Juma, 15 naýryz 2013 1:35
Batys pen Shyǵys órkenıetin jalǵastyratyn altyn kópir atanǵan arý Astana óziniń tarıh sahnasynda saltanat qurǵan osy bir 15 jyl ǵumyrynyń ishinde álem nazaryn erekshe aýdarǵan talaı-talaı jahandyq oqıǵalardyń ortalyǵyna aınalǵany aqıqat. Mine, endi elordamyzdyń EKSPO-2017 Búkilálemdik ámbebap kórmesiniń ortalyǵy bolatyndyǵy týraly Halyqaralyq kórmeler bıýrosynyń tarıhı tańdaýy pash etilgenine de birer aıdyń júzi boldy.
Juma, 15 naýryz 2013 1:35
Batys pen Shyǵys órkenıetin jalǵastyratyn altyn kópir atanǵan arý Astana óziniń tarıh sahnasynda saltanat qurǵan osy bir 15 jyl ǵumyrynyń ishinde álem nazaryn erekshe aýdarǵan talaı-talaı jahandyq oqıǵalardyń ortalyǵyna aınalǵany aqıqat. Mine, endi elordamyzdyń EKSPO-2017 Búkilálemdik ámbebap kórmesiniń ortalyǵy bolatyndyǵy týraly Halyqaralyq kórmeler bıýrosynyń tarıhı tańdaýy pash etilgenine de birer aıdyń júzi boldy. Elbasy Nursultan Nazarbaevtyń bul halyqaralyq aıtýly kórmeni joǵary deńgeıde ótkizý búkil elimiz úshin úlken syn, zor jaýapkershilik ekenine erekshe basymdyq bergeni de belgili. Osyǵan oraı búginde Astana qalasynda Búkilálemdik ámbebap kórmeni ótkizýge daıyndyq barysyndaǵy keshendi sharalar qolǵa alyndy.
Halyqaralyq kórme jalaýy jelbireıtin 2017 jyldyń maýsym aıy Qazaqstannyń bas qalasy – Astananyń 20 jyldyq toıymen tuspa-tus keletini de osy jahandyq jıyn barysynda el mereıin odan ári arttyra túspek. Sondyqtan, EKSPO-2017 kórmesin ótkizýge daıyndyq barysyndaǵy atqarylatyn sharalar kestesinde usaq-túıektiń bolýy múmkin emes. Bul rette sáni men saltanaty jarasqan Astana qalasyn odan ári abattandyrý sharalaryna barynsha basymdyq berilmek.
Tek ústimizdegi jyldyń ózinde ǵana, qalamyzdyń 15 jyldyq merekesin atap ótý aıasynda Astanada jalpy kólemi 11 gektar aýmaqqa para-par 13 gúlzarlar men skverler salynatyn bolady. Sonymen birge, qazir jalpy aýmaǵy 67,4 gektarǵa teń qalalyq mádenıet jáne demalys parkin jańǵyrtý jáne qaıta qurý jumystary qarqyndy júrgizilýde. Osy tolyq jańǵyrtý jumystary aıaqtalǵan kezde bul parktiń múmkindigi eki esege deıin artyp, kúnine 105 myń adamǵa qyzmet kórsetetin bolady.
Jasyratyny joq, buryn qalalyq aýlalardyń basym kópshiligi kúl-qoqystan arylmaıtyn kóriksiz oryndar bolatyn. Qala ákimi Imanǵalı Tasmaǵambetov jyldar boıy qordalanyp kelgen bul keleńsizdikke qarsy túbegeıli betburys bastady. Qazir Astana qalasynyń aýlalary búgingi zaman talabyna saı qurylǵan naǵyz demalys oryndaryna aınaldy. Balalar oınaıtyn alańdar da áserliligimen, ásemdigimen aıryqsha kóz tartady. Bul baǵyttaǵy keshendi jumystar júıeli túrde júrgizilip keledi. Máselen, ótken jyly ǵana Astanada 131 aýlada kóriktendirý maqsatyndaǵy kúrdeli jumystar júzege asyryldy. Aýlalardyń eskirgen qorshaýlary jańartyldy, asfalt tósenishteri aýystyrylyp, sport jáne balalar oınaıtyn alańdar jóndeýden ótkizildi.
Aýlalardy kóriktendirýmen qatar turǵyndardyń dene tárbıesimen shuǵyldanyp, buqaralyq sportqa beıimdelýi úshin barlyq jaǵdaılar jasalǵan. Máselen, ótken jyly tek Almaty aýdany boıynsha ǵana 8 fýtbol alańy jasandy kógal jabdyǵymen jabyldy. Al Esil aýdanynda 33 sport jabdyqtary ornatyldy. Astana qalasyndaǵy aýlalardy abattandyrý jolyndaǵy bul keshendi sharalar 2017 jylǵa deıin belgilengen jospar boıynsha qarqyndy da júıeli júrgiziletin bolady.
Jylqybaı JAǴYPARULY,
«Egemen Qazaqstan».