Eki basshynyń arasynda ne baılanys bar?

Eki basshynyń arasynda ne baılanys bar?

Senbi, 18 mamyr 2013 2:59

Qazir Ońtústikte eki kúnniń birinde eldi eleń etkizerlik jaıttar oryn alýda. Aldymen aýyz sý máselesinen bastasaq… Osydan bir aıdaı ýaqyt buryn oblystyq prokýratýra óńirdegi «Aqbulaq» baǵdarlamasynyń oryndalýyna baılanysty tıisti basshylarǵa aýyr aıyptaýlar taqty. Tipti, prokýratýra ókilderi taratqan paraqshalarda aýyldarǵa sý qubyryn tartýda sý qurdymǵa ketken qarjylar somasy birneshe mıllıardty quraıtyny naqty kórsetilgen edi.

Senbi, 18 mamyr 2013 2:59

Qazir Ońtústikte eki kúnniń birinde eldi eleń etkizerlik jaıttar oryn alýda. Aldymen aýyz sý máselesinen bastasaq… Osydan bir aıdaı ýaqyt buryn oblystyq prokýratýra óńirdegi «Aqbulaq» baǵdarlamasynyń oryndalýyna baılanysty tıisti basshylarǵa aýyr aıyptaýlar taqty. Tipti, prokýratýra ókilderi taratqan paraqshalarda aýyldarǵa sý qubyryn tartýda sý qurdymǵa ketken qarjylar somasy birneshe mıllıardty quraıtyny naqty kórsetilgen edi. Biraq artynsha oblystyq energetıka jáne turǵyn úı, kommýnaldyq sharýashylyq basqarmasynyń bastyǵy arnaıy baspasóz máslıhatyn uıymdastyryp, mıllıardtardy túgendep, qalaı jumsalǵanyn túsindirip, kinálini basqa jaqtan izdedi. O basta jer asty sý qorlaryn durys zerttemeýden búginde birneshe aýylǵa tartylǵan aýyz sý kermek tatyp ketken. Qazir ol aýyldarǵa sýdy tazartatyn qondyrǵylar ornatylýda.

Osymen Ońtústik halqy birshama ýaqyt tynshyǵan sııaqty edi. Osy aptanyń dúısenbisinde dúrbeleń qaıtadan bastaldy. Bul joly qarymsaqqa qoldy qarjy polısııasy saldy. Ońtústik Qazaqstan oblysynyń jolaýshylar kóligi jáne avtomobıl joldary basqarmasynyń bastyǵy Ábilseıit Rabaev qamaýǵa alyndy. Taǵylǵan kiná óte aýyr. Bul is boıynsha kem degende taǵy úsh sheneýnik kúdikti retinde tanylyp otyr eken. Bular jóndeýdi qajet etpeıtinin bile tura Kóksáıek-Aqsý-Shaıan-Myńbulaq tas jolyn qalpyna keltirý jumystaryna bıýdjetten 131 mıllıon teńge bólgen. Bul ispen qazir respýblıkadan kelgen qarjy polısııasynyń qyzmetkerleri aınalysýda.

Endi keshe Ońtústik Qazaqstan oblysy ákiminiń orynbasary Bolatbek Nájmedınuly Álıev qyzmetinen bosatyldy. Bul laýazymdy tulǵa dál osy jolaýshylar kóligi jáne avtomobıl joldary basqarmasynyń jumysyna jetekshilik etetin. Árıne, ákim orynbasary jumsaq kreslosynan ońaılyqpen aıyrylǵysy kelmeıtini belgili. Onyń ústine Bolatbek Nájmedınuly osy qyzmetinde júrip qanshama qıyn­­­­­dyqtardy, qanshama aqparattyq shabýyldardy bastan ótkerdi deseńizshi. Birqatar aqparat qural­dary onyń ótken eńbek joldaryna sholý jasap, buryn quqyq qorǵaý salasynda júrgende isti bolǵanyn qaıta-qaıta kózge shuqyp kórsete berdi. Shynynda bir kezderi keden salasynda júrgende birqatar keleńsizdikterge urynyp, qyzme­­­­tinen qoshtasqan ba?! Biraq, ony qaralaıtyndaı dálel az boldy ǵoı deımin, Bolatbek barlyq «dıirmennen» din-aman shyqty. Áıtse de osydan keıin «Álıev» degen tegin alyp tastap, onyń resmı túrde «Bolatbek Nájmedınuly» dep qujat aýystyrǵanyna da kóp bola qoıǵan joq edi.  Mine, osyndaı tartystan keıin Bolatbek Nájmedınulynyń aıaq astynan jumystan ketý týraly aryz jazǵanyn qalaı túsinýge bolady? Bizdińshe ákim orynbasarynyń ornynan ketýin Ábilseıit Rabaevtyń joǵarydaǵy «tirligi» tezdetken, tipti májbúrlegen sııaqty. Bir kezderi Bolatbek te oblystyq jolaýshylar kóligi jáne avtomobıl joldary basqarmasynyń bastyǵy qyzmetin atqarǵan. Dál sol kezderi Rabaev onyń qol astynda jumys istepti. Jap-jas jigittiń keıinnen baǵy janyp, Bolatbek Nájmedınuly oblystyq ákimdikke qyzmet aýystyrǵanda bul onyń ornyn basyp, basqarmaǵa bastyq bop qalady. Qalaı aıtsaq ta, ákim orynbasarynyń qyzmetimen qosh aıtysýy men basqarma bas­shy­synyń «bylyǵy» arasynda bir baılanys bar sııaqty. Árıne, aq-qarany aıyrý quqyq qorǵaý organ­darynyń, al, máseleniń mán-jaıyn bilý aldaǵy kúnderdiń enshisinde.

Apta ortasynda barlyq saıttarda Shymkent qalasynyń ákimi Qaırat Moldaseıitov óz erkimen jumystan ketedi eken degen aqparattar jaryq kórdi. Artynsha qala ákiminiń syr­­­qat­tanyp qalýyna baılanys­ty, qysqa merzimdi demalysqa shyq­qany belgili boldy. Qaırat Qu­seıinulynyń bul qyzmetine kel­genine bir jyldan endi asty. Taǵy da osy aptada oblystyq sport jáne týrızm basqarmasynyń bas­ty­ǵy Polat Qyryqbaevtyń As­ta­na­ǵa at aýystyrǵanyn estip bil­dik. Árıne, bul eki azamattyń da jo­ǵa­­rydaǵy jol daýyna eshqandaı qa­­tysy joq. Bári ómirdiń zańy ǵoı. Bireýler bıznesti qalaıdy, bireý­ler bılikti qalaıdy.

Oralhan DÁÝIT,

«Egemen Qazaqstan».

Ońtústik Qazaqstan oblysy.