Beısenbi, 18 sáýir 2013 2:01
Kúdikti qolǵa tústi
Polısııa Bostondaǵy marafon kezinde oryn alǵan eki birdeı teraktini jasady degen alǵashqy kúdiktini ustady. Kúdikti týraly ázirge tek onyń Saýd Arabııasynyń ókili ekeni ǵana habarlanyp otyr.
Beısenbi, 18 sáýir 2013 2:01
Kúdikti qolǵa tústi
Polısııa Bostondaǵy marafon kezinde oryn alǵan eki birdeı teraktini jasady degen alǵashqy kúdiktini ustady. Kúdikti týraly ázirge tek onyń Saýd Arabııasynyń ókili ekeni ǵana habarlanyp otyr.
Jarylys kezinde ol jaryqshaq jaraqatyn alǵan. Sondyqtan qazirgi ýaqytta Bostondaǵy kúzet qoıylǵan aýrýhanada jatqan kórinedi. Boston polısııasy qaladaǵy Prezıdenttik kitaphana men Djon Kennedı atyndaǵy murajaıda taǵy bir jarylystyń bolǵanyn habarlaǵan. Degenmen, polısııanyń boljamynsha, bul oqıǵalardyń bir-birine qatystary joq. Sonymen birge, Bostondaǵy jarylystan zardap shekkender sanynyń 141 adamǵa jetkenin de aıta ketý qajet.
«Temir kúmbezdiń» paıdasy tımedi
17 sáýir kúni tańǵy saǵat 9-dar shamasynda Izraıldiń kýrortty qalasy Eılatqa Egıpetke qarasty Sınaı túbegi jaǵynan eki «Grad» zymyrany ushyp kelgen. Zymyrannyń qula túzdegi qurylysqa qulaýyna baılanysty zardap shekkender joq.Eılatta osy oqıǵaǵa baılanysty jergilikti áýejaı jumysy toqtatylǵan. Izraıl polısııasynyń baspasóz hatshysy Mıkı Rozenfeldtiń aıtýynsha, qazirgi ýaqytta Eılatta qatań qaýipsizdik sharalary qabyldanǵan. «Temir kúmbez» atalatyn áýe shabýylyna qarsy batareıa Eılat qalasynyń janyna sáýirdiń basynda ornatylǵan eken. Biraq ol zymyranǵa qarsy áreket jasaı almaǵan kórinedi.
Fransýz mınıstrleri baılyqtaryn pash etti
Fransýz mınıstrleri alǵash ret ózderiniń tabystary týraly esep berdi. Kútkendegideı, olardyń shveısarlyq bankterde esep-shottary joq ekeni anyqtaldy.Eń qyzyǵy, úkimet basshysy emes, syrtqy ister mınıstri Loran Fabıýs eń baı adam bolyp shyqqan. О́ner týyndylaryn satýmen aınalysatyn baı saýdagerler áýletinen shyqqan Fabıýs óz dáýletin 6 mıllıon eýrodan astam dep baǵalaǵan. Al densaýlyq saqtaý jáne áleýmettik qorǵaý mınıstri Marısol Týrenniń baılyǵy 1,4 mıllıon eýrony quraıdy eken. Sondaı-aq, onyń Parıjde birneshe páteri bar kórinedi. Fransýzdar búginde mınıstrlerdiń baılyǵyn qyzý talqylaýda. Sonymen birge, olar baılyqtaryn tolyq kórsetip otyrǵan joq degen kúmán da aıtady eken.
Sırııada jappaı amnıstııa jarııalandy
16 sáýirde Sırııa prezıdenti Bashar Asad 2013 jyldyń 16 sáýirine deıin qylmys jasaǵandardyń bárine amnıstııa jarııalady. Degenmen, úkimet túrmedegilerdiń qanshasyna raqymshylyq jasalatynyn habarlaǵan joq.Oppozısııalyq Sırııa ulttyq koalısııasynyń lıderi Moaz ál-Hatıbtiń atap ótýinshe, eger eshqandaı kinási joq 16 myń beıbit turǵyndar bosatylmaıtyn bolsa, amnıstııany úkimet tarapynan jasalǵan oń qadam dep baǵalaýǵa bolmaıdy. Al adam quqyqtary jónindegi baqylaýshy keńestiń bastyǵy Ramı Abdel Rahman amnıstııanyń saıası tutqyndarǵa qatysy joq ekenin, sondyqtan, ony jappaı amnıstııa dep aıtýǵa bolmaıtynyn atap kórsetken.
