Beısenbi, 14 aqpan 2013 6:57
Munaıly Atyraýǵa Ulybrıtanııanyń Qazaqstandaǵy Tótenshe jáne ókiletti elshisi Kerolın Braýn keldi. О́ńir basshylyǵymen kezdesý barysynda keleshekte oblystyń ekonomıkalyq damýyna septigin tıgizer oń qadamdar, eki el arasyndaǵy birlesken munaı-gaz jobalary talqylandy. Elshi ekonomıkasy qaryshtaı damýymen áleýeti joǵarylaǵan Atyraýdyń perspektıkaly josparlaryna qyzyǵýshylyq tanytty. О́ıtkeni, bul – elshiniń Atyraýǵa alǵashqy sapary.
Beısenbi, 14 aqpan 2013 6:57
Munaıly Atyraýǵa Ulybrıtanııanyń Qazaqstandaǵy Tótenshe jáne ókiletti elshisi Kerolın Braýn keldi. О́ńir basshylyǵymen kezdesý barysynda keleshekte oblystyń ekonomıkalyq damýyna septigin tıgizer oń qadamdar, eki el arasyndaǵy birlesken munaı-gaz jobalary talqylandy. Elshi ekonomıkasy qaryshtaı damýymen áleýeti joǵarylaǵan Atyraýdyń perspektıkaly josparlaryna qyzyǵýshylyq tanytty. О́ıtkeni, bul – elshiniń Atyraýǵa alǵashqy sapary.
–Ulybrıtanııa – elimizdiń ózge aımaqtaryna qaraǵanda Atyraý oblysymen tyǵyz qarym-qatynas ornatqan, birneshe jobamyzǵa qatysyp kele jatqan memleket. Jyl ótken saıyn áriptestigimiz de artyp keledi, –dep atap ótken oblys ákimi B. Izmuhambetov, sonymen qatar, Memleket basshysynyń Úkimetke júktegen tapsyrmasyna oraı oblysta munaı-gaz salasyn órkendetýge erekshe nazar aýdarylyp otyrǵanyn jetkizdi.
Osy jyly elimizdegi alyp kenishterdiń biri – Qashaǵan alǵashqy munaıyn beredi. Muny álem kútip otyr. Al Qazaqstandaǵy tuńǵysh gaz-hımııa kesheni Atyraý oblysynda salynady. Sondaı-aq, ındýstrııalyq-ınnovasııalyq damý keńistigin ulǵaıtý, azyq-túlik qaýipsizdigin qalyptastyrý jumystary kózdelip otyr. Tek munaı salasynda ǵana emes, aýyl sharýashylyǵyn damytýǵa da nazar aýdarylyp, bıyl bul baǵytta birqatar jobalar júzege asady.
Búginde Atyraý óńirinde Ulybrıtanııanyń úleskerligimen 81 kásiporyn jumys jasaıdy. Al kedendik statıstıka málimetine súıensek, byltyr Atyraý oblysy men Ulybrıtanııa arasyndaǵy saýda aınalymy 593,6 mln. AQSh dollaryna jetken. Ulybrıtanııadan jetkizilgen ımporttyq taýarlar kólemi 212,9 mln. AQSh dollaryn quraǵan.
Kezdesýde bilim berý salasy, atyraýlyq jastardyń Ulybrıtanııada bilim alýy jóninde de keleli áńgime órbidi.
Joldasbek ShО́PEǴUL,
«Egemen Qazaqstan».
Atyraý.