Iá, onyń esimi - Erasyl Serikbekuly. 12 jasta. Nur-Sultan qalasy irgesindegi Sápıevka aýylynda turady eken. Erasyldy búgin Abaı aýdany Qaraýyl aýylynda Abaı Qunanbaevtyń 175 jyldyǵyna oraı ótip jatqan respýblıkalyq saıysta kezdestirdik.
«Qarshyǵamnyń aty - Chıpok. Jaqynda bir jasqa tolady. Ákem - búrkitshi. Atam Kúntýǵan da búrkitshi bolǵan. Bul alǵashqy jarysym emes», - deıdi ol.
Osy saıystaǵy eń jas búrkitshiniń ákesi Serikbekti az-kem áńgimege tartqanymyzda qusbegilikpen atasy da shuǵyldanǵanyn aıtty. «Muny ákem Kúntýǵannan estidim. Sonda bizdiń áýlette tórtinshi býyn qusbegilikpen aınalysýda. Úıde tórt búrkit, bir qarshyǵam bar. Osy jarysqa ákem ustaǵan Aqbalaq atty búrkit qatysyp jatyr. 25 jasta. Bul saıystaǵy eń kári búrkit», - deıdi Serikbek Kúntýǵanuly.
Shyǵys Qazaqstan oblysy,
Abaı aýdany,
Qaraýyl aýyly