Syrtqysaıası vedomstvo basshysy Beıbit Atamqulovtyń syrtqy ister mınıstrliginde Qazaqstandaǵy Lıvannyń Elshisi Jıskar al-Hýrımen kezdesýi ótti. Bul týraly mınıstrliktiń baspasóz qyzmeti habarlady.
Lıvan Qazaqstanmen dıplomatııalyq qatynastardy alǵashqy ornatqan arab elderiniń biri.
«Bizdiń elderimiz joǵary deńgeıdegi saıası baılanystardy sátti damytýda. Basshylyq deńgeıdegi jáne iskerlik toptardyń ekijaqty kezdesýleri artyp keledi», dedi SIM basshysy.
Qazaqstan Lıvannyń Astana formatyndaǵy sırııaaralyq kelissózderdiń 13-shi raýndyna jańa baıqaýshy retinde qosylýyn qoldady. Búgingi tańda Qazaqstan Respýblıkasynyń Tuńǵysh Prezıdenti - Elbasy Nursultan Nazarbaevtyń qoldaýymen Astana prosesi qaqtyǵysty retteýdegi mańyzy óte joǵary bolyp tabylady. Qıyndyqtarǵa qaramastan, Qazaqstan astanasyndaǵy beıbit kelissózder óz qısyndylyǵyn jáne tıimdiligin dáleldedi.
Mınıstr Lıvan aýmaǵynda ornalasqan úndi kontıngenti quramyna kiretin qazaqstandyq bitimgershilik batalonyna kórsetken kómegi úshin Lıvanǵa alǵysyn bildirdi.
Lıvan Elshisi óz memleketiniń Qazaqstanmen jan-jaqty qarym-qatynastardy odan ári damytýǵa asa qyzyǵýshylyǵyn atap ótip, ekijaqty kún tártibindegi máselelerdi sheshý maqsatynda qazaqstandyq tarappen belsendi yntymaqtastyqqa daıyn ekendigin jetkizdi.
«Búgin bizdiń memleketterimiz tek ekijaqty qatynastardy ǵana emes, sonymen qatar aımaqtyq jáne halyqaralyq uıymdar sheńberindegi tabysty yntymaqtastyqty damytýda», dep qosty lıvandyq dıplomat. Osy turǵyda J.al-Hýrı Qazaqstannyń túrli halyqaralyq alańdarda mańyzdy rólin atap, Nur-Sultannyń jaqsy medıator ekeni aıtyldy.
Sonymen qatar J.al-Hýrı Astana prosesi qarapaıym sırııalyqtardyń, ásirese bosqyndardyń týǵan eline oralý máselesi sheshiletin jalǵyz ómirge beıimdi alańy bolyp tabylatynyn atap ótti.
Taraptar saýda-ekonomıkalyq qatynastardy damytý máselelerin jan-jaqty talqylady. Atalǵan qarym-qatynastardyń tómen deńgeıi eki memlekettiń qolda bar áleýetine sáıkes kelmeıtini atap ótildi. Osy salany keńeıtý maqsatynda barlyq qoljetimdi múmkindikterdi zertteý qajettiligine nazar aýdaryldy.
Aýyl sharýashylyǵy salasyndaǵy ózara is-qımyl yntymaqtastyqtyń perspektıvalyq baǵyty bolyp tabylady. Qazaqstan Taıaý Shyǵys elderine, sonyń ishinde Lıvanǵa bıdaı ónimderin jetkizýge múddeli.
Lıvandyq kásipkerler kólik jáne logıstıka, týrızm, qonaqúı men meıramhana bıznesi, sondaı-aq qyzmet kórsetý sııaqty bıznestiń ártúrli salalaryna belsendi yntymaqtastyqqa shaqyryldy.