Bári de adamnyń ıgiligi úshin

Qazaqstannyń azamattyq Alıansy memlekettik qyzmetter kórsetý sapasyna monıtorıng boıynsha túsinik jumystaryn júrgizdi

Qazaqstannyń azamattyq Alıansy Mádenıet jáne aqparat mınıstrliginiń qoldaýymen «Bolashaq búginnen bastalady!» respýblıkalyq is-shara sheńberinde «Memlekettik qyzmetter kórsetý týraly» Zańnyń negizgi erejelerin túsindirý boıynsha semınarlar jelisin ótkizdi.

Atalǵan semınarlardyń basty maqsaty – qatysýshy­lar­dy qabyldanǵan zańnyń negizgi ere­jelerimen tanys­tyrý, sondaı-aq, memlekettik qyzmetter kórse­týdiń sapasyna baǵalaý júrgizýde Úkimettik emes uıymdar (ÚEU) qyz­­­­metiniń pishinderi men mazmun­daryn túsindirý bolyp tabyldy.

Qazaqstannyń azamattyq Alıansy­nyń óńirlik qurylymy atal­ǵan semınarlardy ótkizý ke­zin­de elimizdegi Úkimettik emes uıymdardyń barynsha keń aýqymyn qamtýǵa múmkindik berdi. Máselen, semınarlarǵa 14 oblystan, Astana men Almaty qa­lalarynan 400-den astam ÚEU ókilderi qatysty.

Mysal úshin aıtsaq, Oral qalasynda memlekettik qyzmetter kórsetý sapasyn joǵarylatý bo­ıynsha ÚEU qyzmetteriniń bazalyq túsinikterimen tany­sýǵa kom­mersııalyq emes uıym­dardyń 26 tyńdaý­shy­sy qatysty. Semınardyń treneri re­tin­de «Ádilet» konsaltıngtik kom­panııa­synyń bas sarapshysy A.Bısenova tartyldy.

Semınarda aqparatty berý men qa­byldaýdyń túrli pishinderi: tusaýkeser, máselelerdi talqy­laý, toptardaǵy jumys, min­detterdi sheshý boıynsha trenıngter paıdalanyldy. Shara qorytyndylary boıynsha barlyq tyńdaýshylar «Qoǵamdyq monıtorıng» jobasyna belsendi qatysýǵa tilek bildirdi. BQO azamattyq Alıansynyń ókilderi memlekettik qyzmetter kórsetý sapasyn baǵalaý boıynsha­ birlesken jobalar jasaý usy­nysymen shyqty.

Kókshetaý qalasyndaǵy №4 orta mektep bazasynda da «Memlekettik qyzmetter kór­setý sapasyna monıtorıng júr­gizýde ÚEU-lardyń róli» degen taqyrypta semınar ótti. Oǵan óńir­degi jetekshi ÚEU-lardyń jetekshileri men qyzmetkerleri – barlyǵy 30 adam qatysty.

Aqparattyq jáne oqytý baǵyt­tarynan basqa, semınar praktıkalyq sıpatqa da ıe boldy. L.Seńgirbaeva («Tomırıs» áıel­der­diń jastar ortalyǵy), A.Ámirova («Bo­lashaq» qoǵam­dyq qory) sekildi belsendi qa­ty­sýshylar atalǵan baǵyttaǵy ju­mys tá­jirıbelerimen bólisti. Olar búginde ÚEU-lardyń qyz­metter kórsetýdiń sapasyn baqy­laýda qandaı tetikterge júginýge bolatyny týraly áńgimeledi.

Semınar aıaqtalǵan soń barlyq qaty­sýshylar memlekettik qyz­metter kórsetýler sapasyna ba­qylaýdy uıymdastyrý boıynsha memlekettik organdarmen ózara is-qımyl tetigin jasaý qajet degen ortaq pikirge keldi.

