Beısenbi, 16 mamyr 2013 1:39
Erli-zaıypty Hrapýnovtardyń Kıpr bankterinen qarjysy tabyldy
Birqatar sheteldik BAQ-tardyń málimdeýlerinshe, Almaty qalasynyń burynǵy ákimi Vıktor Hrapýnov pen onyń zaıyby Leıla Hrapýnovanyń Kıpr bankterinde saqtaýly turǵan aqshalarynyń derekteri tabylǵan. Bul qarjylardy olardyń «áldeqandaı kún týa qalǵan jaǵdaı úshin» aparyp jasyryp qoıǵandaryn «Nomad» jazdy.
Beısenbi, 16 mamyr 2013 1:39
Erli-zaıypty Hrapýnovtardyń Kıpr bankterinen qarjysy tabyldy
Birqatar sheteldik BAQ-tardyń málimdeýlerinshe, Almaty qalasynyń burynǵy ákimi Vıktor Hrapýnov pen onyń zaıyby Leıla Hrapýnovanyń Kıpr bankterinde saqtaýly turǵan aqshalarynyń derekteri tabylǵan. Bul qarjylardy olardyń «áldeqandaı kún týa qalǵan jaǵdaı úshin» aparyp jasyryp qoıǵandaryn «Nomad» jazdy.
Erli-zaıypty shonjarlar bul depozıtti Vıktor Hrapýnov Almaty qalasynyń ákimi bolyp turǵan kezdiń ózinde-aq ashyp qoıǵan eken. Soǵan qaraǵanda, bular muǵadjyrlyqqa ketýdi kúni buryn josparlap alǵan sııaqty. Sol maqsattary úshin araldaǵy memleketti de beker tańdamaǵandary kórinip tur. Álemge ofshorlyq aımaq retinde tanylǵan eldiń aqsha qoımalaryna qazyna jasyrý arqyly olar óz izderin bildirmeı ketemiz degen bolsa kerek. Alaıda, aıaq astynan paıda bola qalǵan «tabysker» bıznesvýmen, ıaǵnı áıel-bıznesmen keleshek Kıprde qarjy daǵdarysynyń oryn alatynyn jáne onyń eshkimdi de aıamaıtynyn, osy arqyly qyryq qabat torqanyń astynda tyǵylyp jatqan ury-qary baılardyń taza sýdyń betine qalqyp shyǵatynyn, sosyn qoldarynan sýsyp ketip bara jatqan aqshalaryn saqtap qalý úshin advokattardyń qalyń armııasyn jaldaýlaryna týra keletinderin aldyn ala paıymdaı almasa kerek.
Basylym sonymen qatar, Hrapýnovtardyń Shveısarııadaǵy negizgi aktıvteri – ózderiniń uldary Ilıas Hrapýnov negizin qalaǵan Swiss Development Group (SDG) kompanııasyn satqandaryn eske túsirip ótedi. Ol Shveısarııanyń bedeli bıik aýdandary men shetelderde elıtaly jyljymaıtyn múlikter qurýǵa mamandandyrylǵan kompanııa biraz qarjy da tapty.
Osyǵan oraı, basylym Ilıastyń jeke óziniń tirlikteri týraly da sholý jasaı ketedi. «Osy bir 28 jasar jas jigittiń Shveısarııadaǵy júris-turysy týraly qazir munda shyn máninde shyndyqqa bergisiz ańyz tarap júr», dep jazady ol. Al Ilıas Hrapýnov óziniń qaryndasy Elvıramen birge Shveısarııada 14 jasynan beri turyp kele jatyr. Ol Jenevadaǵy elıtaly úıde turdy, sonda jıi shýly keshter uıymdastyratynymen aty shyqty. Basylymnyń jazýynsha, Ilıas sol sııaqty kóptegen jol-kólik oqıǵalaryn jasaýy arqyly jergilikti polısııaǵa da ábden tanymal bolyp úlgergen kórinedi. Alaıda, ol polısııaǵa jol erejesin buzǵan óz anasy basqaratyn kompanııanyń qyzmetkerleri ekenin aıtyp, udaıy solardyń attaryn atap turǵan. Sondyqtan iri kólemdegi aıyppul qaǵazdary eshqashan Shveısarııaǵa baryp kórmegen qazaqstandyq azamattardyń attaryna bizdiń elimizge jóneltilip kelgen. Osydan-aq, onyń balaqaı kúninde qalaı qalyptasqanyn anyq baıqaýǵa bolady.
2008 jyly Ilıas Hrapýnov qazaqstandyq pasportyn shveısarııalyq qujatqa aıyrbastaýǵa áreket jasap kóredi. Alaıda, buǵan kelisim ala almaıdy. Sol kezde onyń jol tártibin buzǵandary aıǵaqtalyp shyǵa keledi. Osynyń negizinde Hrapýnovqa aıtarlyqtaı iri mólsherdegi aıyppul somasyn óziniń tóleýine týra keldi. Bul joly ol tıesili tólemin eshbir qınalmastan birden tóleıdi. Sebebi, keleshekte Shveısarııa azamattyǵyn ala almaı qalý qaýpinen qoryqqan. Ol sondaı-aq, óziniń iri aktıvterdiń ıesi ekenin, sol arqyly Shveısarııa ekonomıkasyna ınvestısııa ákelip júrgenin de aıtyp salady.
Osy jerde aıta keteıik, Vıktor jáne Leıla Hrapýnovtar qazirgi kúnderi 20 qylmystyq is boıynsha tergelip jatyr. Tergeý málimetterine qaraǵanda, bul otbasy 2003 jyldan 2007 jylǵa deıin Shveısarııa men offshorlyq aımaqtardaǵy sheteldik bankterge 48 mln. dollar men 7,7 mln. eýro aýdarǵan. 2012 jylǵy qazan aıynda Leıla Hrapýnovaǵa iri kólemde alaıaqtyq jasaǵany úshin izdeý jarııalandy. Al jeltoqsan aıynda ol Jeneva prokýratýrasymen jumys jasasýǵa daıyn ekenin málimdedi. Sodan bastap Hrapýnovtar otbasy músheleriniń aqsha aınaldyrý jónindegi áreketterin tekserý bastalyp ketti.
Rýslan IGILIK.