Kembrıdj ýnıversıtetiniń ǵalymdary jasandy ıntellektiniń kómegimen ázirlengen vaksınany alǵash ret adamdarǵa synaqtan ótkizdi, dep habarlaıdy Egemen.kz.
Bul topqa COVID-19 pandemııasyn týdyrǵan SARS-CoV-2, SARS vırýsy, sondaı-aq adamǵa juǵý qaýpi bar janýarlardyń koronavırýstary jatady.
Vaksınanyń negizgi elementi retinde «sýperantıgen» dep atalatyn komponent qoldanylǵan. Ol vırýstardyń genetıkalyq derekterin taldaý arqyly jasalǵan.
Kembrıdj ben Saýtgempton qalalarynda ótken alǵashqy klınıkalyq synaqqa 39 erikti qatysqan. Ǵalymdardyń aıtýynsha, vaksına barlyq dozada sátti engizilip, qaýipsizdik turǵysynan eleýli másele anyqtalmaǵan.
Qaterli isikti anyqtaýǵa bes sýret jetkilikti: Jas ǵalym ázirlegen algorıtmniń ereksheligi qandaı?
Degenmen zertteýshilerdiń aıtýynsha, vaksına áli tolyq daıyn bolmaǵan. Endigi kezeńde aýqymdy klınıkalyq synaqtar júrgizý josparlanǵan. Mamandar bul tehnologııa bolashaqta jańa vırýstarǵa qarsy jyldam vaksına ázirleýge múmkindik beretinin aıtady.
Eske sala keteıik, buǵan deıin amerıkalyq Life Biosciences kompanııasy jasýshalardyń qartaıýyn baıaýlatatyn gendik terapııany alǵash ret adamǵa synaqtan ótkizdi.
Kompanııa ókilderiniń aıtýynsha, eger synaqtar sátti ótse, bolashaqta bul tehnologııany tek kóz aýrýy, baýyr men basqa da aǵzalardyń qartaıýyna qarsy qoldanýǵa bolady.