Qaraǵandyda ótken semınar baǵdarla­masy boıynsha «Mem­lekettik qyzmetterdiń reestri», «Alýshylarǵa jappaı suraý salý», «Fokýs-toptar» taqyryptarynda praktıkalyq oqýlar uıym­das­tyrylyp, «Qyzmetter kórsetýdi qalaı baǵalaýǵa bolady», «ÚEU qyzmetter sapalaryn baǵa­laýdyń múmkindikteri men shekteýleri» degen taqyryptar boıynsha teorııalyq is-qımyl máseleleri qarastyryldy. Son­daı-aq, Qaraǵandydaǵy shara aıa­synda jańa zań jobasyn qol­daýǵa arnalǵan flesh-mob uıym­dastyryldy.

Qostanaı qalasynda ótken semınarda memlekettik qyzmetter qalaı baǵalanatyn bolady degen saýalǵa qatysty máseleler týyndady. Keıin belgili bolǵanyndaı, ár óńirde memlekettik qyzmet kórsetýdiń óz úlgi-qalpy bar bolsa, basqalary sol belgili bir óńirdikine sáıkes kelýi tıis eken. ÚEU-lar osy úılespeýshilikti sheshýdiń joldaryn jan-jaqty qarastyrdy.

ÚEU ókilderine Mańǵystaý oblysynda ótken semınar ne berdi? Bul suraqqa «Mańǵystaý oblysy azamattyq Alıansynyń» prezıdenti J.Mahanbetova jaýap berýge umtyldy. «ÚEU ókilderi úshin mundaı trenıng­ter Qazaqstannyń barlyq óńir­lerinde ótkizilýde. Qaty­sýshylarǵa memlekettik qyz­metter kórsetýdiń «statýsy» men «reestri» uǵymdary túsindirildi.

О́z kezeginde «Shyǵys Qa­zaq­­stan oblysy azamattyq Alıansynyń» prezıdenti O.Cher­ny­­shov búginde kóptegen ÚEU ókil­deri memlekettik qyzmet degen ne nárse jáne osy qyzmetterdi baǵalaýda ÚEU-lar­dyń róli qan­daı degen máselelerdi túpki­likti túsinbeıtindikten, osyndaı semınar­lar ótkizý asa qajet dep esepteıdi. «Atal­ǵan úderiske, sondaı-aq, aýyldyq ÚEU-lar ókilderin de belsendi tartý kerek dep esepteımin», dep atap ótti Oleg Vladımırovıch.

Aqtóbelik ÚEU ókilderi de memlekettik qyzmetter kórsetýge qoǵamdyq monıtorıng júrgizýdiń qyr-syryn meńgerýge umtyldy. «Biz, mysal úshin, Úkimettiń elek­trondyq saıtyna kirip, 500 qyzmettiń kez kelgenin tań­dap alýǵa jáne onyń sapasyn baǵalaýǵa tyrystyq. Ony jumyssyzdardyń a nyq­tama alýlarynan bastadyq. Saıtta ony alýdyń tártibi – merzimi, úlgisi, sharty kórsetilgen eken. Munymen qosa, adam anyqtama alýǵa kelgen HQO-nyń kútý zalyn­da oryndyq bar ma, kútýshiler ózde­rin qalaı sezinedi, qujat alý úshin olar belgilengen 10 mınýt pa álde odan kóp ýaqyt jumsaı ma degen máselelerge nazar aýdarý qajet boldy. Osynyń bárin baǵam­daı kele, kez kelgen qatysýshy óz usyny­syn engize alady», deıdi Aqtóbe oblysy ÚEU qaýymdastyǵynyń dırektory A.Dúısenova.

Oqýdan ótken barlyq qatysýshylar qabyldanǵan «Memlekettik qyzmetter kórsetý týraly» Zań turǵyndarǵa qyzmetter kórsetý boıynsha memlekettik organdar jumysynyń sapasyn arttyrý baǵytynda mańyzdy qadam bolyp tabyldy degen ortaq pikirge keldi.

Eske sala ketsek, «Memlekettik qyz­met­ter kórsetý týraly» Zańǵa Memleket basshysy ústimizdegi jyldyń 15 sáýirinde qol qoıǵan bolatyn. Zań memlekettik qyz­met­ter kórsetýdiń tártibin aıqyndaýdy, «memlekettik qyz­met» degenge jańa tú­sinikti, mem­lekettik qyzmetti tutyný­shy­lar­dyń quqyǵyn zańnamalyq regla­ment­teýdi, sondaı-aq, qyzmetter kórsetýdiń sa­pasyna qoǵamdyq monıtorıng júrgizýdi qarastyrady.

