Juma, 17 mamyr 2013 1:42
Qazir dúkenderge barǵan tutynýshylar otandyq, jergilikti ónimderdi satyp ala bastady. О́zimiz de solaı. Kúndelikti dúkenge barǵanda alatynymyz jergilikti ónimder. Et, nan, sút, toqash, kókónis, táttiler túgel óz oblysymyzdan shyǵady. Bul elimizde otandyq ónimderdiń básekelestigi ishki rynokqa endi degen sóz. Qazir oblysta rynoktaǵy básekelestikti damytý jóninde óńirlik úılestirý keńesteri quryldy. Oblys boıynsha monopolııaǵa qarsy ınspeksııanyń basshysy Tımýr Ámirhanovtyń aıtýynsha, jalpy júrgizilgen zertteýler elimiz kóleminde básekelestikti damytýǵa baǵyttalǵan is-sharalardyń jetkiliksiz ekendigin kórsetedi.
Juma, 17 mamyr 2013 1:42
Qazir dúkenderge barǵan tutynýshylar otandyq, jergilikti ónimderdi satyp ala bastady. О́zimiz de solaı. Kúndelikti dúkenge barǵanda alatynymyz jergilikti ónimder. Et, nan, sút, toqash, kókónis, táttiler túgel óz oblysymyzdan shyǵady. Bul elimizde otandyq ónimderdiń básekelestigi ishki rynokqa endi degen sóz. Qazir oblysta rynoktaǵy básekelestikti damytý jóninde óńirlik úılestirý keńesteri quryldy. Oblys boıynsha monopolııaǵa qarsy ınspeksııanyń basshysy Tımýr Ámirhanovtyń aıtýynsha, jalpy júrgizilgen zertteýler elimiz kóleminde básekelestikti damytýǵa baǵyttalǵan is-sharalardyń jetkiliksiz ekendigin kórsetedi. Sondyqtan da, Básekelestikti qorǵaý agenttigi óńirlerde básekelestikti damytý boıynsha úılestirý keńesin qurýdy usyndy. Al, oblystyq kásipkerlik jáne ónerkásip basqarmasy basshysynyń mindetin atqarýshy Myrzajan Úsenovtiń aıtýynsha, sońǵy kezderi jergilikti tutynýshylardy jergilikti óndirisshiler shyǵaratyn ónimdermen qamtamasyz etý jolǵa qoıylypty. Azyq-túlik taýarlary baǵasy ósýiniń aldyn alý, ózimizdiń taýar óndirýshilerdiń ónimderin rynokqa qosymsha deldaldarsyz jetkizý sharalary jasalýda. Bul sharalardyń nátıjesi de jaman emes, deıdi ol. Mysaly, byltyr óńirimizge Keden odaǵy elderinen ákelinetin azyq-túlik ónimderiniń kólemi 2 esege azaıǵan. Sala mamandary kásipkerlerge beriletin ruqsatnama qujattarynyń sanyn qysqartý qajettigin aıtady. Tipti, 169 qujattyń 76-syn alyp tastaýǵa bolady eken. Iаǵnı básekelestikti damytýǵa ákimshilik, ekonomıkalyq jáne basqa da kedergilerdiń áli de bar ekeni osydan-aq baıqalady. Mysaly, janar-jaǵarmaı rynogynda kásiporyn men satyp alýshy arasynda básekelestikke qarsy jasyryn kelisimshart jasalǵany da anyqtalǵan kórinedi. Kemshilikter, túrli kedergiler farmasevtıkalyq, jolaýshylardy tasymaldaý salalarynda da kezdesedi. Baǵa saıasatyna deldaldar keri áser etetini sózsiz. Kádimgi kenishten shyqqan kómirdiń quny aýyldaǵy sheshemiz otqa jaqqansha deıin jetkenshe úsh-tórt esege ósip ketetini belgili. Sondyqtan, «Pavlodar» ÁKK» AQ-pen birlesip, kómir áleýmettik mekemelerge deldalsyz jetkizilse, bıýdjettiń qyrýar qarjysy únemdeledi.
Kelesi másele – óz jerimizde shyǵarylatyn ónimderiń sapasy. Oblysta halyqaralyq standarttarǵa ıe bolǵan kásiporyndar sanaýly ǵana. Kásipkerlik jáne ónerkásip basqarmasynyń málimetterinshe, aldaǵy ýaqytta óndiris oryndarynyń halyqaralyq sapa, qyzmet kórsetý jáne ekologııa boıynsha sertıfıkattar alýlary qajet. Halyqaralyq qaýymdastyqtarǵa enetin jergilikti kásiporyndar qatary az. Oblys ortalyǵynda úsh óndiristik alań ashylady. Jańadan salynatyn turǵyn úı keshenderiniń birinshi qabattary shaǵyn jáne orta bıznes nysandaryna beriledi. Tipti, 25 aýylda servıstik qyzmet kórsetý ortalyqtary ashylady dep josparlanýda. Oblys basshysy Erlan Aryn rynokty sapasyz, shekaradan zańsyz engen ónimderden tazartý qajettigin baqylaýǵa alýǵa tapsyrma berdi. О́ıtkeni, bul kúnderi óńirde ınnovasııalyq tehnologııalarmen jumys jasaıtyn kásiporyndar sany otyzǵa da jetpeıdi eken. Sol sebepti, oblys ákiminiń aıtýynsha, memlekettik organ ókilderiniń, kásipkerlerdiń saladaǵy eń ozyq tehnologııalarmen jaqyn tanysýy úshin olardyń halyqaralyq kórme, forýmdarǵa jıi qatysýyn qamtamasyz etý kerek. Iаǵnı rynoktaǵy jergilikti ónimderdiń básekelestigin damytý úshin aldaǵy ýaqytta halyqaralyq standartqa saı keletin ónimderdiń tizimin túzý qajet. О́ńirde básekelestik ortany qalyptastyrý, ulttyq ekonomıkany damytý, baǵa saıasatyn retteý barysynda jańadan qurylǵan keńes básekelestikti damytýǵa serpilis ákeledi dep seneıik.
Farıda BYQAI,
«Egemen Qazaqstan».
Pavlodar oblysy.