Abaı Qunanbaıulynyń 175 jyldyq mereıtoıyna oraı Pavlodar oblysyndaǵy Aqsý aýyldyq aımaǵyna qarasty Qalqaman aýylynda erekshe formattaǵy keshendi shara uıymdastyryldy. «О́lmeıtuǵyn artynda sóz qaldyrǵan» atty qalalyq semınar barysynda 6 bólimge negizdelgen rýhanı shara bir mezette ótti. Saıystyń basty ereksheligi – ár alýandyǵynda.
«Búginde elimiz boıynsha uly aqynnyń esimin dáripteý maqsatynda túrli sharalar uıymdastyrylýda. Bastysy naýqanshyldyqqa salynbaı, uly tulǵaǵa arnalǵan ár isimiz sapaly bolýy kerek. Kemeńger oıshyl Abaı Qunanbaıulynyń ulttyq oıynymyz – toǵyzqumalaqty da jaqsy oınaǵanyn bilemiz. Sondyqtan biz shyǵarmashylyq saıystarmen qatar asyq atý, toǵyzqumalaq sekildi ulttyq sport túrlerin de jarys baǵdarlamasyna engizdik, deıdi Qalqaman aýyldyq mektebiniń dırektory Arystanbek Soltanhan.
Tárbıe men taǵylymǵa toly sharaǵa óńirdegi ult rýhanııatyna ózindik úles qosyp júrgen «JEBE» qoǵamdyq birlestiginiń músheleri qatysty. Atap aıtsaq, Qazaqstan Jazýshylar odaǵynyń Pavlodar oblystyq fılıalynyń basshysy, aqyn Jarqynbek Amantaı, «Jomart júrek» syılyǵynyń ıegeri, qoǵam belsendisi, ulttyq ónerdiń janashyry Asylbek Týǵanbaı, satırık aqyn, S.Toraıǵyrov atyndaǵy oblystyq kitaphana qyzmetkeri Alpysbaı Honj qatysyp, saıysqa qazylyq etti.
Aqsý qalalyq mádenıet jáne tilderdi damytý bóliminiń basshysy Aıdos Orazalın, qalalyq ishki saıasat bóliminiń basshysy Nurlan Baıbákirov saıysqa qatysýshylarǵa aq jol tilep, sharaǵa qoldaý bildirdi.
Keshendi baǵdarlamaǵa toly shara «Abaıdy oqyǵan soń» esse jazý, «О́leń sózdiń patshasy» mánerlep oqý, «Qulaqtan kirap boıdy alar...» ánder saıysy, «Abaı – dana, Abaı - dara» úsh tildegi breın-rıng oıyny, «toǵyzqumalaq», «asyq atý» sekildi 6 túrge bólinip ótti.
Jeńimpazdar men júldegerler Alǵys hatpen, estelik kýbok jáne medaldarmen marapattaldy. Sondaı-aq erekshe ónerimen kózge túsip, «О́leń sózdiń patshasy» mánerlep oqý nomınasııasynda jeńimpaz atanǵan Bereke orta mektebiniń 11-synyp oqýshysy Ádebıet Qurmanálige ult janashyry Asylbek Týǵanbaı aqshalaı syılyq tabys etti.