Seısenbi, 15 qańtar 2013 7:33
Is qaıta qaralady
EgıpettińbasprokýratýrasyeldińburynǵyprezıdentiHosnıMúbáraktyńadvokattarynyńqazynaǵa2,7 mıllıonAQShdollarynqaıtarýjónindegiusynysymenkelisti.BulqarjyH.Múbáraktyń «Al-Ahram»medıaholdınginenkezindealǵansyılyqtaryqunynyńornyntoltyrýǵaarnalǵan.
Seısenbi, 15 qańtar 2013 7:33
Is qaıta qaralady
EgıpettińbasprokýratýrasyeldińburynǵyprezıdentiHosnıMúbáraktyńadvokattarynyńqazynaǵa2,7 mıllıonAQShdollarynqaıtarýjónindegiusynysymenkelisti.BulqarjyH.Múbáraktyń «Al-Ahram»medıaholdınginenkezindealǵansyılyqtaryqunynyńornyntoltyrýǵaarnalǵan.
Atalǵan qarjyny eks-prezıdenttiń týystary eki kún ishinde tóleýi tıis. Onyń advokattary osy qarajatty tólegennen keıin, prokýratýradan H.Múbárakqa qatysty tergeý isin toqtatýdy talap etýi múmkin. Budan eki kún buryn Hosnı Múbárak tergeý isin ári qaraı jalǵastyrý úshin túrme gospıtalynan Kaırdegi áskerı gospıtalǵa jetkizilgen bolatyn. Egıpettiń kassasııalyq soty 13 qańtarda burynǵy prezıdenttiń isin qaıta qaraý jónindegi ótinishin qanaǵattandyrǵan edi. Oǵan qatysty isti tyńdaý qashan ótetini ázirge belgisiz.
Bas mınıstrdi otstavkaǵa jiberdi
Pákstannyń premer-mınıstri Radja Pervez Ashraf keshe Belýdjstan provınsııasynyń bas mınıstrin otstavkaǵa jiberdi. «Frans-press» aqparat agenttiginiń habarlaýynsha, buǵan atalǵan provınsııada birneshe terrorlyq áreketter saldarynan 115 adamnyń qaza tabýy sebep bolǵan.
Premer-mınıstr mundaı sheshimdi Kvetta qalasynda musylman shııterdiń halyqtyń qaýipsizdigin qorǵaýda bıliktiń eshqandaı da áreket etpeı otyrǵanyna qarsylyq bildirýi kezinde olarmen kezdesýinde qabyldaǵan. Sondaı-aq, premer-mınıstr aldaǵy eki aıda Belýdjstan provınsııasyn arnaıy taǵaıyndalǵan gýbernator qadaǵalaıtynyn málimdedi. Budan bólek premer qaza tapqandar týystarynyń qoıǵan birqatar talaptarymen de kelisti. Terrorlyq áreketter jasalǵan kúnniń ertesinde mert bolǵandardyń jaqyn týystary olardyń máıitterin jerleýden bas tartqan edi.
190 adam bostandyqqa shyqty
Grýzııada sottalǵandarǵa raqymshylyq jasaý týraly qujat kúshine endi. Osyǵan baılanysty bir kúnniń ishinde saıası belgileri boıynsha sottalǵan 190 adam bostandyqqa shyqty. Bul jóninde «Interfaks» aqparat agenttigi habarlady.
Bostandyqqa shyqqandardyń arasynda eldiń burynǵy bıligi «reseılik jansyzdar» dep aıyp taqqan Rýben Shıkoıan, Tarıel Abashıdze, Vıacheslav Plýjnıkov, taǵy basqalar bar. Agenttiktiń aqparattaryna qaraǵanda, olarǵa 2011 jyldyń jazynda úkim shyǵarylǵan. Raqymshylyq jasalýyna baılanysty jaqyndaǵy eki aıda úsh myń adam bostandyqqa shyǵarylady. Bas bostandyǵynan aıyrylǵan taǵy 14 myń adamnyń jazasynyń merzimi qysqartylady. Parlament qabyldaǵan bul zańǵa el prezıdenti M.Saakashvılı veto qoıǵan bolatyn. Al qujat ótken senbide parlamentte kópshilik daýyspen qabyldandy.
