Senbi, 18 mamyr 2013 1:31
Qostanaı óńirindegi Araqaraǵaı ormany negizinen dalaly bolyp keletin osy óńirdiń keýdesine taqqan alqasy ispetti. Ertede osy aımaqty jaılaǵan baılar Araqaraǵaı ormanynyń kókpen tiresken qaraǵaıynyń arasyna qysta jylqysyn yqtady eken. Ormandaǵy kóldiń emdik qasıetin adamdar erte kezden-aq baıqaǵan. Osy aranyń astynda emdik qasıeti óte mol mıneraldyq sýdyń úlken qory bar ekenin ǵalymdar ótken ǵasyrdyń 60-70 jyldary arasynda anyqtady.
Senbi, 18 mamyr 2013 1:31
Qostanaı óńirindegi Araqaraǵaı ormany negizinen dalaly bolyp keletin osy óńirdiń keýdesine taqqan alqasy ispetti. Ertede osy aımaqty jaılaǵan baılar Araqaraǵaı ormanynyń kókpen tiresken qaraǵaıynyń arasyna qysta jylqysyn yqtady eken. Ormandaǵy kóldiń emdik qasıetin adamdar erte kezden-aq baıqaǵan. Osy aranyń astynda emdik qasıeti óte mol mıneraldyq sýdyń úlken qory bar ekenin ǵalymdar ótken ǵasyrdyń 60-70 jyldary arasynda anyqtady. Qazir osynda ornalasqan «Sosnovyı bor» sanatorııinde gastrıt, ezofagıt, asqazan jáne on eki eli ishek jarasy, kolıt, holesıstıt, pankreatıt sııaqty asqazan-ishek aýrýlarynan emdeıdi. Sýdyń demikpeden, qolqa men sozylmaly pnevmonııadan zardap shegetinderge, radıkýlıt, polıartrıt sııaqty tirek-qozǵalys apparaty, býyn aýrýlaryna, semizdikke jáne qant aýrýyna qarsy, allergııa jáne ekzema, psorıaz, neırodermatıt sekildi teri aýrýlaryna, adneksıt, bedeýlik, áıelderdiń taǵy basqa da gınekologııalyq aýrýlaryna, gaımorıt, farıngıt, larıngıt, otıt, tonzılıt sııaqty tamaq, muryn, qulaq aýrýlaryna, zár jáne jynys joldary aýrýlarynyń prostatıt, enýrez, belsizdik túrlerine shıpasy óte mol. Emniń barlyǵy, árıne, mıneraldyq sý shıpasynyń arqasynda múmkin bolady.
Ádette, kóptegen sanatorıılerde tek emdik sý nemese balshyq qana bolady. Al «Sosnovyı borda» bári de bar. Munyń tek sýy ǵana emes, aýasynyń ózi shıpa. Iá, tabıǵattyń ózi – emshi. Mamyr aıynda qaraǵaı búrshik ata bastaǵanda orman ishinde serýendeý júrek-qan tamyrlary, demalý organdary aýyratyndarǵa óte paıdaly. Fıtonsıdterge óte baı qaraǵaı búrshikteriniń sýyq tıip aýyra beretinder úshin emdik qasıeti mol. Muny dárigerler «tabıǵı barokamera» dep jıi aıtady. Qylqan japyraqtylar jáne qaıyńy aralas orman ottegin mol bóletini belgili. Ormanda serýendeý qysy-jazy paıdaly. Sanatorııdiń balshyǵynyń da emdik qasıeti óte joǵary. Ony kóbine býyn aýrýlaryna paıdalanylady.
Sanatorııde demalýshylardy joǵary bilikti terapevt, kardıolog, gastroenterolog, nevropatolog, gınekolog, manýaldyq terapevt, ýrolog, fızıoterapevt dárigerler qabyldaıdy. Olar adamdarǵa aýrýyna qaraı em kýrsyn jáne profılaktıkalyq sharalardy belgilep beredi. Shıpajaıda qazirgi zamanǵy klınıkalyq-dıagnostıkalyq zerthana jumys isteıdi. Onda demalýshylar EKG, ÝZI apparattarynan óte alady, qannyń bıohımııalyq taldamasyn alady.
