Fransııada ótip jatqan G7 sammıti aıasynda Donald Tramp pen Vladımır Zelenskıı kezdesý ótkizdi, dep habarlaıdy Egemen.kz.
Shamamen jarty saǵatqa sozylǵan kelissózder sammıttiń resmı baǵdarlamasynan tys ótti.
Kezdesýden keıin Tramp, Zelenskıı men Emmanıýel Makron G7 sammıtiniń jumysyna qatysty.
Zelenskııdiń aıtýynsha, G7 elderi Ýkraınanyń áýe qorǵanysyn kúsheıtý jóninde ortaq ustanymǵa kelgen. Sondaı-aq ol bul máseleni Tramppen jeke talqylaǵanyn, Ýkraınada ballıstıkalyq zymyrandarǵa qarsy júıeler óndirý múmkindigin kótergenin aıtty.
Keıin jýrnalısterge pikir bildirgen Donald Tramp kelissózdi «óte jaqsy ótti» dep baǵalap, Reseıdiń kelisimge kelýi qajet ekenin málimdedi.
«Reseı kelisimge kelýi kerek. Olar (Reseı men Ýkraına) óte kóp sarbaz joǵaltyp jatyr. Mundaı jaǵdaı Ekinshi dúnıejúzilik soǵystan beri bolǵan joq», dedi ol.
Eske sala keteıik, buǵan deıin Vladımır Zelenskıı Reseı prezıdentine soǵysty toqtatýdy usynyp, ashyq hat joldaǵan edi. Sondaı aq ol qaqtyǵysty qysqa deıin toqtatý kerektigin aıtyp, málimdeme jasady.