Naýryz aıynda álemniń birqatar memleketinde kásipqoı bokstan dúbirli jarystar ótedi. Sol básekelerde Qazaqstannyń myna bylǵary qolǵap sheberleri óner kórsetedi.
6 naýryz. Birikken Arab Ámirlikteriniń Dýbaı qalasynda «Rotunda Rumble 3» dep atalatyn kásipqoı boks keshi ótedi. Aıtýly jarysta Qazaqstannyń qos bylǵary qolǵap sheberi óner kórsetedi. Ekinshi jartylaı jeńil salmaq dárejesindegi Nurtas Ájbenov fılıppındik Djeı-Ar Magbýmen kúsh synasady. Asa aýyr salmaqta Jan Kosobýskıı sharshy alańǵa shyǵady. 12 kezdesýiniń barlyǵyn jeńispen aıaqtap, 11 qarsylasyn nokaýtpen utqan jerlesimizdiń qarsylasy áli anyqtalǵan joq.
12 naýryz. Kanadanyń Monreal qalasynda orta salmaqtaǵy Sadrıddın Ahmedov aıqasady. Ol Meksıkanyń myqty boksshysy Marıo Alberto Lozanomen kúsh synasady.
13 naýryz. AQSh-tyń Maıamı qalasynda Qazaqstannyń qos ókili jarys kórigin qyzdarady. Jartylaı jeńil salmaqtaǵy Musa Tursynǵalıev argentınalyq Ezekvıl Alberto Tevezben jáne birinshi aýyr salmaqtaǵy Serik Musádilov amerıkalyq Kvıntella Tomsonmen qolǵap túıistiredi.
13 naýryz. AQSh-tyń Hınklı qalasynda Baqtııar Eıýbov rıngke kóteriledi. Birinshi jartylaı orta salmaqtaǵy otandasymyzdyń qarsylasy áli anyqtalǵan joq.
28 naýryz. Kanadanyń Kvebek qalasynda orta salmaqtaǵy Jánibek Álimhanuly judyryqtasady. Onyń da qarsylasy ázirge belgisiz.