Sársenbi, 16 qańtar 2013 7:31
Qazaq – bolmysynan erkindikti súıgen, syılasqanǵa basyn ıgen, óz qadir-qasıetin bilgen halyq. Ony táýelsizdik jyldarynda sabaqtastyq úlgisin kórsetip qana qoımaı, óristetkenimiz tórtkúl dúnıege málim. О́skenimizdiń, órken jaıǵanymyzdyń naqty dáleli ótkenimizdi saralap, bolashaǵymyzdy aıqyndaǵan, Elbasynyń «Qazaqstan 2050» Strategııasy der edim. Bul qundy qujat qazaqstandyqtardyń keler kúnge degen senimin arttyryp, urpaqtyń kemel keleshegine jol ashyp otyr. Oǵan «Bilim jáne kásibı mashyq – zamanaýı bilim berý júıesiniń, kadr daıarlaý men qaıta daıarlaýdyń negizgi baǵdary» degen taraýdaǵy tarata aıtqan mindetter biz úshin úlken baǵdar. Buǵan myna bir úzindi de dáıek bolady. «Búkil álemdegi sııaqty Qazaqstan mektepke deıingi bilim berýdiń jańa ádisterine kóshý kerek. Sizder bilesizder, men basty mindeti balalarymyzdyń bastapqy múmkindikterin tekserý bolǵan «Balapan» baǵdarlamasy bastamasyn kóterdim» deıdi Elbasy. Bul urpaq úshin aıdaı aqıqat edi.
Sársenbi, 16 qańtar 2013 7:31
Qazaq – bolmysynan erkindikti súıgen, syılasqanǵa basyn ıgen, óz qadir-qasıetin bilgen halyq. Ony táýelsizdik jyldarynda sabaqtastyq úlgisin kórsetip qana qoımaı, óristetkenimiz tórtkúl dúnıege málim. О́skenimizdiń, órken jaıǵanymyzdyń naqty dáleli ótkenimizdi saralap, bolashaǵymyzdy aıqyndaǵan, Elbasynyń «Qazaqstan 2050» Strategııasy der edim. Bul qundy qujat qazaqstandyqtardyń keler kúnge degen senimin arttyryp, urpaqtyń kemel keleshegine jol ashyp otyr. Oǵan «Bilim jáne kásibı mashyq – zamanaýı bilim berý júıesiniń, kadr daıarlaý men qaıta daıarlaýdyń negizgi baǵdary» degen taraýdaǵy tarata aıtqan mindetter biz úshin úlken baǵdar. Buǵan myna bir úzindi de dáıek bolady. «Búkil álemdegi sııaqty Qazaqstan mektepke deıingi bilim berýdiń jańa ádisterine kóshý kerek. Sizder bilesizder, men basty mindeti balalarymyzdyń bastapqy múmkindikterin tekserý bolǵan «Balapan» baǵdarlamasy bastamasyn kóterdim» deıdi Elbasy. Bul urpaq úshin aıdaı aqıqat edi.
Iá, Prezıdenttiń jańa Joldaýyndaǵy mindetterdiń eń úlkeni dep, men bilim berý jáne tárbıeleý jumysy boıynsha ul men qyzdy 100 qamtýǵa qol jetkizý jónindegi tapsyrmasy der edim. Shynynda, saýatty da, tárbıeli urpaq Otanymyzdyń kúni erteńgi altyn tiregi bolary sózsiz. Bilim biligi myqty jas qashan da qoǵam damýyna oıly kózben qaraıdy. Judyryqtyń kúshine emes, aqyldyń aıbynyna senim artady. Munymen qatar, joldaýda oqý ádistemelerin jańǵyrtý, óńirlik mektep ortalyqtaryn qurý qajettiligin de atap ótken. Bul bizge tikeleı qatysty dep bilemin.
Memleket basshysy joǵaryda aıtqanymyzdaı, egemen eldiń jas urpaǵyna qajet nárseniń bárin óziniń jyl saıynǵy Joldaýynda naqtylap berýde. Osydan on jyldan asa ýaqyt buryn Arqanyń eń kórikti de kórkem, sýly da nurly jerinen «Baldáýren» Respýblıkalyq oqý-saýyqtyrý ortalyǵyn (ROSO) qurýdy tapsyrǵan edi. Bul sol kezde múltiksiz oryndalyp, qazir júıeli jumys istelip jatyr. Elbasynyń osyndaı qamqorlyǵyn sezingen oqýshylar men jasóspirimder ortalyqta osy kúnderi bilim men tárbıeni qatar ushtastyryp keledi. Otanymyzdyń barlyq óńirlerinen kelgen demalýshylar bir atanyń balasyndaı, bes qoldyń salasyndaı bolyp, dostyqtyń týyn kóterip, bir birine degen meıirimin tereńdete túsýde.