Búginde memlekettik qyzmetter reestrinde 574 ataý bar. Reestr qurylǵan 2010 jyldan beri memlekettik qyzmetter kórsetý sany úsh esege jýyq ósti. Mine, naq sondyqtan kommersııalyq emes uıymdardyń róli artyp, memlekettik qyzmetter kórsetý sapasyna qoǵamdyq monıtorıng júrgizý múmkindigin zańnamalyq qamtamasyz etý qajettigi týyndap otyr.

Zańnyń jańalyǵy usynylǵan qyzmetter sapasyna, olardyń merzimi men úlgi-qalyptarynyń saqtalýyna qoǵamdyq baqy­laý júrgizý múmkindigi bo­lyp tabylady. О́ıtkeni, orta sta­tıs­tıkalyq qazaqstandyq úshin memlekettik qyzmetter kórsetýdiń sapasy memleket jumysynyń basty kórsetkishi sanalady. Má­se­len, eger adam qandaı da bir anyq­tama nemese qujat alý úshin óziniń eshqandaı aqylǵa qonbaıtyn ýaqytyn sarp etse, memlekettik mashına jumysyn baǵalaý, tutastaı alǵanda, jaǵym­syz bolyp shyǵatyny aıtpasa da túsinikti. Budan bólek, qyz­metter kórsetýdiń naqpa-naq úlgi-qalyptary joq bolsa, jem­qorlyq quqyq buzýshylyq kóri­nis­teriniń yqtımaldylyǵy artatyny taǵy anyq. Al bul óz keze­ginde kórsetiletin qyzmettiń sapa­syn tómendetip qana qoımaı, tutas­taı alǵanda, azamattardyń mem­lekettik apparatqa senimin joǵaltady.

Memlekettik qyzmetter sapasyna baqylaýdy tek kom­mersııalyq uıymdar ǵana emes, sondaı-aq, Memlekettik qyz­met isteri jónindegi agenttik pen Kólik jáne kommýnı­ka­sııalar mınıstrligi de júzege asyratynyn atap ótý qajet.

Zańnamaǵa sáıkes, kommersııalyq emes uıymdar memlekettik qyzmetter kórsetýdiń qoǵamdyq monıtorıngin óz esebinen jáne óz bastamashylyǵy boıynsha da júrgize alady. Sondaı-aq, memlekettik qyzmetter kórsetýdi baǵalaý men baqylaýǵa ókiletti organ memlekettik áleýmettik tapsyrys aıasynda monıtorıngke kommersııalyq emes uıymdardy tartýǵa da quzyrly. Memlekettik qyzmet isteri jónindegi agenttiktiń 2014 jylǵy bıýdjetine qazirdiń ózinde memlekettik áleýmettik tapsyrys aıasynda memlekettik qyzmetter kórsetýdiń sapasyna monıtorıng júrgizýge kommersııalyq emes uıymdardy tartý úshin qarjy resýrstary salynatyny josparlanyp otyr.

Tutastaı alǵanda, «Memleket­­tik qyzmetter kórsetý týraly» Zańnyń qa­byldanýy memlekettik qyzmetter kórse­týdiń ortaq talaptary men tártipterin zańnamalyq turǵydan bekitýge, qyzmetter kórsetý salasynda memlekettik organ­dar­dyń mindetterin naqty belgileýge, Qa­zaqstan azamattaryna memlekettik qyzmet kórsetiletin kez kelgen orynda óz monıtorıngine bastamashylyq jasaýǵa múmkindik beredi. Sebebi, memlekettik qyz­metter kórsetýde azamattardyń múddelerin tıis­­ti deńgeıde qaperge alý bas­ty shart – memlekettik organdar jumysynyń móldirligi men azamattardyń tolyqqandy aq­parattandyrylýy jaǵdaıynda múmkin bolmaq.

Sáýlebek BIRJAN.

ASTANA.