Pákstan áskerleri kómek kórsetýde
Pákstan Úndistannan Taıaý Shyǵysqa deıingi orasan zor aýmaqty qamtyǵan qýatty jer silkinisinen zardap shekkenderge kómek kórsetý úshin óz áskerılerin jóneltti.El ókimetiniń málimetterine qaraǵanda, Belýdjıstan provınsııasynda qyryqtan astam adam qaza tapqan. Al jaraqat alǵandar túrli baǵalaýlar boıynsha 150-200 adamdy quraıdy. Jer silkinisiniń 7,8 baldy quraǵan epısentri Irannyń Ońtústik Shyǵysyndaǵy, Pákstanmen shekaralas Hash qalasyna jaqyn jerde bolǵan kórinedi. Sıstan jáne Belýdjıstan provınsııalary Irandaǵy eń kedeı óńirler bolyp tabylady. Munda adamdar balshyqtan jasalǵan baspanalarda turady. Qaza tapqandardyń az bolýyna da osy jaǵdaı áser etken.
Senatorǵa ý salynǵan hat joldandy
Amerıka kongresiniń múshelerine arnalǵan poshta bólimshesine ishine óte qaýipti rısın ýy salynǵan hat kelip túsken. Ol Mıssısıpı shtatynan saılanǵan respýblıkashyl-senator Rodjer Ýıkerdiń atyna joldanǵan kórinedi.Zerthanalyq saraptama hattyń ishinde ýdyń bar ekenin anyqtaǵan. Polısııa shuǵyl túrde barlyq zań shyǵarýshylardy oryn alǵan oqıǵa jóninde qulaqtandyrǵan. Al senator-demokrat Ker Makkaskıl osy iske qatysty kúmándiniń bar ekenin habarlap ta úlgergen. Onyń aıtýynsha, zań shyǵarýshylarǵa jıi hat jazyp turatyn bir adam bar jáne onyń esimi qaýipsizdik qyzmetine málim.
Ereýil sońy qaqtyǵysqa ulasty
Oppozısııa ókilderi ulttyq saılaý keńesinen kezekten tys prezıdent saılaýynda berilgen daýystardy qaıta sanaýdy talap etip, Venesýela astanasynda sherý uıymdastyrdy.Dúısenbi kúni bolǵan marsh kezinde ereýilshiler men polısııa arasynda qaqtyǵys oryn alǵan kórinedi. Osydan keıin polısııa qyzmetkerlerine kózden jas aǵyzatyn gaz qoldanýǵa týra kelgen. Kóshelerge shyqqan belsendilerdiń qoldaryna qarý retinde tastar men taıaqtar alǵany da belgili bolyp otyr. Osy arqyly olar Nıkolas Madýronyń el prezıdenti bolyp saılanýyna qarsylyqtaryn bildirýde.
Qarý-jaraq jetkizýshiler tutqyndaldy
Túrkııada Sırııadaǵy qarýly oppozısııaǵa qarý-jaraq jetkizip berdi jáne úkimettik kúshtermen soǵysýshy sodyrlardy daıarlaýǵa qatysty degen kúmánmen 10 ıslamıst tutqyndaldy.Internet-BAQ-tyń habarlaýynsha, operasııa eldiń ortalyq bóligindegi Konıa qalasynda júzege asyrylǵan. Buǵan deıin «Ál-Kaıdaǵa» qarsy kúres is-sharalary da talaı ret dál osy jerde júrgizilgen bolatyn. Sırııadaǵy bılik pen oppozısııa arasyndaǵy qaqtyǵystar saldarynan eki jyl ishinde 70 myńǵa tarta adamnyń qaza tapqanyn da aıta ketý qajet.
Internet materıaldary negizinde ázirlendi.