Bilim jáne ǵylym mınıstrliginiń kestesine sáıkes osy ýaqytqa deıin «Baldáýren» Qazaq arteginde 70 myńnan asa oqýshy demaldy. Sol sekildi júzden júırikter qatysyp, júldeli besinshi orynǵa taban tirep táýelsiz jurtymyzdyń mereıin ósirgen, 98 eldiń úzdik jastary qatysqan 51-shi Halyqaralyq matematıka olımpıadasy Astanadan keıin bizdiń ortalyqta jalǵasyn tapty. Sol sekildi álemdik baıqaýlar men oqýshylar festıvali ótip turady. Ásirese, áleýmettik jaǵynan az qamtylǵan otbasylar men múgedek balalarǵa alǵashqy kezekte qamqorlyq jasap otyrý basty maqsat bolyp sanalady.
Osy derekterdi alǵa tarta otyryp Elbasynyń bolashaqqa nyq qadammen barýdy maqsat etken jańa Strategııasy boıynsha atqarylatyn jumystardy júıeleı bastadyq. Eń bastysy memleketimizdiń barlyq óńirlerinen «Baldáýren» oqý-saýyqtyrý keshenine kelgen oqýshylarǵa bilim berý men tárbıeleýdiń ozyq úlgilerin, ásirese, oqytý ádistemelerin dáýir talabyna saı jańǵyrtýdyń joba-josparyn ǵylymı turǵydan jaqsartýdy qolǵa aldyq. Ol úshin bilikti mamandardyń qajet ekeni anyq. Bul jumysqa da zeıin aýdaryp, ár muǵalim básekege qabiletti, saýattylyǵy joǵary bolý kerek degen mindetti alǵa ozdyrdyq. Joldaýda aıtylǵan turmysy tómen, ıaǵnı áleýmettik jaǵynan az qamtylǵan otbasy balalaryna buryn da jasalyp kele jatqan jeńildikterdi qaıta qarap, yntaly ul-qyzǵa qoljetimdi kómek kórsetýdi arttyra bermekpiz.
«Beıbit ómirdiń ózinde bizde myńdaǵan jetimder bar – balalar úıleri toly. Bul, ókinishke qaraı, jalpyálemdik úrdis jáne jaHandanýdyń synaǵy. Biraq biz bul úrdispen kúresýimiz kerek. Balalar – qoǵamymyzdyń eń álsiz jáne qorǵansyz bóligi jáne olar quqyqsyz bolýǵa tıisti emes» degen Elbasy sózi, kim-kimge bolsa da oı salmaı qoımaıdy. Osy tapsyrmany jan-jaqty saraptan ótkize otyryp, ata saltymyzǵa saı, jetimderdi alaqan jylýyna alýymyz kerek. «Baldáýren» oqý-saýyqtyrý kesheni jyl boıy jumys istese, biz keıbir aýysymdarda jetim, densaýlyǵy kemis balalarǵa arnap, olardyń Kókshetaý óńiriniń ásem tabıǵatynda demalýyna múmkindik jasaýdy dástúrge aınaldyrýdamyz. Osy arada myna bir usynysymdy da aıta ketsem deımin. Qazir elimiz boıynsha eń úlken oqý-saýyqtyrý kesheni «Baldáýren» ǵana. Uzaq merzimge baǵyttalǵan Memleket basshysynyń «Qazaqstan 2050» Strategııasy aıasynda «Baldáýren» sekildi oqýshylarǵa arnalǵan óńirlik keshender salynyp, ol jyl boıy jumys istese nur ústine nur bolar edi. Ondaı demalys oryndary bar. Biraq kóbisi qadamyn jaza almaı otyr. Eger óńirlerdegi sondaı oqý-saýyqtyrý keshenderi keleshekte bir ortalyqtan qarjylandyrý arqyly «Baldáýrenniń» fılıaly etip, jergilikti jerlerden balalardy basty keshende demalýǵa jiberip otyrý úrdisin qalyptastyrsaq artyq bolmas edi. Mundaı júıe ózge elderde burynnan bar.
Bir sózben aıtqanda, Elbasynyń bul Joldaýy búginimizdi saralaı otyryp, keleshegimizge jasalǵan úlken joba ekeni belgili. Endigi jerde osy Strategııanyń ár tarmaǵy boıynsha ózine tıesili jumysty atqarý bárimizge múltiksiz mindettelip otyr. Ony abyroımen oryndasaq Otanymyzdyń búgingi kóterilgen bıigi, odan da asqaqtap, shyrqaý shyńdaı alystan kóz tarta bermek.
Muhıtdın TО́LEPBAI,
«Baldáýren» ROSO bas dırektory