Sońǵy 5 jylda Almaty oblysynda ındýstrııalyq turǵyda damytýda turaqtylyq saqtalyp, ónerkásip óniminiń kólemi 1,7 esege, ıaǵnı 300 mlrd. teńgeden 500 mlrd. teńgege deıin ósti. Byltyr óńdeý ónerkásibiniń kólemi jalpy óndiris kólemine shaqqanda 83%-dy qurap, respýblıka boıynsha 2-orynǵa kóterilse, ishki aımaqtyq ónim qurylymyndaǵy óńdeý ónerkásibiniń úlesi 17,4% oryndaldy.
Sońǵy 5 jylda Almaty oblysynda ındýstrııalyq turǵyda damytýda turaqtylyq saqtalyp, ónerkásip óniminiń kólemi 1,7 esege, ıaǵnı 300 mlrd. teńgeden 500 mlrd. teńgege deıin ósti. Byltyr óńdeý ónerkásibiniń kólemi jalpy óndiris kólemine shaqqanda 83%-dy qurap, respýblıka boıynsha 2-orynǵa kóterilse, ishki aımaqtyq ónim qurylymyndaǵy óńdeý ónerkásibiniń úlesi 17,4% oryndaldy.
Sóıtip, ınnovasııalyq qarqyn deńgeıi arǵy jylǵy kórsetkishten 2,3 esege artty. Jalpy alǵanda, 5 jylda tartylǵan ınvestısııa kólemi 393 mlrd. teńgege jetti. Turaqty ósý qarqyny aǵymdaǵy jyly da saqtalyp, 6 aıdyń qorytyndysy boıynsha ishki aımaqtyq ónim qurylymyndaǵy óńdeý ónerkásibiniń úlesi 19,3%-ǵa oryndalsa, óńdeý ónerkásibindegi eńbek ónimdiligi 106,7%-dy, memlekettik satyp alýdaǵy qazaqstandyq qamtý deńgeıi 86,8%-dy qurap, 14,6 satyǵa joǵarylady. Tutastaı alǵanda, Jetisý jerinde qus sharýashylyǵy klasteriniń damýy qarqyn alýda. Indýstrııalandyrý kartasy aıasynda «Alataý Qus» JShS qus fabrıkasynyń, úsh soıa óńdeý zaýytynyń jáne jem qospalaryn shyǵarý zaýytynyń qurylysy zańnama talabyna saı jasalǵan joba boıynsha júzege asyryldy. Sonymen qatar, 2014 jyly Talǵar jáne Jambyl aýdandarynda taǵy 2 qus fabrıkasyn iske qosý josparlanýda. Bul qýanarlyq jaıt. О́ıtkeni, shıkizat shyǵarýmen shektelmeı, ony qaıta óńdep ýaqyt talabyna saı halyqtyń paıdalanýyna usyný, múmkindiginshe eksportqa shyǵarý kóp eńbekti qajet etedi. Sóıtip júzdegen jumys oryndary ashylyp, turǵylyqty halyq jumyspen qamtylady. Osynyń barlyǵyn úılestirip otyrǵan bılik ekeni anyq. Naqtylaı tússek, memlekettik saıasatqa saı Almaty oblysynda kásipkerlikti damytýǵa jarqyn jol ashylǵandyǵynyń bir dáleli emes pe?! Bile-bilsek, ınvestısııa tartý ońaı jumys emes. Bul rette «Alataý qus» jaýapkershiligi shekteýli seriktestiginiń jumysyn mysalǵa keltirýge bolady. Negizgi áreketi qus etin óndirý bolyp tabylatyn óndiris ornyna 20314 mln. teńge zaemdyq qarajat jáne 500,2 mln. teńge menshiktik qarajat tartylyp, 2012 jyly qyrkúıek aıynda iske qosyldy. Búginde 720 adam jumys isteıdi. О́ndiris ornynyń qýattylyǵy 3500 mln. teńge bolady dep josparlanyp, ol meje 100 paıyzǵa oryndalyp otyrǵany taǵy bar. Qoryta aıtqanda, ındýstrııalandyrý ıgiligin el kórip hám sol óndiris ornynda eńbek etip, nápáqalaryn tabýda.
Nurbol ÁLDIBAEV,
«Egemen Qazaqstan».
Almaty oblysy.