Sanatorııdegi sýmen emdeýdiń orny tipti bólek. Mundaǵy mıneraldyq sý aǵzaǵa emdik áserin beredi. Ol eń aldymen júrek-qan tamyrlary júıesiniń jumysyn, zat almasý úderisin jáne endokrındik bezderdiń qyzmetin jaqsartady. Mıneraldyq sý vannalarynyń pantalyq, ıod-bromdyq, skıpıdarlyq, maıqaraǵaılyq sııaqty neshe túri bar. Sonymen qatar, balmen, shóppen, shokoladpen orap emdeý, shóp vannalary demalýshylarǵa qatty unaıdy. Sanatorııdegi fızıoemderdiń de beretin shıpasy mol. Demalýshylar magnıttik, lazerlik, ozakerıttik emder, elektrofarez, ýltradybys, dárilik ıngalıasııa, fonofarez, tuz shahtasy sııaqty tolyp jatqan em alady. Demalýshy úzý (massaj) eminiń klassıkalyq, qytaı ádisimen, shyǵys tásilimen, aromattyq sııaqty birneshe túrin alýyna bolady.
Sanatorııde emniń jańa túrleri tolyqtyrylyp otyrady. Emdik kabınetter qazirgi zamanǵy ozyq medısınalyq quraldarmen jabdyqtalady. Olardyń jańartylýy, jańǵyrtylýy demalýshylarǵa kórseter qyzmetter sapasyn jaqsarta túsedi. Bıyl sanatorııde emniń taǵy da jańa túri paıda boldy. Kómirqyshqyl vannasy – shıpajaıdaǵy jaqsy jańalyqtyń biri.
– Bul vanna tamyrdyń tarylýyna qarsy em beredi. Júrek-qan tamyrlary aýrýynan, ásirese, aıaq tamyrlarynyń shyǵyp ketýinen (varıkoz) zardap shegetinder áıelderge shıpasy mol, – deıdi sanatorııdiń bas dárigeri Aıgúl Myrzabekova. Kómirqyshqyl vannasy kabınetiniń aldynda birneshe kisi kezek kútip otyr.
– Petropavl qalasynan keldim. Aıaǵymnyń tamyry shyǵyp ǵana qoımaı, qanqaqsap aýyratyn. Maǵan sanatorıı dárigerleri birden kómirqyshqyl vannasy emin usyndy. Ony bir qabyldaǵanda-aq aıaǵym aýrýyn qoıdy. Tamyrdy keńeıtetin shıpasy bar eken. Janym kirip qaldy, – deıdi Tatıana Chorımova. Onyń janynda otyrǵan Bekjanova Ǵalııa da osy emniń túrine dán rıza.
– Men Qostanaıdyń Áýlıekól aýdanynan keldim. Demikpemen aýyramyn ári «varıkoz» degen aýrý da aıaǵymdy bastyrmaıtyn. Kómirqyshqyl vannasyn bir qabyldaǵanda aıaǵymnyń aýrýyn sap tıdy. Bul em demikpege de jaqsy eken. О́zimdi sondaı jaqsy sezinip qaldym, – deıdi Ǵalııa. Sanatorııdegi demalýshylardyń qaısysymen tildesseń de onyń em túrlerin, dárigerler men basqa da qyzmetkerlerdiń qyzmet kórsetý mádenıetiniń joǵarylyǵyn, tamaǵynyń, jatar ornynyń da ýaqyt talabyna saı ekendigin aıta jóneledi. Olar «keler jyly taǵy da kelemin» dep aıtyp jatady. Sanatorıı kelýshilerdi qashan da jaqsy qarsy alady.
Sanatorııge joldama jáne aldyn ala oryn saqtatyp qoıý jóninde marketıng jáne satý bóliminiń: 8(714-45) – 3-33-09, 3-33-10, 49-010, 8-7142-39-02-90,39-09-09 nemese shıpajaıdyń Qostanaı qalasyndaǵy ókildiginiń 8(7142)-54-30-04 telefondaryna habarlasýyńyzǵa bolady. Al anyqtama telefondary: 8(71445) 3-33-05, 8-7142-39-02-90 telefondary táýlik boıy jumys isteıdi. Sonymen qatar, «Sosnovyı bor» sanatorııiniń http://sosnovyibor.com ınternet arqyly taýyp alýyńyzǵa bolady. Al sosnov bor@mail.ru elektrondy poshtasyn da esińizge salamyz.
Názıra JÁRIMBETOVA,
«Egemen Qazaqstan».
QOSTANAI.