Juma, 15 aqpan 2013 7:21
Qazaqstan Respýblıkasynyń Tuńǵysh Prezıdenti N.Á.Nazarbaev: «Kúni keshege deıin kópshilik qaýym úshin belgisiz bolyp kelgen Aýǵan soǵysynyń jylnamasy otandyq jańa tarıhymyzdyń eń qaraly paraqtarynyń biri bolyp qala beredi. Myńdaǵan jas azamat jat elde jan tapsyryp, myńdaǵan qandastarymyz urys dalasynan jaraqatpen oraldy. Oq pen ottyń ortasynan aman-esen oralǵandar úshin Aýǵanstan máńgilik jan jarasyna aınaldy, – dep aıta kelip. – Qaza tapqandardyń ata-analary, jaqyn týystary men tanystarynyń qaıǵysyn sózben aıtyp jetkizý qıyn. Aýǵan soǵysynyń ardagerleri urysta qaza tapqan qarýlastaryn júrekterinde máńgi saqtaıdy. Soǵys júregine óshpes jara salǵan azamattarǵa qurmet kórsetý – bizdiń qasıetti paryzymyz» – degen bolatyn.
Juma, 15 aqpan 2013 7:21
Qazaqstan Respýblıkasynyń Tuńǵysh Prezıdenti N.Á.Nazarbaev: «Kúni keshege deıin kópshilik qaýym úshin belgisiz bolyp kelgen Aýǵan soǵysynyń jylnamasy otandyq jańa tarıhymyzdyń eń qaraly paraqtarynyń biri bolyp qala beredi. Myńdaǵan jas azamat jat elde jan tapsyryp, myńdaǵan qandastarymyz urys dalasynan jaraqatpen oraldy. Oq pen ottyń ortasynan aman-esen oralǵandar úshin Aýǵanstan máńgilik jan jarasyna aınaldy, – dep aıta kelip. – Qaza tapqandardyń ata-analary, jaqyn týystary men tanystarynyń qaıǵysyn sózben aıtyp jetkizý qıyn. Aýǵan soǵysynyń ardagerleri urysta qaza tapqan qarýlastaryn júrekterinde máńgi saqtaıdy. Soǵys júregine óshpes jara salǵan azamattarǵa qurmet kórsetý – bizdiń qasıetti paryzymyz» – degen bolatyn.
Jalyn jiger jigitterdiń jastyq shaǵyna jara túsirip, bolashaǵyna balta shapqan sol 10 jylǵa sozylǵan soǵystyń aıaqtalǵanyna 24 jyl bolypty. Dál sol kúni, ıaǵnı 1989 jyldyń 15 aqpanynda Keńes áskerleri Aýǵanstan jerin tastap shyqty.
Bul kún – kóńilde syzy, júrekte izi qalǵan aýyr da azapty jyldar men ótkelegi mol ótkendi estelik qylyp jáne ony kóńilge keste qylyp toqý ǵana emes, sol kezdegi ana súti aýzynan keppegen túbit ıek baýyrlarymyzdy eske alar kún!
Bul kún – sol kezdegi elge aǵylǵan temir tabyttardyń toqtaǵan kúni. Bul kún – janary jasqa toly jesirler men jetimderdiń, qara jamylǵan aıaýly analarymyzdyń perzentterin joqtaǵan kúni! Bul kún – baqı bolǵan qaharman baýyrlarymyzdy qatardan izdegen kún! «Internasıonalızm» degen saıasattandyrylǵan sózdiń qurbandyǵyna aınalyp, oǵan ımandaı senip, búgingi kúni kúl-talqan bolǵan taǵdyrynyń óteýi men bodaýyn kimnen suraryn bilmeı dal bolǵan jandardyń ózegine ókinishin jasyrǵan kún!
Bul kún Aýǵan soǵysy ardagerlerine qaıǵy bolyp qattalyp, qasiret bolyp jattalyp qalsa da táýelsiz Qazaqstannyń árbir kúni beıbit ómirdiń besiginde terbetilip, árbir úıdiń tútininiń túzý shyqqanyn tileıtin bizder úshin, sanamyzda qanmen jáne termen jazylǵan kún bolyp qala bermek.
AVTOR.
Aýǵannyń qandy dalasy,
Adamzattyń nalasy.
Búk túsip jatyr qan qusyp,
Qaraly taýlar, qarashy.
Adasyp baryp armandar,
Kabýlda kúl bop qalǵandar.
Gúl bolyp ónip kógerip,
О́mirdi qaıta jalǵańdar.
Armanda ketken ar úshin,
Umytpas elim arysyn.
Tý etip ustar qashanda,
Táýelsiz eldiń namysyn.
Balasyn izdep analar,
Anasyn ańsap balalar.
Júrekke túsken bombadaı,
Jazylar qashan jaralar?…
Esimde ol kún qaraly,
Zýyldap jyldar barady.
Sarbazdar bárin biledi,
Aýǵannan qaıtqan jaraly.
Ar úshin týǵan arysym,
Egemen eldiń baǵy úshin.
Bıikten týyń túspesin,
Estime oqtyń daýysyn.
Azattyq ornap arman el,
Qulpyrdy dala, jaınap kól.
Baıraǵyń basyn ımesin,
Aýǵanda bolǵan ardager!
Armysyńdar, aýǵandyq jaýyngerler!
Jyrym bar jaralanǵan janyńdy emder.
О́lgenderdiń jánnatta bolsyn jany,
Tirileriń myń jasa, dáýirleńder.
Otan úshin oqqa tostyń keýdeńdi,
Erligińdi, órligińdi el kórdi.
Keı baýyrlar jer jastanyp, jerlendi,
Jebeıdi olar arýaǵymen senderdi.
Analardyń kól bop aqty kóz jasy,
Jetimder men jesirlerdi oılashy.
Sondaı kúndi kórmesin bul halqymyz,
Eli úshin qurbandyq tek er basy.
Búgin bizder sarbazymyz egemen el qazaqtyń,
Týdy, mine, jas urpaqqa ǵajap kún.
Bizder kórgen azaptar tek artta qap,
Endi atsa, tek beıbitshilik tańy atsyn.
Eske alaıyq qurmetteıik, qurbandardyń rýhyn,
Qabirleri nurǵa tolyp, sýyq jer de jylysyn.
Esil erler eskertkishke aınalsań da biz úshin,
Máńgilikke tirisińder, tirisiń!
Baqytbek SMAǴUL,
Parlament Májilisiniń depýtaty,
Aýǵan soǵysy ardagerleri uıymdarynyń
«Qazaqstan ardagerleri»
qaýymdastyǵynyń tóraǵasy.