Beısenbi, 11 sáýir 2013 1:35
«Agrarlyq nesıe korporasııasy» AQ aýyl sharýashylyǵy taýar óndirýshilerdiń 2 mıllıon gektardan asatyn alqapqa kóktemgi egis jumystaryn júrgizý úshin bergen ótinishterin der kezinde maquldady.
«Kóktemniń ár kúnin jylǵa azyq», dep baǵalaıtyn dıqandar úshin qazir jumystyń naǵyz qyzǵan shaǵy. Kúngeıde kóktemgi egin egý jumystary áldeqashan qarqyn alsa, teriskeıde tehnıkalaryn saılaǵan dala eńbekkerleri mejeli merzimge saqadaı saı otyr. Bul rette aýyl sharýashylyǵy taýar óndirýshilerine bıylǵy egin egý jumystaryn ýaqytyly júrgizýine «Agrarlyq nesıe korporasııasy» AQ qarjylaı nesıe berýdi jalǵastyrýda.
Beısenbi, 11 sáýir 2013 1:35
«Agrarlyq nesıe korporasııasy» AQ aýyl sharýashylyǵy taýar óndirýshilerdiń 2 mıllıon gektardan asatyn alqapqa kóktemgi egis jumystaryn júrgizý úshin bergen ótinishterin der kezinde maquldady.
«Kóktemniń ár kúnin jylǵa azyq», dep baǵalaıtyn dıqandar úshin qazir jumystyń naǵyz qyzǵan shaǵy. Kúngeıde kóktemgi egin egý jumystary áldeqashan qarqyn alsa, teriskeıde tehnıkalaryn saılaǵan dala eńbekkerleri mejeli merzimge saqadaı saı otyr. Bul rette aýyl sharýashylyǵy taýar óndirýshilerine bıylǵy egin egý jumystaryn ýaqytyly júrgizýine «Agrarlyq nesıe korporasııasy» AQ qarjylaı nesıe berýdi jalǵastyrýda. Korporasııa jaqynda respýblıkalyq bıýdjet qarjysy esebinen agroónerkásip kesheni nysandaryn qoldaý maqsatynda kóktemgi egin egý jumystaryn júıeli júrgizýge nıet bildirgen aýyl sharýashylyǵy taýar óndirýshileriniń jalpy somasy 33 mlrd. 833 mln. teńgeden astam turatyn ótinishterin maquldady. Bul qarjy bıylǵy kóktemde 2 mln. 200 myń gektardan asyp jyǵylatyn alqapqa egin egýge múmkindik beredi.
Sonyń ishinde kóktemgi egis jumystaryn nesıeleý maqsatynda korporasııa qazirgi tańda Aqmola, Aqtóbe, Qaraǵandy, Qostanaı jáne Soltústik Qazaqstan oblystarynyń aýyl sharýashylyǵy taýar óndirýshilerin jalpy somasy 27 mlrd.-tan asa teńgege qarjylandyrdy.
Bul qarjy aýyl sharýashylyǵy taýar óndirýshileriniń kúndelikti qajetti sharalardy ótkizýge múmkindik beredi. Atap aıtqanda, janar-jaǵarmaı, aýyl sharýashylyǵy tehnıkasyn jóndeýge arnalǵan materıaldar men qosymsha quraldardy, mıneraldy tyńaıtqyshtar men ósimdikterdi qorǵaý quraldaryn satyp alyp, aýylsharýashylyq ónimin saqtandyrý kezinde saqtandyrý jarnasyn tóleýge jumsalady.
Bıylǵy jyly agroónerkásip sýbektilerin nesıeleý baǵdarlamasy boıynsha kóktemgi egis jáne jıyn-terin jumystaryn nesıeleý úshin korporasııa respýblıkalyq bıýdjet qarjysy esebinen 40 mlrd. teńge bólýdi josparlap otyr.
Kóktemgi egis jáne jıyn-terin jumystaryn nesıeleý sheńberinde respýblıkalyq bıýdjetten qaryzǵa alynǵan qarajat esebinen ótken jyly korporasııa egis jáne jıyn-terin jumystaryn júrgizý úshin 1 mln. 500 myńnan artyq gektar alqapqa jalpy somasy 28 mlrd. teńgeden asa qarajat bóldi. Sóıtip, sonyń nátıjesinde sharýa qoly uzaryp, dittegen mejeden shyǵýǵa qulshynyp otyrǵan jaıy bar.
Marat AQQUL,
«Egemen Qazaqstan».