8 tamyzdaǵy jaǵdaı boıynsha Arys qalasyndaǵy 6,8 myń turǵyn úıde negizgi qalpyna keltirý jumystary aıaqtaldy. 2,1 myń turǵyn úıde shaǵyn jóndeý jumystary jalǵasýda,-dep habarlaıdy Indýstrııa jáne ınfraqurylymdyq damý mınıstrliginiń baspasóz qyzmeti.
7 myńnan astam maman qalanyń qıraǵan turǵyn úı qoryn qurýda. Sektorlardaǵy barlyq qurylys jumystary kezeń-kezeńimen júrgizilýde jáne turaqty baqylaýda tur.
«Biz qala turǵyndaryn jumys júrgizý máselesi boıynsha alańdamaýdy suraımyz. Birde-bir laýazymdy adam jumysty aıaqtamaı, qaladan ketpeıdi. Árbir úı qatań baqylaýǵa alynyp, Arys qalasynda birde-bir otbasy nazardan tys qalmaıtynyn atap ótkim keledi», - dedi О́skenbaev.
Sonymen qatar, 77 úıde úı ıeleriniń kelispeýi nemese menshik ıeleriniń ornynda bolmaýy sebebinen jumystar áli bastalǵan joq. Halyqpen aradaǵy barlyq daýly máselelerdi 17 sektordaǵy óńirler men respýblıkalyq mańyzy bar qalalardyń ákimdikteriniń ókilderi pysyqtaýda.