Sletke Qyzylorda oblysynyń ákimi Qyrymbek Kósherbaev, QR Aýyl sharýashylyǵy mınıstri Saparhan Omarov, «QazAgro» Ulttyq basqarýshy holdınginiń Basqarma tóraǵasy Erbol Qarashókeev, qarjy ınstıtýttary basshylary, mal sharýashylyǵy ǵylymı-zertteý ınstıtýttarynyń jetekshi ǵalymdary, sondaı-aq Atyraý, Aqtóbe, Batys Qazaqstan, Jambyl, Qaraǵandy jáne Pavlodar oblystarynyń agrarshylary qatysty.
Munda jergilikti aýyl sharýashylyǵy taýaryn óndirýshilerdiń aýyl sharýashylyǵy ónimderi, veterınarlyq tehnıka jáne jabdyqtarynyń kórmesi uıymdastyryldy. Sonymen qatar, semınar ótkizilip, onda seleksııalyq mal sharýashylyǵyn damytý jáne aýyl sharýashylyǵy ónimderiniń básekege qabilettiligin arttyrý máseleleri talqylandy.
Slettiń saltanatty ashylýynda oblys ákimi Qyrymbek Kósherbaev sońǵy jyldary memlekettik qoldaýlardyń arqasynda mal sharýashylyǵynda turaqty damý tendensııasy qalyptasyp, agroónerkásiptik keshenine baǵyttalǵan ınvestısııalar eselep ósip jatqanyn atap ótti. Máselen, sońǵy 5 jylda agrarlyq salaǵa salynǵan ınvestısııa kólemi 27 esege ulǵaıyp, eksporttalatyn ónim túrleri 3-ten 16-ǵa deıin artyp otyr.
«Mal sharýashylyǵyna turaqty qoldaýlardyń arqasynda oblysta mal basy ótken ǵasyrdaǵy eń kóp bolǵan 1993 jyldan asty. Sońǵy 5 jylda et óndirisi 2,8 esege, al, sút óndirisi 1,7 esege artty. Elbasy «Agrarlyq sektor – ekonomıkanyń jańa draıverine aınalýy» qajettigin erekshe atap kórsetip, agrarlyqtardyń aldyna eńbek ónimdiligin jáne qaıta óńdelgen ónimderdiń eksportyn 2,5 esege arttyrý týraly maqsat qoıǵanyn jaqsy bilesizder. Osy tapsyrmalardy oryndaý maqsatynda biz oblystyń aýylsharýashylyǵy ónimderin ótkizý rynoktaryna keshendik marketıngtik zertteýler júrgizip, nátıjesinde, oblystyń agroónerkásip keshenin 2022 jylǵa deıin damýynyń «Agrokartasy» ázirlenip, iske asyrylýda. «Agrokarta» aıasynda aýyl sharýashylyǵy ónimderin eksporttaý kólemin 2021 jylǵa qaraı 5 esege deıin ulǵaıtý joldaryn aıqyndadyq», dedi oblys ákimi.
Slet aıasynda agrarlyq salanyń eń úzdik qyzmetkerlerin 11 nomınasııa boıynsha marapattaý rásimi ótti. Is-shara konserttik baǵdarlama men ulttyq sport túrleri boıynsha saıystarmen jalǵasyn tapty.
Qyzylorda oblysy