Birinshi jartyjyldyqta Qaraǵandy oblysynda ónerkásip óndirisiniń kólemi 672,5 mıllıard teńgeni qurady. Aımaqtaǵy «Arselor Mıttal Temirtaý» AQ pen «Qazaqmys» korporasııasy» JShS sııaqty eki iri óndiris oshaǵynyń jumysyndaǵy qıyndyqtarǵa qaramastan, jyl basynan beri jalpyekonomıkalyq kórsetkish qalypty deńgeıde saqtalýy baıqalady. Alty aıda negizgi kapıtalǵa 175 mlrd. teńge ınvestısııa salynyp, byltyrǵy osy merzimmen salystyrǵanda 1,5 esege artty. Syrtqy saýda aınalymy – 5, al eksport 8,5 paıyzǵa ósti. Sonyń ishinde shıkizattyq emes eksport 89-dan 95 paıyzǵa deıin kóterildi.
Orta jáne shaǵyn bıznestiń ekpindi damýy bólshek taýar aınalymyn 7,6 paıyzǵa ulǵaıtty. 3 myń jańa jumys orny ashylyp, jumyssyzdyq deńgeıi birshama tómendedi. Oblystyq bıýdjet túsimi 112,9 mlrd. teńge boldy.
Aıqyn NESIPBAI,
«Egemen Qazaqstan».
Qaraǵandy oblysy.