Parlament Senatynyń depýtaty Aıgúl Qapbarova Shymkent qalasyndaǵy «Saq» kınostýdııasynyń jumysymen tanysty.
Kınostýdııa dırektory Nýrıddın Patteev pen rejısser Batyrhan Dáýrenbekov depýtatpen shyǵarmashylyq oı pikirlerimen, jańa jobalarymen bólisti.
Aıgúl Qapbarova bıyl qabyldanǵan «Kınematografııa týraly» zań kınoóndiristi qoldaýǵa, ulttyq fılmderdiń sapasy men básekege qabilettiligin arttyrýǵa, halyq úshin kıno kórý qyzmetiniń qoljetimdiligi men otandyq kıno bedeliniń ósýi men tanylýy úshin zańnamalyq negiz jasalǵany jóninde áńgimeledi. Sondaı-aq kıno jáne anımasııa salasyn memlekettik qarjylyq qoldaý máseleleri sóz boldy.
Aıta keteıik, «SAQ» kınostýdııasy «Tompaq», «Qalqanqulaq» serıaldarymen, «Qazaq eli», «Teke men Qoshqar» anımasııalyq fılmderimen tanymal. Búginge deıin kınostýdııa 60-tan astam anımasııalyq jáne 6 tolyqmetrajdy fılm túsirgen. Budan bólek, atalǵan kınostýdııa bıyl «Tóle bı» 10 serıaly kınohıkaıasyn, «Túrkistan», «Oqsyz oqıǵasy», «Ordabasy - birliktiń týy» atty anımasııalyq fılmder túsirip, el nazaryna usyndy. Ol týyndylar kórermen tarapynan joǵary baǵalanǵan bolatyn.
Shymkent