Velosporttan Qazaqstan chempıony Alekseı Lýsenko Halyqaralyq velosıpedshiler odaǵynyń (UCI) reıtınginde joǵarylady.
Jýyrda ǵana «Norvegııanyń arktıkalyq jarysynda» top jarǵan otandasymyz jańartylǵan reıtıngte jeti saty kóterilip, 15-orynǵa taban tiredi. Veloshabandozdardyń kóshin fransııalyq Jýlıan Alafılıpp bastap tur. Ekinshi orynǵa ıspanııalyq Alehandro Valverde ornalassa, úzdik úshtikti slovenııalyq Prımoj Roglıch túıindep tur.
Al Azııa qurlyǵy boıynsha reıtıngte Lýsenko 1927 upaımen birinshi orynda keledi. Ekinshi oryndaǵy qytaılyq veloshabondaz Lıý Ksıandjıngıdiń enshisinde 375 upaı bar. Reıtıngte úzdik úshtikti taıpeılik Chýn Kaı Fen qorytyndylady. Sondaı-aq Qazaqstan quramasy Azııa aımaǵy boıynsha alǵashqy oryndy ıelense, álemdik reıtıngte 18-orynda tur.