Moratorıı kásipkerlikti órkendetýge negizdeledi

Naqtyraq aıtsaq, ortalyq memlekettik jáne jergilikti atqarýshy organdar 2020 jyl­dyń 1 qańtarynan bastap 2023 jyldyń 1 qańtaryna deıin keıbir tarmaqtardy qos­pa­ǵanda, shaǵyn kásipkerlik sýbek­ti­lerine barý arqyly tekserýler men profılaktıkalyq baqylaý men qadaǵalaý toqtaıdy. Áıtse de halyqtyń ómiri men den­saýlyǵyna, qorshaǵan ortaǵa, zańdylyq pen qoǵamdyq tár­tipke qater tóndirýi múmkin, kons­tıtýsııalyq qurylysqa jáne ulttyq qaýipsizdikke týra nemese tikeleı qater tóndiretin zań buzýshylyqtardy boldyrmaýǵa nemese joıýǵa baǵyttalǵan, son­daı-aq «Qarjy naryǵy men qarjy uıymdaryn memlekettik retteý, baqylaý jáne qadaǵalaý týraly» Zańda kózdelgen negiz­der boıynsha júrgiziletin tek­serýler jalǵasady. О́z qyz­metine qatysty kásipkerlik sýbektileriniń ótinishteri negi­zinde, onyń ishinde «Ruqsat­tar jáne  habarlamalar týraly» Zańǵa sáıkes ruqsat alýǵa arnalǵan ótinish boıynsha tekserýler men profılaktıkalyq baqylaýdy baryp júrgizýde óz kúshinde qalady delingen.

Mańyzdy qujatta 2014 jyl­­ǵy Qylmystyq-prosestik ko­­deks­te kózdelgen negizder bo­­ıynsha, Prezıdenttiń jáne Bas prokýrordyń tapsyrmasy negizindegi prokýratýra organ­darynyń, kedendik jáne qarsy salyqtyq tekserýler, salyq tóleýshi men onyń debıtorlary arasyndaǵy ózara esep aıyrysýdy aıqyndaý, salyq organdarynda tirkeý esebine qoıý, kassa boıynsha shyǵys operasııalaryn toqtata turý týraly salyq organy shyǵarǵan ókimderdi oryndaý máseleleri boıynsha taqyryptyq salyqtyq tekserýler, halyqtyń sanıtarııalyq-epıdemıologııalyq salamat­tylyǵy salasynda ónim qaýip­sizdiginiń monıtorıngin júzege asyrý úshin ónimdi irikteý jáne oǵan sanıtarııalyq-epı­de­mıo­logııalyq saraptama jasaý maqsatyndaǵy profılak­tıkalyq qadaǵalaýdy baryp júrgizý de zańnamaǵa sáıkes oryndalady.

Osy Jarlyqtyń 1-tarmaǵy­nyń 1-2-tarmaqshalarynda kóz­del­gen tekserýler ortalyq mem­­­­lekettik nemese jergilikti at­­­qarý­shy organnyń birinshi bas­­­shy­synyń sheshimi negizinde júr­­gizil­mek. Bul sheshim shaǵyn ká­sip­k­erlik sýbektilerin, onyń ishin­de mıkrokásipkerlik sýbek­ti­lerin 2019 jyly bas­tal­ǵan tek­se­rý­lerge jáne pro­fı­lak­tıkalyq baqylaý men qa­daǵa­laýdy baryp júrgizýge qol­da­nyl­maıdy. Osy rette Úkimet atalǵan Jarlyqty iske asyrý jóninde sharalar ka­byl­­­daýǵa tıis. Al onyń oryndalýyn ba­qy­laý Prezıdent Ákim­shi­li­gine júktelmek.

Resmı derekterge sáıkes, bıyl elimizde tirkelgen zań­dy tulǵalardyń jalpy sany 450 myńǵa jeteqabyl. Búginde Qazaq­standa bilim salasy bızneske qolaıly bolyp keledi. Munda zańdy tulǵalardyń sany 600-den asady. Sondaı-aq qonaq úı jáne meıram­hana kásibi, aýyl sharýashyly­ǵy, qurylys, ákimshilik jáne qosal­qy qyz­met kórsetý salasyn jolǵa qoıǵan­dardyń qatary artyp keledi.