Qysqa qaıyryp aıtqanda:
Reseı qorǵanys mınıstri Sergeı Shoıgý mınıstrliktiń bas áskerı dárigeri V.Novıkovty áskerılerge tıisti medısınalyq kómekter kórsetilmeıtindigine baılanysty qyzmetinen bosatty.
Qytaı bıligi Pekınde jańa áýejaı qurylysyn salý jobasyn bekitti. Onyń quny 11,2 mıllıard dollardy quraıdy.
lNıý-Iork shtatynyń gýbernatory juqpaly tumaýdyń keń taralýyna baılanysty shtat aýmaǵynda tótenshe jaǵdaı jarııalady.
Reseılik «Sevmash» kásiporny osy jyldyń shildesinde «Boreı» jobasy boıynsha besinshi strategııalyq atom súńgýir kreıserin, al qarasha aıynda altynshy kreıserin jasaýdy josparlap otyr.
Áskerı operasııaǵa Ulybrıtanııa da qosyldy
Birqatar aqparat agenttikteriniń habarlaýynsha, Ulybrıtanııa Malıge ıslamshylarǵa qarsy kúres operasııalaryn júzege asyrý úshin halyqaralyq kúshter retinde eki áskerı kólik ushaǵyn attandyrady. Koroldiktiń áskerı-áýe kúshteriniń ushaqtary keshe nemese búgin ushyp shyǵýy tıis.
Olardyń ushaqtary Malıge osy elde áskerı operasııalar júrgizip jatqan Fransııanyń ótinishi boıynsha keletin sııaqty. Sondaı-aq, bul elge Batys Afrıkadaǵy shaǵyn memleketter sanalatyn Togo, Nıger, Býrkıno-Faso jáne Nıgerııa da jalpy sany 500 adamdyq shekteýli kontıngent jiberetinderin málimdedi. О́tken jyldyń sáýirinde kóterilisshi týaregter Malıdiń soltústigindegi aýmaqtyń basym bóligin ózderiniń baqylaýyna alǵan edi.
Biregeı observatorııany da búldirdi
Avstralııanyń Jańa Ońtústik Ýels shtatyndaǵy tabıǵı órt onshaqty turǵyn úıdi jaıpap, Avstralııadaǵy iri teleskop «Saıdıng-Sprıng» observatorııasyn búldirdi. Bul jóninde keshe VVS News habarlady.
Atalǵan agenttiktiń málimetteri boıynsha, 30-dan astam turǵyn úı men ǵımarat órtke oranǵan. Osy shtattyń aýmaǵynda 170-ke jýyq órt oshaǵy tirkelgen, sonyń 30-dan astamy áli aýyzdyqtalmaı otyr. О́rt sóndirý qyzmetiniń derekterine qaraǵanda, keltirilgen shyǵyn kólemi asa úlken. Al «Saıdıng-Sprıng» observatorııasy lınzasynyń dıametri 3,9 metr eken. Lınza Avstrııa men Ulybrıtanııada jasalypty.
Jasóspirimniń «myqtylyǵyn» qara!
«Reıter» agenttiginiń habarlaýynsha, ıtalııalyq ata-ana asyrap alǵan 13 jastaǵy jasóspirim ákesiniń «Mersedes» avtokóligin «qýyp» ketip, Eýropa aýmaǵyndaǵy joldarmen 800 shaqyrymdy basyp ótken.
Qaltasynda 200 eýrosy bar jasóspirim Italııanyń soltústigindegi shaǵyn Pederobba qalasynan jolǵa shyǵyp, avtokólikpen bir táýlikke jýyq jol júripti. Ony Germanııanyń Leıpsıg aýdanynda ǵana qyraǵy polıseıler baıqap qalyp, toqtatqan eken. Álgi bala osynyń aldynda asyrap alǵan anasyna renjip, óziniń Polshadaǵy bıologııalyq áke-sheshesin jáne qaryndasyn izdep jolǵa shyǵypty. Polısııa qyzmetkerleriniń aıtýynsha, ol óziniń qateligin moıyndaǵan ári keshirim suraǵan. Sonymen qatar, ol avtokólik júrgizýdi, jol kartasyn paıdalanýdy jaqsy bilgen.
Internet materıaldary negizinde ázirlendi.