Juma, 8 naýryz 2013 7:36
«Batys Eýropa – Batys Qytaı» avtobany – elimizdiń sheteldermen alys-berisin kóbeıtip, barys-kelisin tezdetý úshin salynyp jatqan úlken qurylys alańy. Sondyqtan, bul ıgilikti isti jańa ǵasyrdyń jańa ómir arnasy deýge bolady. Elbasy N.Nazarbaev bul qurylysty: «Biz salýǵa kirisetin «Batys Eýropa – Batys Qytaı» avtojoly – taýarlar tasymaly úshin mańyzdy magıstral» dep atap kórsetýi de osy oıymyzdy dáleldeı tússe kerek.
Juma, 8 naýryz 2013 7:36
«Batys Eýropa – Batys Qytaı» avtobany – elimizdiń sheteldermen alys-berisin kóbeıtip, barys-kelisin tezdetý úshin salynyp jatqan úlken qurylys alańy. Sondyqtan, bul ıgilikti isti jańa ǵasyrdyń jańa ómir arnasy deýge bolady. Elbasy N.Nazarbaev bul qurylysty: «Biz salýǵa kirisetin «Batys Eýropa – Batys Qytaı» avtojoly – taýarlar tasymaly úshin mańyzdy magıstral» dep atap kórsetýi de osy oıymyzdy dáleldeı tússe kerek.
Búginde osy batys-shyǵys kúre jolynyń Jambyl oblysy aýmaǵyndaǵy 495,3 shaqyrymǵa sozylatyn bóliginde úlken jumystar atqarylýda. О́ıtkeni, avtoban boıynda úlkendi-kishili 22 kópir, 15 jol ótkizgish, 643 sý aǵatyn qubyrlardyń qurylystaryn qatar júrgizý ońaı sharýa emes jáne merdiger kompanııalardan úlken jaýapkershilikti talap etedi. Jol jamylǵysynyń qatty mándegi serpindilik qýaty 13 tonna salmaqqa eseptelgendikten bul da tehnıka men adam kúshterin qosqanda qomaqty qarjyny jáne materıaldyq resýrstarǵa zárý.Mysaly, mamandardyń esepteýinshe, oblys aýmaǵynan ótetin batys-shyǵys jolynyń qurylysy úshin 17 mıllıon tonna qum, 3 mıllıon tonna sement, 34 myń tonna bıtým jáne iri kólemde temirbeton buıymdary qajet eken. Dátke qýaty, búginde Jambyl oblysynda tas, qum jáne shaǵyl karerleri men asfalt-beton zaýyttary, usaqtaǵysh-suryptaǵysh qondyrǵylar jetkilikti. «Qurylys qurastyrmaly zaýyty seriktestigi», «Imstalkon» AQ, «Jambyl metall qurastyrý zaýyty» fılıaly jáne «Tarkon» seriktestikteri metall qurastyrmalaryna degen suranystardy da óteı alady. Beton buıymdaryn ázirleıtin «Jambylhımstroı», «Keramık ınvest» jáne «Ǵımarat-Taraz» seriktestikteri sııaqty jıyrmaǵa jýyq kásiporyndar da ǵasyr jobasyna hal-qaderinshe atsalysýǵa daıyn.Búginde «Batys Eýropa – Batys Qytaı» jobasy boıynsha oblys arqyly kóptegen shaqyrymdarǵa sozylatyn astam asfaltbeton men sementbeton tóseldi. Sóıtip, kúre joldyń oblys aýmaǵyndaǵy barlyǵy 495,3 shaqyrymynyń 310 shaqyrymnan astamy paıdalanýǵa berildi. Al jol sapasy óte jaqsy, onda avtokólikterdiń bir-birine kedergi jasamaı ozýyna, bir-birine qaýipti jaǵdaı týǵyzbaı ersili-qarsyly júıtkýine barlyq jaǵdaı jasalǵan. Jol boıyndaǵy eskertpeler, belgiler, túnde jarqyrap kórinetin saqtandyrǵysh quraldar, aıaldamalar, qaıyrylma burylystar, kópirler, aınalma ótkelekter, sý aǵatyn qubyrlar, qysqasy, jolaýshy avtokóligine ne qajettiń bári halyqaralyq talapqa saı.Almatyǵa baǵyt alǵan avtokerýender buryn Merki men Qordaı arasyn jalǵaıtyn tike joldy paıdalanatyn. Osy joldyń biraz bóligi Qyrǵyz eli shekarasyna tıesili bolǵandyqtan, jolaýshylar ońtústik astanaǵa birazdan beri Shý aýdany arqyly qatynaı bastaǵan. Bul jaǵdaı joldy óz kezeginde birshama uzartqan. Jaqynda Merki men Qordaı arasyn jalǵaıtyn burynǵy tike joldyń jańa balamasy tóselip bitti. Sonymen birge, Shý ózeninen uzyndyǵy 125 metrge jýyq úlken kópirdiń qurylysy da aıaqtaldy. Bul aýqymdy tirlik Almaty qalasyna Shý aýdany arqyly qatynap júrgen jolaýshylardyń saparyn 57 shaqyrymǵa qysqartyp, «aınalma joldyń» azabynan qutqardy. Merki men Qordaı arasyndaǵy osy kúre jol bolashaqta tórt jolaqty bolady. Biraq, ázirge onyń bir baǵyty, ıaǵnı eki jolaǵy ǵana paıdalanýǵa berilip otyr. Al qalǵan jolaqtary ústimizdegi jyly tolyq aıaqtalmaq.Endigi úlken mindet, «Batys Eýropa – Batys Qytaı» tranzıttik dáliziniń oblys ortalyǵy – Taraz qalasyn aınalyp ótetin 65 shaqyrymdyq bóligine úlken eńbek qarqynymen kirisý bolyp tabylady. Al jolshylar onyń qurylys jumystary jaqyn kúnderi bastalady dep otyr.Kósemáli SÁTTIBAIULY,«Egemen Qazaqstan».Jambyl oblysy.