyń júzinshi qadamyn oryndaý maqsatymen qurylyp, jeke jáne zańdy tulǵalarǵa memlekettik qyzmetterdi «bir tereze» qaǵıdaty boıynsha júzege asyratyn biryńǵaı provaıder bolyp tabylady. Onyń quramyna «Halyqqa qyzmet kórsetý ortalyǵy» RMK, «Jer kadastry jáne jyljymaıtyn múlikti tehnıkalyq tekserý» jáne «Áleýmettik tólemderdiń vedomstvoaralyq esep aıyrysý ortalyǵy» RMK kirdi.